السلام عليكم
اكتب على عجالة عسى ان اجد الحل عندكم
يل جماعه قبل يومين اخويا رفع علينا الساطور كان بيقتلنا كلنااااااا بس الحمدلله الحمدلله كان زوج أختي موجود ومسكنا برحمه من الله ولطف منه
يا ناس كان يقرأ قران بصوت عالي ويقرأ آيات بترتيل وصوت حلووو
ويقول يلا نسافر المدينه قبل يقتلونا وجا صحاني من النوم وهو هادي وخلال خمسه دقايق ع بال نتناقش معاه انا وامي وامي تقوله طيب اهدأ ياحبيبي واحنا نسافر معاك الا دفها وهاااج وقال انت مشتركه معاهم بتقتلوني بعدين قال انا اوريكم وراح المطبخ وجاب ساطور انا ماعمري شفته بالمطبخ لانه شكله كان تحت بالدرج كنا نصرخ بهستيريا وبنقفل الباب وأختي تصرخ *بتفتحه خافت على بنتها لانها بغرفه ثانيه ولما فتحنا الباب مسك أختي من رقبتها ورفع الساطور الا كلنا بلطف *الله مسكناه انا لحقته من رقبته وزوج أختي مسك يده ودفه علي صرت تحت اخويا ويدي وحده على اللي فيها ساطور والثانيه على رقبته وزوج أختي ماسك الساطور ونزفت يد زوج أختي من الدم واخويا يقرأ قران بصوت عالي ويقول تكفى يا فلان يقصد زوج اختي يقوله تكفى لا تقتلني لا تشترك معاهم
الموهم انا بمخي اقول راح يرفع يده ويجي الساطور ع راسي بس ما يهم اهم شي امي
اول كنت أصرخ بهستيريا ولما زوج اختي لف يد اخويا بقووووه وأخذ الساطور وقال لاختي شيليه بسرعه انا هنا قمت اقول لاخويا انا فلانه لا تسوي كذا قال انت بتقتليني قلت وربي اني احبك وما احد بيقتلك وصرت ابوس وجهه واترجاه قال اجل البسي عبايتك نروح المدينه قلت طيب الموهم انا حاولت انفك منه بالغصب لاني مؤ مستوعبه قدام زوج اختي بدون عبايه
بالأخير اخويا صار يقرأ آيات ونادينا أزواج أخواتي وقام يقولهم انتم بتقتلوني بس سجده وحده لله بسجدها قبل يقتلوني
بس سجده ويقرأ آيات بصوت قطع قلوبنا
وما قدروا يخرجونه للمستشفى الا بسلاسل رجاااال ماقدروا عليه
الان هو تحت تأثير المخدر والإبر ويقول انه يتذكر اللي صار كأنه حلم ..
المستشفى حولوه للمدينه للأمراض النفسيه وطبعا امي رفضت وبكرا بتخرجه للبيت لانه هو وامي يقولوا مافيه شي وحجزنا شيخ للمس والسحر الجمعه بالمدينه ويقول اخويا مااحد راح يوديني اروح لوحدي مافيني شي ويقول أعود بالله اني ارفع عليكم السكين يقول يمكن انا مضغوط نفسيا ومافيني شي
الان كيف ياناس والله خايفه بكرا ارجع البيت معاهم وامي تقول مافي شي بترجع معاه البيت وانا مرعوبه من الساطور للان مؤ قادره اهدأ
هذا مرض نفسي؟*
ولا مس !
مع العلم انه له شهرين متغير اول كان عصبي جداً هذي الشهرين مرا طيب معانا وحنون بس ما ينام بغرفته ابدااااا يقول ما ابغاها وخطبنا له وكانت كل الامور تمام
الله يخليكم ايش اسوي
اروح الصباح معاهم البيت ؟
ولا اخلي امي بقرارها اذا بتروح معاه بكيفها ؟
نقول لها خليه بالمهديات الين الجمعه موعد الشيخ ورافضه ورفضت يدوه اي ابر من امس
يا ناس انا من اول كان فيني حالة قريبه من الاكتئاب وفزع من النوم والآن زاد
ايش اسووووي وايش حالة اخويا*
وهل مرت عليكم حاله زي كدا وتعالجت ولا راح ترجع له الحاله
أمانه اهتموا للأمر بالذات انه القتل زاد هالايام والأب يقتل ضناه والأخ يقتل اخوه وانا لولا لطف الله كان الان ميته انا واهلي مع العلم انه مافي بالبيت الا انا وامي واخويا
ساعدوني وربي ميته بكا ورعب من يومها

الله يشفيه يااارب
لازم تحرصون ع الرقيه ولازم يكون معاكم رجال بالبيت غيره والله يحفظكم.

امي راح تطلع معاه البيت تو تقول لي أخوك مافيه شي ان شاء الله
قلت لها يمكن ترجع له حالته ويقتل نفسه او يقتلنا قالت لا ان شاء الله ربي يحمينا

اول كان زوج أختي عندنا بالصدفة وع الفجر صار هالكلام .. ان صار هالشي وانا وامي لوحدنا ؟ طيب وان قفلت باب غرفتي الباب مؤ راد شي ؟!
ايش اسوووووووووووي

لا حول ولا قوة إلا بالله العلي العظيم

أسأل الله العظيم رب العرش العظيم أن يشفيه مما هو فيه إن كان مرض نفسي أو مس أو مخدرات

أنا أتوقع والعلم عند الله أنه تعاطي لكن لوكان فعلاً تعاطي كان المستشفى أكتشفت هذا الشيء في التحليل

بالنسبة لأمك فهي أم من الطبيعي تكون هذي ردة فعلها

اللهم فرج همها وهم أمها و أشفي أخاها شفاءاً لايغادره سقم
اللهم كن لهم عوناً معينا
اللهم أجعلها أخر عهدهم بالأحزان

أستودعتك ياربي هذه البنت وأمها وأخوها في ودائعك يا من لاتضيع ودائعك
ياكاشف الضر فرج همهم

طيب ليش مؤ راضي الجمعه انه احد يوديه المدينه ؟
ليش يقول انا اروح لوحدي ؟!

