السلام عليكم انا في ضيق مايعلم فيه آلا ربي من زوجي وتصرفاته معي لااحترام ولاتقدير طبعا انا لي عند اهلي 5 شهور مِن بعد ولادتي بابنتي من بعد ثمان سنوات وهذا اول حمل لي تاركني عند اهلي مايبغى مسؤوليه ولا اهتمام نايم في بيت اهله عاجبه الوضع كل ماقوله متى تاخذ شقه نسكن فيها يقول انا مو فاضي مشفول او يقول قريب تتيسر هذا كلامه دايم لي يتهرب مني هو مو مقصر معي بالمآده انا وبنتي يجي يزورنا اقل شي في الاسبوع مره يتعذر كثير اخر موقف حصل لي معه قبل يومين طلعت مع السواق رحت عنده في المخيم انا وبنتي لانه كان بيطلع مع اهله تفاجا بجيتي وطنشني قدام اهله ولايعبرني وانا راجعه البيت ينزلني قال انتي ماعندك كرامه ويجرحني بالكلام لو اكتب قصتي من الحين لين بكرى ماتخلص تعبت وربي معه انسان جالس يهينني ويذلني تعبت وربي ساعدوني كيف اتعامل معه كيف

مستجدات الرد 24


http://66n.com/forums/showpost.php?p...4&postcount=24

__________________
.. أستغفر الله العظيم .. أستغفر الله العظيم ..

لأنك سمحتي له من البدايه
وما وقفتيه عند حده
لا انتي ولا اهلك

والا بأي حق يتركك 5 شهور!
لا احساس بمسؤوليه زوجه
ولا احساس بمسؤوليه بنت
وينافخ ويعصب بعد


قال لك انك بدون كرامه
اسألي نفسك: ليه قال كذا؟
.........

غيري نفسك حبيبتي

ياخذوا بنات الناس ثم يطلعوا فيها مائة علة
قالها ماعندك كرامة عشان جات لعنده المخيم مايبي يشوفها مرتاح
اول دق الصدر لما قبل يتزوج الحين يبي بيت اهله

لا يضيق خاطرك سلمي اهلك الموضوع اذا يقدروا يكلموه

__________________
يا رب خاتمة حســنة ، وزلفى ، وحسن مآب ..

ايش السبب تاركك خمس شهور عند اهلك ؟؟

لان انا ولدت وكان وقتها في مخيمه مشغول وعشان موضوع البيت خلصت العماره بس باقي اشياء بسيطه وأهمل العماره وبدى المخيم على البيت

__________________
.. أستغفر الله العظيم .. أستغفر الله العظيم ..

اهلك واهله لازم وقفه حاسمه

اهله يكرهوني الام للاسف مو طايقتني بالرغم انا معهم طيبه اهلي الوالد وصلت معه خلاص بس يقول ينتظر يشوف ايش نهايته وانا خايفه مررره من المشاكل دوب عندي بنت بس قررت اني مارد على اتصالاته ولا رسائله وإذا جا ماراح اطلع له يبغى يشوف بنته يشوفها بس انا خلاص لين اشوف ايش يسوي يحركه هذا الشي اولا إنتوا ايش تشوفون صح اللي اسويه او عطوني طريقه اتعامل معه كيف

__________________
.. أستغفر الله العظيم .. أستغفر الله العظيم ..

انتي زوجته من 8 سنوات ، هل كان معك كذا ؟
انا اشوف الاهل ممكن لهم تاثير لكن ليس الى هذه الدرجة ؟
هو خمس شهور بعيد او ينام عندكم احيانا؟

هو لالسف مهمل يكره المسؤليه 24 ساعه برى البيت مع الشباب رفقة سؤ بعد لي 8 سنوات عمري ماستقريت زين معه من شقه لشقه ينقلني بس مره عند اهله مره في شقه ولا يحب يهتم في بيته ابد يجيب احتياجتي بس هو يطّلع ايام الخميس الجمعه السبت ينام برى البيت مع اصحابه في المخيم او بيت احد من اصحابه أسلوبه معي قدام اهله زفت صراحه محتاره ايش اسوي معه تعبت وربي وانا ابغاه المشكله مابغى اخسره صبرت كثير وربي ربي يوم رزقني بهذي البنت قلت بتتغير حياتنا لكن اشوف مو مهتم اهم شي عنده الفلوس كيف يكسب اقوله خذ شقه مفروشه مؤقته يقول الفلوس اللي باحطها بالشقه انا ملزوم فيها احطها في البيت طبعا من يوم ماولدت ماقرب مني ابد بالرغم نطلع مخيم نطلع مطعم يعني من فتره لفترة بس يهرب مني يتشرد مره قلت له بعد نفاسي ليه انت مو مشتاق لي قال الا مشتاق لك وربي بس قريب ان شاء الله وقال لي مره انا ولد أصول ومتربي ماجيت اخذك من بيت اهلك عشان هالشي كل شي له وقت واحترام ويوم قلت له قبل كم يوم عن الكلام هذا انه قاله لي قال انا قلت كذا نكر مادري ايش السواة معه تعبت بس تشوفون انتو مارد عليه اتصالاتي ولا رسائله وإذا جا ماطلع له تشوفون صح اللي أسويه ساعدوني وربي مخنوقه

__________________
.. أستغفر الله العظيم .. أستغفر الله العظيم ..

أنا اشوف إنك تأخرتي كثير في إتخاذ موقف .. خمسة شهور مخليك عند أهلك ويماطل ويشوف إنة
سوى اللي علية لما يصرف عليكم ..!
أنا من رأيي تنادونة في البيت في ارب وقت ويكلمة أبوك ويعطية مهلة محددة يجهز فيها البيت ويجي ياخذكم .. كذا انتي ساكتة واهلك ساكتين وهو عاجبة الوضع ومبسوووط لازم تتصرفون مسألة ماارد علية
وماأكلمة هذا مو حل ..

__________________
زاهدً فيما سيأتي .... ناسياً ماقد مضى ..!