انا متزوجة صار لي شهرين ونص تقريبا وكان زواجي تقليدي.. يعني ماكنت اعرفه من قبل.. المهم.. بدت مشكلتي من ليلة عقد القران.. اكتشفت ان زوجي خجوول بشكل موو طبيعي لدرجة ان كان يرتجف لما دخل عشان يشووفني بعد العقد.. وكل يوم اكتشف فيه شي جديد.. شخصيته مختلفة عني 360 درجة!! اهوو هاادئ وولا يسولف الا قلييييل.. طبعا مابدى يتكلم وياي الا بعد اسبووعين من الزواج.. واحين احسه شوي اوكي بس بعده يستحي وولا يتجرأ اصلا يحط عينه بعيني.. والشي الثاني اكتشفت ان مايعرف يقرأ عدل وولا يعرف يكتب .. قلت اوكي موو مشكلة بحاول اعلمه.. بس المشكلة الاكبر ان مايبي يتعلم وانا من البداية لما شفته جدي حسيت روحي كللش موو مرتااحة ليه.. وبعد اهوو جااف وبااارد المشاعر... احس شخصيته غيير عني وااااجد.. كلللش موو مرتااحة معاه.. عايشين كأن كل واحد برووحه.. يومياتنا ارجع من الدوام الساعة 2 الظهر وارقد الى اذان المغرب واهو ماادري متى جا ومتى طلع.. اشووفه بس على الفطوور لان ناكل ويه اهله بحكم ان ماعندنا غير غرفة وحدة بس وبعد الفطوور اروح بيت اهلي الى وقت متأخر وارجع الا اهوو نايم... والقهر الاكبر يقوول لي خاطره في بيبي شلوون احمل منه وانا لحد احين مااحبه ولا مرتااحة له!! والله اني حاولت بكل الطرق اني اتقرب منه بس احس شي من داخلي يرفضه.. موو قادرة اتقبله كزوج لي.. اول الايام قلت يمكن اذا صرنا نطلع مع بعض اماكن ونتمشى راح نتقرب من بعض.. طلع مايحب يطلع!! وأصلا من تزوجنا ماعنده سيارة.. تكنسلت سيارته قبل عقد القران ولحد احين مايفكر يشتري له سيارة. معتمد على سيارتي!! احاول اجبر نفسي اني احبه بس موو قااادرة.. احس من كثر مااشوفه غير عني مااحب اقعد معاه.. صرت اتهرب منه واااجد وهوو حتى ماكلف على نفسه يسئلني ليش اتهرب.. وولا عمره فكر يسئلني وش فيني ووش مافيني.. خاطري اعيش الايام الحلوة الا اسمع عنها اول ايام الزواج.. خاطري اذوق الحب اللي يتكلموون عنه والشوق واللهفة اذا غابوا عن بعض.. كللش مااحس ان بينا هالمشاعر ..


تكفوون سااعدووني.. والله صرت احسد البنات اللي مستانسين ويه ازواجهم.. خاطري يصير مثل ماابي..






تحياااتي..

ياقلبي ليه كذا تقولي !!
زوجك مافيه شئ لكن انتي عندك احلام كبيرة ..وبعدين انتي الي غيري عليه الجو يمكن هو مايعرف وبعدها لما يتعود يتغير كل شئ بس انتي خليك خفيفة دم عشان يقدر يستانس ويرتاح معاك ..

__________________

شكرا اختي على الرد السريع على موضوعي..


وبقوول لك بعد ترى انا الا فيني اكثر من جدي.. احس بأحاسيس قوية من داخلى اني موو متقبلته .. موو متقبلة حتى اشووفه.. احس روحي مااحبه ولا بحبه..


واللي يعييش هالاحساس غير عن اللي يسمع..

واناا حاولت اغير اطباعه وكلشي فيه.. بس مشكلته عنييد.. يعني مثلا لما اكوون شابكة ويه النت اقوول له تعاال شووف شسوي عشان بتتعلم.. يقول انا مااعرف اقرأ وولا احب هالخرابيط..

وحاولت بعد اغير فيه اشياء غير بس اهوو مايرضى وولا يباا يتغير..


كان حلمي اني اخذ واحد بمواصفات في بالي.. طلع اهوو عكس المواصفات اللي تمنيتها تماااماً..فكرت في المستقبل ان شلوون راح اعيش معاه على هالحالة كل واحد لحاله مايدري عن الثاني..حسيت ان اهوو من برووده عاجبه الوضع..


والله خاطري اعيش مثل الناس.. خاطري احس بأنوثتي لما ابي اروح بيت اهلي اهوو الا يوديني.. او اذا في مناسبة زواج او خطبة خاطري يصور معاي مثل باقي الناس.. كلللش مايرضى..

انا شفت الازواج يدللون زوجاتهم اول الزواج كل يوم هدية وكله طلعات ومطاعم.. اهو لحد احين حتى مصروف ماشفت منه.. مع اني الحمدلله اشتغل موو بحاجة الى مصروف منه.. بس هذا واجب عليه.. وحتى هدية ماشفت منه.. وولا عمري شفته يدللني او يقول لي كلمات حب..

دائما هادئ وساكت.. حتى اذا اكلمه احيانا مايرد علي.. يباا حياته هدووء في هدووء..


تعبت.. والله تعبت..



تحياااتي..

