السلام عليكم ..

تزوجت من سنه ونص .. بالبدايه كنت حاطه اهله بعيوني . واسوي امور ماني ملزمه فيها

واقول اكسبيهم بالطيب .. واقول حشمه لزوجي وكذا .. كل مازاد غلاي بقلب زوجي زادت غيرة اهله

عليه مني ومني بعد .. واذا جيتهم يسفزوني بالكلام بعضهم مباشر وبعضه لا ..

حسيت ان الطيب مايثمر فيهم . فصرت احاول اكون رسميه احاول اقلل جياتي لهم ومااسوي شئ

ماني ملزمه فيه ولو سويته يعتبر من الاحسان لانه اصلا مو واجب علي ..

هالشئ صار مايعجب زوجي ويشوف هالامر تقصير مني .. يعني ماابيهم .. رغم اني والله ابغى

الوسطيه بالتعامل لا ضرر ولا ضرار ..

الان نجي للطبع اللي ظهر .. بعد فتره جو اهلي زياره لي .. وانا ساكنه بعيد عنهم . ( اهلي جدا طيبين مع زوجي ولا اقولها منه لكن متفضلين على زوجي بامور كثيره وزوجي يقول ابوك غطاني بكرمه )

سوى زوجي لهم الواجب _ عشا _ لكن من بعد ذاك اليوم ماشاف اهلي ابد .. يعني يعزمنا ابوي عشا يعزمه بكره غدا .. زوجي يتهرب يقولي تعبان .. مالي حيل .. اذا جيت من الدوام اشووف ..

صار يتهرب جلست اربع ايام على اعصابي بين ابوي وبين زوجي .. ابوي حس ان فيه شئ قال
يابنتي انا جييكم من بعيد ومااعرف احد بديرتكم الا انتي وزوجك .. وانا ودي اقعد معه واسولف معه

وانا باامشى بكره .. انقهرررررت انا موووت مافي اي مبرر يسوي كذا باابويه بالذات ابوي طيب معه ويحبه ويدور الجسله مع زوجي .. عصبت واتصلت عليه وقلت ابوي جاي هنا عشاانا وانت ساحب ومطنش

وكل يوم انا ارقع لك .. لكن هالحين والله مالي شغل ولو زعل ابوي عليك تحمل ماايجيك .. قال خلاص خلاص الحين بروح له .. وفعلا رقع اللي سواه وسافر ابوي وهو مستانس ..

بعدين سالت زوجي انت وش فيك .؟ قال زي ماتسوين بااهلي اسوي بااهلك ..

بالله هذا منطق .؟ اهله هو عارفهم زييييين بس احسهم يتغاضى عن طبعهم بشكل موطبيعي ..
المشكله يطالبني باامور ماهي من واجباتي ابد .. واهلي ماعمره شاف منهم العيبه مو عشانهم اهلي لا والله

بس فعلا هذا اللي صار ... حبه لللانتقام مني عشان اهله .. يعميه حبهم له وتقديرهم وفضايلهم جيتهم
من هناك لي وله ..

موقف ثاني وحده من بنات اخته اساءت الادب معي وانا بغرفة نومي وزعلت وقلت مااسمح لاحد يدخل غرفة نومي الا بااذن .. ولو دخل باادب واحترام .. ماعجبه كلامي .. ويوم جو اهلي .. قال انا مااسمح
لاحد من اهلك يدخل غرفة النوم .. ( بالله مو قهر .. بنت اخته اساءت الادب وتلفظت علي وبااعتراف منه انها غلطانه .. يقولي امك ماتخش الغرفه .. كانت اول زياره لامي وطبيعي اوريها ترتيبي واسمع توجيهاتها )

بااضيف شئ انا وهو مخلتفين من ناحيه المناطق بس بشكل شااااسع .. ولما اقوله على شئ مثلا مااحب اي احد يدخل غرفتي .. يقولي انتي تحبين تتحكمين انتي تحبين كل شئ على كيفك ..

وش السواة معه ... حتى يوم اناقشه احس عارف ان كلامي صح لكن يطنششش ويعاندني ويمشي الي براسه ...

لو فهم زوجك ان " الطبخ , وكنس الدار واشباهها ليست من واجبات الزوجه "
لعرف قدر ماتفعلينه لأهله ! , انت غير ملزومه بأهله البته ..
حقيقه كثر من " يقدس اهله " ! , بحيث يقف معهم بجميع الحالات ويعصي الله لأجلهم !
والله يا اختي انا اظن ان زوجك من الاشخاص الذين يتميزون بالتفكير " الشخصني " وهم عندما تحصل لهم
المواقف لايسئلون انفسهم " لماذا حصل هذا وما الاسباب التي ادت لحدوث هذا ؟ "
بل يقولون حدث هذا لأنهم يكروهوني مثلا .. وفي حالتك عندما قلتي غير مسموح دخولها لغرفتك
وبطريقة تفكيره قال " تريد السيطره علي وتريد تمشية كل شئ على مزاجها " ! فهم لايفكرون بموضوعيه ..
حقيقه لا اعرف كيف يحل موضوعك ! ...

