السلام عليكم ورحمة الله وبركاته ..

انا حامل بالشهر الثامن وان شاء الله بعد الولاده اريد استخدم كريمات عشان تخفي الخطوط و التشققات وتشد بطني و اتنمنى انكم تنصحوني شو استخدم من الكريمات اللي مفعولها سريع انا دورت فالنت لقيت عدة كريمات مثل (ريميديا , سترتش مارك من لوريال , بيتاديرم) فأتمنى من اللي جربت واحد من هذيلا الكريمات تخبرنا عن تجربتها ويا هالكريمات او غيرها .. ومتى نستخدمها في فترة الحمل او بعد الولاده؟

__________________
url=http://pregnancy.baby-gaga.com/][/url]

نفس الحالة

بس ليش ما تستخدمين كريمات من الحين ؟؟؟
في كريمات مخصصة للخطوط اثناء الحمل ( ماتضر البيبي )
و استمري على استخدامها حتى ما بعد الحمل
مادري عن الكريمات الي ذكرتيها

بس من فترة بسيطة بديت استخدم كريم
موصوف طبيا هنا
و يحتوي على فيتامين e و كولاجين و ايلاستين و زبدة الكاكاو و زبدة شيا
بس مادري مشموح اكتب اسمه و لا لا

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

بصراحه انا ما جربت الحمل يعني لسه بطني كويس حمد لله ... وايضا ما ودي أحبطكم لكن كل اللي جربوا هالكريمات يقولون انها ما سوت شي الخطوط أكيد بتخف بعد الولاده لكن ما يرجع البطن زي ماكان ..

وعلى فكره 99% من النساء اللي جربوا الحمل يكون عندهم تشققات لكن تطلع واحد من 100 جلدها يكون ستريتش فمايطلع لها الالا شي بسييييييط لايكاد يذكر وأنا اعرف 2 من قريباتي مافيهم خطوط ماشاء الله ..

انا بصراحه استخدم كريم زبده الكاكاو من بالمرز

ماله علاقه بشد البطن بس الي اعرفه انه للتشققات

__________________

والله يا بنات ان بطني تشوه هههههههههههه من بعد الحمل والولاده

لكن امي ما شاءالله عليها جايبه 7 و لا خط ف بطنها

و توقعو اشكانت تستعمل

((فـــــــــازلين))

و كانت اتقول لي اذا جاتك حكك بطنك لا تحكينه

وكانت اتهاوشني والله يا بناااااااااات

__________________

كلها حكي فاضي اختي حطيتي او ما حطيتي كله واحد ورح تبان عليكي الخطوط شئتي ام أبيتي
انا ما ابي احبطك لكن الي يزيل الخطوط هو الرياضه للبطن يشد الجلد وتخف التشققات
وفقك الله لكل خير
في رعايه الله

__________________
سبحانك اني كنت من الظالمين

هذي الكريمات كلها خرافات !!!
بس قاعدين يضحكون علينا ويشغلونا وحنا نصدق !!!
حبيبتي التشققات كل وحدة وطبيعتها,,
أنا زميلة لي قالت لي : أنصحك لا تهملين الكريمات خاصة لما تبدي بطنك تكبر عشان ما تصير عندك تشققات مثلي أنا أهملت وتعالي شوفي بطني!!
بصراحة أنا ما حرصت لأن الوحدة خلااااص ماهي طايقة نفسها فاضية أنا أقعد أطلع بطني وأدهنها!!
والحمد لله مافيني ولا شخطة وألحين صار لي 6شهور من ولدت,
لكن بالنسبة للكرشة لأ لاااااااز رياضة عشان تشد وترجع مثل أول,,
وأنا مامارست الرياضة إلا بعد 4شهور من الولادة لأني تعبت من الجرح ,, وألحين أنا ما كأني واااااالدة

دمرتوووووونييييييي

يعني مافي اي امل ..
الله يعين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

من جد تحطيم

انا الحين صار لي 37 يوم وبطني لسها لونها غامق والتشققات واضحه

غير انها كبيره ومترهله ماادري وش اسوي فيها

على اني كنت حريصه ما اشرب اي شي بارد حتى المويه

والرياضه مارستها عقب 4 اسابيع لان الخياطه ما طاحت بسرعه
والله يعين

__________________