(اتسرع في تجريح زوجي)
السلام عليكم
مرحبا فيكم جميعآ

حابه استشيركم ياغوالي
انا أعشق زوجي الله ﻻيحرمني منه ابدآ
ولكن مشكلتي متسررعه في الكﻻم واجرح بالالفاظ القويه
مثﻵ لو اشتغلت الغيره أجيب كﻻم مره جارح
وهو الله يجزاه خير ويكتب له اﻻجر يتحمل يزعل بنفس الوقت
لكن يسامحني
بس انا مرره تتعب نفسيتي واندم من كﻻمي
وآخر موقف صار من كم يوم مااحترمته صراحه ورديت عليه وعاندته
والحين مايرد علي ابدآ
وانا خااايفه يتركني لهاالسبب

للعلم زوجي شخصيته شمالي ولو عندكم معلومات قولولي
عن الشمالي..

(تم التعديل ليتناسب مع المضمون)

أبيكم تاخذون بيدي للطريق الصحيح
وتوجهوني الله يجزاكم خير

الله يهديك ي اختي
أأمسكي لسانك وثمني كلامك قبل تقولينه
ومهما كان ي قلبي زوجك اكيد بيتحملك
ارسلي له رسالة اعتذار وم تكررين هالشي
ولا تعاندين العناد م يجيب نتيجه
واحترميه زي م يحترمك
ولا تتسرعين
ربي يصلحكم ويجمعكم
أهم شي دزي مسج أو كلميه وراضيه
ولاتكررين هالشي الرجال م يحب الي طويلة لسان ابد
يحب الي تلوقه بالكلام المعسول
وبس ... أتمنى افدتك لو بشي بسيط

ﻻ انا بس لما اعصب اتسرع
لكني اتصل وﻻ يرد وﻻ يرد على مسجاتي
بصراحه ماارسلت اعتذار بس ارسل كﻻم انو وينك ماترد وكذايشوف الرسايل ويطلع وﻻ يرد علي أبد انا بديت أخاف
دعواااتكم

أخاف ارسل اعتذار يطنشني
ويطيح وجهي
مدري كيف التعامل بهاالمواقف مع الشمالي. .

زي ما طيحتي وجهه المسكين بقلة الاحترام خل يطيح وجهك شويه بالاعتذار عن غلطك
بعض الحريم اذا الله اكرمها بزوج كريم يتحمل اغلاطها تمردت وظنت كرمه ضعف وتمادت

احمدي ربك على زوج محترم زيه وشوفي قصص الاخوات اللي يعانون الويل من قسوة رجالهم
اعتذري وحبي راسه كمان زوج محترم زيه ما يستاهل الا زوجه تشيله تاج فوق راسها

سامحيني ان شديت في الكلام لكن كثرة قصص اللي يعانون من ازواجهم
يخليني اكره كل حرمه زوجها طيب وكريم وما تشكر الله عليه ليل ونهار وتحترمه وتدور رضاه بعد رضا الله

الله يصلح حالنا وحالك

ارسلي وحاولي بقد م تقدرين
أهم شي تحسسينه انك غلطانه
لو م ترسلين بيقول عادي عندها أزعل
وحتى لو تعصبين حاولي تمسكين نفسك وتعوذي من إبليس

تعوذي من ابليس. .هالكلمه قالها لي
قمت قلتله ابليس اللي عندك ..واللي عنده يمكن تكون زوجته
بعدها قالي انا بقفل وقفل الخط بوجهي
هذا سبب الزعل

عليكم السلام ورحمة الله وبركاته

أختي الكريمة الحلم بالتحلم يعني عودي نفسك على اجتناب الكلام الجارح والسيء مع زوجك ومع غيره وحاولي قدر المستطاع التحكم في مشاعرك وإذا شعرت ببوادر الغضب فحاولي الاشتغال بأمر آخر أو تغيير مكانك والابتعاد حتى تهدأي والوضوء أو غسل الوجه بالماء يخفف حدة الغضب .

واعتذري إليه ولاتترددي فالاعتذار والتعتراف بالخطأ دليل على الشجاعة وليس على الضعف واتركي وساوس الشيطان وخوفك بأن لايرد عليك أو يطنشك فالشيطان يفرح كثيراً كلما زادت الفجوة بينك وبين زوجك .

اشكرك نصائحك أخي القيمه وراح اعمل بها
لكني مررا مااقدر اتجرأ وأعتذر مررا مررا ﻻ
والله ماعندي القدره ﻻنه هو الغلطان
كل مره اتصل فجأه ألقاه مسافر انصدم ﻻنه مايعطيني خبر قبلها
ولما زعلت وانفعلت ماتقبل ويعتبر نفسه صح ويقول خصوصياتي