حاسه فيك لكن لكن انتو ماكملتو سنه على بعضها وتولد الأحساس له بالكرهـ طيب ليه؟؟
انا اشوف انتي عشان لسى عروسه وتبغي يسويلك شهر احلى من كل الشهور لكن ماتدري يمكن هو مايعرف وانا حاسه انه كذا او متردد فاي خطوة يسويها ..سهليها له وعدي يمكن انتي صح دحين تتعبي معاه بس بعدين ترتاحي ولما يعرف الحياة حلوة كذا راح يعوووضك كل الشهور الي راحت ولى يمكن يتفنن فيها.. هههه!

__________________

بهالزمن !

ومايعرف يقرا زين ولا يكتب ؟؟!

وشو تعليمه ؟

يمكن فيه شي وهم مخبين عليك ؟!

تـرا والله الناس صار ينخاف منهم .. بنت عمي بغت تتورط مع واحد مريض ؟

ولايدق عليها ولايتكلم واذا جاها تحس فيه شي غريب مو طبيعي ويقول انا اطلع واجي

واخته تقول اخوي انطوائي من يجي من الدوام وهو بغرفته مانشوووفه ولا يطلع

طلع انه متقمص شخصية اخـوه ؟!؟!

والحمد لله افتكت منه الله يعافيه ولا يبتلينا .!

انتبهي تحملين منه انتبهي .. والله تندمين ..

اعقلي وأخري سالفة الحمل .. لين تتأكدين منه هو صاحي ولا فيـه بلا ؟!

يمكن انه يعاني من صعوبه تعلم .. من يومه صغير او فيه شي خطـأ ..

قلبي انا ماقلت هالكلام اخـوفك بس انبهـك ... لأن احنا البنات ناخذ مقالب قويه ندفع ثمنها غااااااااااالي

وقريت كثير ان الوحده بالملكه وفترة الخطوبه تتبع حدسـها .. وتثق فيه .. واذا حست انها مو مرتاحه ومافي توافق

تنفذ بجلدها ؟.!

لأنه عقب العرس بتطلع كل الفضااااااااايح وبذيك الساعه تتورط صدق ..

عشـان كذا اخري الحمل .. وتأكدي من وضعك معاه لين الله يفرجها عليك ~

__________________
{ احبــــ ـــكم بلا استثنـاء ~

شكرا لمسة ناعمة..

اهوو صح مايعرف وولا يبي يعرف.. لان اساسا موو متعلم.. قالوا لي ان متخرج من ثنوي.. واهوو بعد قال ان متخرج من ثنوي.. بس اناا موو مصدقة لاني اشووف مايعرف يقرأ ولا يكتب..


عشان كده انا ادري ان مايبي يعرف شلوون يعيشني شهر عسل حلوو..



الله كريم..



تحياااتي..

شكرا دانتيل على المرور..


خيوو والله ايه من البداية خبو عني .. قالوا لي ان عنده شقة.. بعدين اكتشفت ان غرفة وصغيييرة بعد وبدوون سرير!!


والله احيانا احس ان فيه شي .. بطئ تعلم او شي.. بس ماادري.. المشكلة اني موو قادرة اتعرف على شخصيته أكثر لان كله ساااكت مايتكلم واجد!!..


انا والله مأخرة الحمل وماابي احمل اصلا منه.. اخاف اكتشف فيه شي جديد وبعدين اندم.. ولاني مااحبه ولا احس بأي مشاعر ناحيته..


والله تعبت وولا ادري شسوي.. حتى كلام مااقدر اتكلم معاه لان مانتلاقى في وقت ونصير مع بعض عشان افتح له سوالف واتعرف عليه اكثر..




تعبت والله تعبت..





تحياااتي..

عارفه هي مشكله انك انتي احسن منه في التعلم بس اكيد السعاده ماتجي لا من دكتور ولا من مهندس اهم شئ الروح الي بينكم تتالف ..وبعدها حياتكم تسير زي العسل باذن الله ""

اللهم اجعله قرة عينك واحعلها قرة عينه.. امين

__________________

الوصول الى السعادة يجي بالفطرة.. صح لا من دكتور ولا من مهندس.. بس اهوو حتى الفطرة مافيه!!




تحياااتي..

غاليتي
انتي المفروض ماتقولين تعال تعلم هذا غلط يحس انك افهم منه والرجل طبيعته مايحب المراه تكون افهم منه

انا انصحك سوي نفسك ماتعرفين شي واذا سوى شي عطيه نظرات اعجاب وقولي له علمني واذا علمك قولي له طيب انا اعرف حركه غيرها وعلميها اياه بس ماتبينين له انك تعلمينه

اذا كنتي على النت اضحكي عنده قولي له تعال شوف وش هذا بسررررررررررعه بتموت ضحك واذا جاك خليه يطالع وقولي له اجلس معاي خلني اوريك اشياء حلوه
شوي شوي راح ينجذب لك ..

كيف راح يسولف معاك وهو مايطلع ولايروح انتي حثيه انه يشتري له سياره واذا قال سيارتك موجوده قولي له حبيبي انا ودي اشوف كيف سواقتك وانت ماسك السكان وشكلك الكشخه في سيارتك وانا اكون جالسه جنبك ونروح انا وياك للبحر بعدين للمطعم ...

يبغى له تقويم شخصيه وانتي ان شاءالله تقدرين عليها
وجدولك غاليتي غلط حاولي انك تعدلينه شوي خصصي لزوجك وقت بس من دون علمه لتعليمه وترى مهما كان عليك حق لزوجك

وانا امراه مو رجال