:
::
هذا "صغير عقل" مع تقديري وأحترامي لكِ
لأن رجل يأتيه ضيوف من بعيد أياً كانوا لابد أن يكرم وفادتهم عليه
ويقدر ويوقر الكبير منهم
ومايفعله ويرآه انتقاماً يدل على عدم النضج العقلي لديه ويحتاج فعلاً
لرجل حكيم وعاقل يوضح له فداحة أعماله

::
أعانكِ الله عليه

والله قهرني موووت بتصرفاته .. ورقع تصرفاته في اخر الايام .. انا ماادري كيف قلبه طاوعه
على ناس طيبين معه ... هو له اخت ساكنه بعيد اذا زرتها والله احترمها واقدرها ولا احملها جريرة تصرفات اهلها .. هذا وهي ماهي متفضله علي باي شئ ..

حقيقة انا على وشك الانفصال .. لا استطيع ان اتكيف معهم ومع عاداتهم وكل ماافكر بسلبيات زواجي
معه اكررهه اكثرر ... واذا فكرت بااجابيات زوجي فقط اقول اصبري ويمكن بعدين يتغير .. لكن احس ماراح يتغير وماني مستعده اكابد واصارع الحياه مع اهل زوجي عشانه .. وهو بالمقابل يقصر في احترامه لاهلي ... الحق يقال ماعمره تلفظ علي ولا علي اهلي .. لكن اسلوب هالتطنيش حتى غالبا يطنش اتصالاتهم حتى تعبت من هالطبع ووبدا يخسر اهلي بسبب هالاسلوووب ..

صح مايفكر بموضوعيه .. الغرفه غرفتي والاغراض اغراضي انا مايفكر ان الامر فيه خصوصيه

ماايفكر اطلاع اخواته على اغراض شخصيه لزوجته .. غير انهم يحاولون يدرون شئ يعيبوني فيه

ويفسر هالشئ اني ابغى اتحكم ابغى امشيه على كيفي ... بصريح العباره الدنيا عندهم سبهلله ..

و انت ليش كل صغيره و كبيره تنوين عليها تروحين تقولين لزوجك

خلاص قررتي انك تعاملين اهله بحدود و رسميه
اعملي من غير ما تعلني

كانك بتستفزيه من تقولي
راح اعمل و اعامل بهلطريقه وما ادخل احد غرفه نومي

بعدين مو كل صغيره و كبيره يعملوها اهله و بنت اخته تروحي تنقليها له
انت خلاص
صاحبة البيت و امرك بايدك تحافظي على بيتك

اعملي الي تشوفيه صح
ومن يجي يعاتب ولا يسال جاوبيه على قد السؤال

من غير ما تدخلي بلتفاصيل
بعدها يحترمك و يحسب لك حساب هو و اهله

__________________

والله يااختي فيه امور صارت بغيابه ولا اقوله اطنش .. واقول ماابغى انكد عليه ..
وبيوم صارت مشكله معينه .. وجلس يلومني انتي وانتي .. - يعني يقول اخطائي عليهم -
قلت له يااخي ليش اخطاءكم بالبيت مسموحه واخطائي انا ابد موومسموحه ردات فعلي ابد من مسموحه .

وقلت له عن امور صارت واهله غلطانين فيها علي مليونين بالميه .. وبديت ابين له عشان كذا وكذا صرت
رسميه وسحبت نفسي انا اقدم الطيب يقابلوني بالسيئه ..

يسمعني وهوو ساكت .. بعدين زعل من اهله .. وقال انتي خليتني مااكلم اهلي ...
وين تفكيره بالموضوع انا ماطلبت منه ياخذ موقف منهم انا اللي بغيته يعرف ان لي حق اقلل من احتكاكي

وهو نظر للموضوع بشكل مختلف تماما .. وقيسي على ذلك .

طيب لما اهلو يتفزوك مايكون موجود وايش تكون رده فعله لما يشوفهم كيف يتعاملو معك؟
في بينكم اطفال؟

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

مرات يضحك ويمشي الامر ولا كانه صار شئ . مدري يستغبي او فعلا ماينتبه ..
. ومرات يسكت اذا الامر وااضح وجلي ومبااشر ...

لا مابينا اطفال.. ..

اذا مافي بينكم اطفال انتبهي تجيبين

والي مثل كذا صراحه الله يعينك من اولها اهلي واهلك

مااقول الا الله يسخره لك يارب