أخواتي يقنعوني اروح مع امي وما اتركها لانه وقتها راح اصير انا الانانيه واللي ما احب اخويا وامي
طيب انا فيني خوف ورهبه من اللي صار
اذا المستشفى مقررين عليه يتحول للمصحه النفسيه انا ايش بيكون وضعي معاه وامي مسكينه أكيد ولدها وما تصدق فيه بس ما تخاف ع نفسها وعليه ؟! لازم يتعالج او نشوف حل قبل يرجع البيت ما ينفع يااااناس نرجع البيت

الحمد لله على سلامته والحمد لله عاى كل حال
قد يكون معه انفصام بالشخصية و وقت الانتقال يراكم تتحدثون بشكل مختلف يريبه وهذا يشعره بالخطر
ولو كان متعاطي لاكتشف المشفى ذلك
كيف حاله الان؟ هل يذكر ماحصل؟

__________________
الحمد لله..اللهم صل على محمد و ال محمد

التفريغ المنهجي

مع هذا الرأي

اخراجه من المستشفى الآن فيه خطر على حياتكم

لازم يظل تحت المراقبة والتحليل النفسي

__________________

يقول أعوذ بالله اني بقتلكم
ويقول بروح لشيخ انا بنفسي ومدري اذا صادق او هروب
يقول انه يتذكر اللي صار زي الحلم .. احسه يبغى يتكلم ومو قادر ويبكي يمكن من اللي سواه مدري
ونسأله تجيك كوابيس احنا قال لنا لا أحلام مبشرة
وقال لاختي وزوجها جو للزيارة بعدنا انه ايوا الله اشوف كوابيس
العصر راح تخرج امي وقررت اروح معاهم بس اقسم بالله اني تعبانه وارجف انا من اول فيني خوف والآن مؤ بيدي زايد

ولاني قررت اروح معاهم البيت وأوقف معاهم لي ساعتين أتنقل باليوتيوب من محاضرة لمحاضرة عن الصبر على الابتلاء والجنه واسمع أدعية الهم والكرب

بس ما اعرف ايش اسوي
هو الان بالمستشفى وهاديء يمكن من تأثير المهدئات ..
اليوم طلب جواله ودخل واتس وغير صورة العرض
وقلت لكم قال اروح لشيخ لوحدي
بس احسه زعلان وبعيونه دموع.. الدكتوره قالت له ليش سويت كذا قال مضغوط قالت له الحياة ما تستاهل قال مقهور انه انا رجال وامي تدفع تكاليف زواجي

انا ما ادري مشوشه واكتب ويديني ترجف يمكن كلامي يوصلكم لنتيجه
طيب اي أسهل بالعلاج لو كان مس او نفسيه ؟
نسأل الله الصبر على ابتلاءات الحياة

( قل لن يصيبنا الا ما كتب الله لنا)
يعني خليك مطمئنه وقولي( اللهم انا لا نحسن تدبير نفوسنا فدبرنا بتدبيرك)
ولاتنسي ان وعد الله حق( ومن يتوكل على الله فهو حسبه) جميعنا لا نستطع شيئا الا هو فاطمئني فانت بكهف رحمة قوي
عليك القبام بامور عملية الان
اختي قومي بابعاد كل الالات الحاده من متناول اليد شفائر الحلاقه السكاكين المقصات
فتشي غرفته قبل ان يأتي تماما واللابتوب قد مان يرى مقاطع تدفعه الى الجنون
هل صورة الواتس تفاؤلية؟
قابلوه حاليا بروح مرحه
ان كان مس فهو لا يدفعه الى هذا النوع من الهذيان فقد نطق القران واراد السجود ولم ينطق بالكفر
وما حماه من ضعف حاله حينها الا ايمانه الذي انقذه منه بالايات فسبحانه ما اجمله!
مابه وضع نفسي
فلو تسالون المشفى بان هل هناك خلل بالمحلول الكيميائي بالدماغ او خلل بكهرباء الجسم فقد تسبب له هذه الانواع من الهلاوس وهنا يكون المرض طبي( سريري يخص الجسد) لا علاقة له بالنفسية وهذا علاجه بالادوية
اما ان كان الوضع الطبي سليم فهو يعاني من ضغوطات نفسيه. جسيمه اوصلته ااى هذه الحاله)
هل هناك احد من افراد العائله انتابته حالة مشابهة؟ وماكان التصرف حياله؟
قلتِ انك تعانين من خوف، لمَ؟ وهل له مبرر؟

__________________
الحمد لله..اللهم صل على محمد و ال محمد

التفريغ المنهجي

لو كان الوضع خطير فلن يسمح المشفى باخراجه

__________________
الحمد لله..اللهم صل على محمد و ال محمد

التفريغ المنهجي