زوجي سافر للخارج و لم يخبرني
مسائكم ازهار وورود ورياحين,
يابنات اعرفكم عليا انا جديده في هاد المنتدى لقبي الساحل الشرقي عمري 22 سنه متزوجه من سنتين ولله الحمد لم ارزق باطفال,من سكان جده,وسابقا عند اهلي في مكه الله يحفضهم.
يابنات انا وزوجي دايما في مشاكل وكمان هوا بخيل مايديني مصروف وروحاتي للمول بالحسره ومايصلي الصلواة بوقتها وكمان مرات يترك الصلاة ومدمن سجاير باليوم 4 باكيت ومريض عندو الحيوانات المنويه ضعيفه جداااا ودايمااا تاركني وطالع مع اصحابه
والحين تعرضت لمصيبه قبل ربع ساعه كلمتني زوجة واحد من اصحاب زوجي وقعدنا نتحاكى الموهم قالتلي انها توها دريت ان زوجها طالع على(دوله) وانو زوجي كمان معاه وقالت اذا تبغين تتاكدي طلي على جوازه انا رحت على طول صاروخ على الجواز وفعلا وللاسف لقيته طالع على (دوله)أحتفظ في اسمها ولكن معروفه بالبنات اللي يتدلعو وكان وقتها زوجي نزلني على اهلي في مكه وقالي انو بيروح رحلة بحريه يبغون يصيدو سمك وقالي انو بيجيب لنا سمكات,هو واصحابه عندهم سفينه الموهم انو طلع كذاب كيف اتعامل معاه تكفون خبروني مالي غيركم ياخواتي والله اني داخله المنتدى على شان تردون عليا كيف اتصرف يابنات هل اطلب الطلاق لانو كذاب وخاين وبخيل وغير متدين.ام ماذا دلوني ااااله يوفقكم ويسعدكم
التعديل الأخير تم بواسطة أم داليا ; 10-01-2011 الساعة 09:25 PM
السبب: العنوان
10-01-2011, 08:44 PM
ضوابط المشاركة
العرض المتطور