ولدي الله يخليه كان عندي....وكل شي كان تمام ومستانس وما يبي ارده عند امه في بيتهم....المهم وصلنا بيتهم ما رضى ينزل....جان يسحبونه سحب من السياره وقعد يبجي و خذوه غصب....المهم انا تضايقت،،،،قمت اتصلت على ابوها،،،،وقتله عاجبكم هالوضع ليمتى معانده ومو راضيه ترجع بيتي....وصار كلام و انا قلت كلام ما عجبه كنت متنرفز....خاصه انهم كانوا حارميني شوفت ولدي 3 اشهر....و مع كل هذا الولد يزيد تعلقه فيني....انا ادري انه تعلقه فيني رحمه من رب العالمين....لكن بنفس الوقت قاعده تتعب نفسيته....اهو ما شافني انا وامه مع بعض من ما انولد والحين كمل سنتين ونص...

سؤالي

انا ليمن تهدى الاوضاع بكلم ابوها بموضوع ولدي....شقوله عشان يعطوني ولدي اكثر وينام عندي؟

تم تعديل العنوان
الإشراف

اول شيء

لابدتكلمة وانت مرروق ووحاول تسايسة
قلة انت مثل ابوي واكيد حاس بشعوري

هذاولدي ونفسي يجلس عندي ومن هالكلام خله عندي لوخميس وجمعه انانفسي اجلس معه وانت مجرب الابوة

والااذا كنت تقدر خلك واسطة خير وحنن قلب امة علينا وخلهاترجع معززة ومكرمة وان شاءالله ابعدل بينهم واحافظ عليهم ومن هالكلام

انت ادع ربي واكثرمن الاستغفار وربي يحنن قلوبهم عليك يارب

__________________
دعواتكم لي
الله يجزاكم خير

شف عندي لك فكرة :

لو جاء عندك ولدك مره ثانية ارسل معاه هدية لأمه هدية حلوة وانيقة

وقل لـ ولدك عطها ماما .. وخله ينزل وهو مقتنع ومعه حلويات والعاب .. يعني ماينزل بالقوة

وكل بين فترة وفترة ارسل لها هدية ومعها رسالة فيها كلام عتب حزين باسلوب جميل

وإن بغيت اصيغها لك باسلوبي ماعندي مانع ..

وممكن نعطيك افكار هدايا جذابة يحبونها البنات ..

ترى المرأة ضعيفة وبسرعة تستسلم وترضى ..

__________________

سنتين ونص!!
وهي في بيت اهلها؟
ليش ان شاء الله
هي مطلقه؟؟اذا كان في طلاق ..بالمحكمه تاخذ حقك بشوفة ولدك

__________________

حق ولدي كنت اسوي اللي تقولينه وكان متعود على الوضع وهم كان ينام عندي وبعدين ارده....لكنهم حرموني شوفته 3 اشهر جان يرجع نفس قبل يبجي ليمن ارجعه ما يبي يرجع بيتهم

بالنسبه لزوجتي سويت اللي قلتيه من فتره قريبه بس ما كان في فايده...كتبت كل مشاعري لها وكان ردها ابي الطلاق

الحين اهم قاعدين يشوفون الولد شلون متاذي ما ينكسر اللي براسها عشان هالولد ما تضحي عشانه

أخي الفاضل..

أولاً الأخت أميرات ليست بحاجة لدفاعنا عنها .. ولكن تأكد أن تعليقها على أي موضوع هو مكسب حقيقي لصاحبه.


ثانياً..

مثل هذا التعليق هو الذي يدعونا نتساءل عن الأسباب التي تدفع زوجتك للإصرار على الطلاق ... فأنت تطالبها بالتضحية بذريعة وجود طفل بينكما وتفترض أننا سنؤيد ذلك رغم أن هناك بعض الأسباب والأضرار التي لا ينفع معها التنازل والتضحية حتى لو كان هناك طفل بين الزوجين.

ومعظم المواضيع التي سبق وطرحتها ما كان يمكن أن تنتفع فعلاً من ردود الأعضاء عليها لأن مشكلتك فيها كلها غير واضحة المعالم ولا نعلم بالضبط ما الذي فعلته أنت وما الذي تحملته زوجتك بالضبط .... ولا يكفي أخي الفاضل أن تقول (أنا تغيرت).

وحتى بالنسبة لمشكلتك الحالية .. فربما لو كنا نعلم أبعادها السابقة بشكل متكامل .. أقول ربما كانت لنا وجهة نظر أخرى تفيدك أكثر بخصوص رؤيتك لابنك.


ومع فائق احترامي أخي الفاضل .. فإنني رغم كل شيء لا أعتقد أن موقفك الحالي مرده احترامك للقانون .. لأنك لو كنت تعتقد ولو 1% أن زوجتك غير أمينة على حضانة الولد لكنت بذلت كل جهدك لتكون حضانته لك .. ولو كنت تعلم أن لا حق لها في موقفها بخصوص طلب الطلاق لكان لك رد فعل مختلف لا تساهل فيه ولا ضعف ... ولكنني بصراحة ـ ونظراً لعدم وضوحك وصراحتك هنا ـ أعتقد أن تصرفك مرده علمك الأكيد بضعف موقفك أمام القاضي.





على كل حال ... وحتى أعود إلى الموضوع .. فشخصياً لا أرى أن إرسال رسالة هو أمر مناسب .... ومثل هذه الأمور يجب أن تكون فيها على قدر المسؤولية والشجاعة .. والمسؤولية تتطلب مواجهة .. فأنت رجل يا أخي ولا أرى الأمر لائقاً أن تلجأ لمثل هذه الأساليب غير المباشرة.

__________________


اللهم طِيبَ الأثر .. وحُسْنَ الرحيل.

هو سيقوم بايصال الرساله لزوجتي لانها هي صاحبه قرار حضانه الولد وابشرك تم الرفض

والله وانا اخوك قلبت علي المواجع ،،، انا من انولدت واوبي وامي مطلقين ، ومريت بظروف غير طبيعيه ، ظروف قويه جداً تصعب على اليهودي ، بس كانت المشكله في الوالد الله يهديه بحيث كنت اعاني اذا بغيت ازور الوالده لدرجة انه حرمني ما اشوف امي سنه ونص تقريباً وتبهذلت بطفولتي ومراهقتي وشبابي بهذله مايعلم بها غير الله ، والحين الحمدلله كبرت وتزوجت وصرت ابو ( وساكن مع الوالده بنفس البيت ) وماشيه الحياة من ابدع مايمكن ولله الحمد .

المهم وانا اخوك ، ابغى اعرف الحين انت وش الي تبيه بالضبط ؟؟؟

تبي ترجع زوجتك ؟
تبي ولدك يكون عندك مايروح لهم ؟
تواجه مشكله بحيث ان ام الولد تحرمك من شوفة ولدك ؟

لازم تقولنا المشكله بالضبط ،،،، وليه النك نيم ( هل اطلقها ) ؟

انا ابي زوجتي ترجع لكنها رافضه....النك نيم....عشان كنت ناوي الطلاق ليمن سجلت بالمنتدى ولكني الان لن اطلق....بالنسبه لرجوعها بالوقت الحالي ما اتوقع لانها رافضه الرجوع من سنين و لا توجد متغيرات جديده تخليني اتفاءل برجوعها

بالنسبه للولد اهو مزاجي مرات ينزل من غير لا يبجي بس امس كلش ما كان يبي يهدني ليه درجه سحبوه من حضني