السلام عليكم ورحمه الله وبركاته
يالله نبدأ مع بعض المسابقه والي تفوز تأخد لقب (ملكه الرشاقه) نحددها من عدد الكلوات الي تنزلها يعني
الي تنزل اكتر هي (ملكه الرشاقه) ابي حماااااااااااااااااااااس قوي الي تبي تهبط معنويات الرجاء عدم الدخول لتشجيع وفقط
انا وزني نسيت وزني بكرى بعطيكم اياه
طولي 160 وزني يتراوح ما بين 65 بس ابعطيكم الرقم بالضبط بكرى
انا رح امشي على هذا الرجيم والي تحب تبدأ مع تتفضل انا غدا سوف ابدأ بأذن الله
الي تبي تدخل المسابقه تذكر وزنها الحالي وطولها واي رجيم تبي تتبع
علشان الكل يستفاد يالله معي نحوووووووووووووو الرشاقه .......(وين رايحين صدقتو )
نسيت احط الرجيم لحظه لحظه والله ححطه ان شاء الله
محنا قلنا لحظه اف ليش متستعجلين
اقتباس
ريجيم ينقص 15 كيلو في 20 يوم بس مجرب ومضمون

لاني سجلت بالمسابقة وكتبت الريجيم المتبع طلبوا من الاخوات اني انزل لهم هالريجيم

وانا الفلف بالمنتديات لقيت وحدة اسمها عذاري الله يستر علينا وعليها منزلة ريجيم مشت عليه ونقصت خلال 20

يوم 15 كيلو وقلت بمشي عليه ولان بعض الاخوات طلبوهـ مني حبيت انزله لكم بالحرف الواحد ..

أخييييييراً يابناااااات نزل وزني في 20 يوم بس !!!!!!!

أخيراً يابنات نزل وزني في 20 يوم 15 كيلو .......

اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة

يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة بـ 200 ونفس الشئ

مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ

الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها

منفوخـــــة عالعموم ماصدقت لين شفتها ضعيييييفة ماتصدقون وعزمت اسوي ريجيمها اللي جابتها من وحدة

كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة

معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً

أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني

أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت

كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم

السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي

متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع

الشاهي ولا نقطة هههههه تعذيب صح ) عالعموم اللي يبي الدح مايقول أح ...

الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )

العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم

كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )

الغدا . سمكة مشوية كبيرة + صحن سلطة خضراء ..

العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة

الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...

العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .

الغدا . نوع واح من الفاكهة ... ( أنا كنت آكل التفاح ) ......

العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي

الغدا . دجاج مشوي بدون جلد غير محدود الكمية .

العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية

جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح

العشا . مفتوح

الجمعة . الافطار . جبن قليل الدسم + 2/1 خبزة + عصير برتقال ...

الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..

عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي

عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة ..

مــــــــــــــــــــــــــــــلاحــــــــــــــــ ـــظــــــــــــــــــــــــــة :

كثير من الاخوات شكرنَ الاخت عذاري وطبقنَ الريجيم وكانت النتائج مذهلة ومرضية جدا

لذا قررت اتباعه ..

تحياتي للكل بصحة ورشاقة دائمة
.

انتهى الاقتباس مين تبي تبدأ معي ؟؟؟
حماتي رح تيجي تزورني لازم اكون نقصت 10 كيلو على الاقل قبل ما تيجي
يالله ابي همه منكم يا حلوين
في حفظ الله ورعايته

__________________
سبحانك اني كنت من الظالمين

يا حبيبتي انتي
يا بختك مرة حلو لما تعملي حملة و تجمع اهتمام
تحسي بحماس و تنافس
أنا نفسي اسوي حملة اهتمام بالشعر
طبعا أنا مو معاكي بس حبيت ادعي لك ربي ينولك
اللي ببالك و تنزلي وزنك من غير شر
بس لي تعليق بسيط .. الوزن لازم ينزل بشوييش
عشان لا يرجع بعدين دبل و أنا شايفة انو عشرين
يوم فترة قياسية لتنزيل 15 كيلو
ما ابغا احطمك و الله لأكن حاولي ترحمي نفسك شوية
و شوفي لك ريجيم اخف و اسهل من هدا
دا بالمرة قاسي ،
الله يوفقك يارب و يديكي العافية

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هلا حبيبتي ماتخافي علي عملت رجيمات صعبه جدااااااااا وكنت ارجع ازيد بسرعه بس هذا في ثلاث وجبات فليش رح يكون تعذيب ؟؟انا بصراحه حابه الرجيم جدا ادعيلي الله يقويني تسلمي على مرورك الجميل

__________________
سبحانك اني كنت من الظالمين

ماشاء الله , حلو عندك أرادة
هل جربتي , عزيزتي نفس الريجيم , ام أنت تنقلين تجربة لفتاة أخرى
و ستطبقين ذلك,,

راح أتبع يومين , أذا حسيته غير متعب ,,بكمل و بسجل هنا
و إذا ما جيت , اعرفي أني خربت

__________________

انا ما جربته ولكن اذا تبي تفوتي معي ممكن تختاري الرجيم الي تحبيه
انا الرجيم هذا الي حعمله فأذا حد بحب يدخل يتفضل
ما قلتي اي كم وزنك وشو الرجيم الي رح تتبعيه ؟؟

__________________
سبحانك اني كنت من الظالمين

عساك على القوه فوفو
البرنامج حلو ومفيد وتفريبا وزني مثل وزنك واذا ابي انزل وزني فقط ابي اخف 3كيلو
بس مشكلتي مدمنة كاكاوات وعلى طول تسمن
الله يوفقك.ويحقق مرادك

__________________
《اللهم استودعتك أطفالي الذي لا تضيع ودائعه》

من غير مشاكل في رجيمات فقط للحلويات ابحثي على النت واختاري الي يناسب وامشي معنا المشوار يالله ابي حماس انا كمان ابي اكم كيلو بس ما يرجعو هذا المهم

__________________
سبحانك اني كنت من الظالمين

ماشاء الله كلامك جدا مشجع
رزقك الله الجسم المناسب ورزقني وكل من يريد

__________________
يارب ابدل حزني فرحا وسرورا وابدل مرضي صحة وعافيه ياكريم

طيب ابي حماااااااااااااس تبي تفوتين معنا والا شو ؟؟؟؟؟؟

__________________
سبحانك اني كنت من الظالمين

وزني 65 الان افطرت على حبه شكولاته بروتين بار اسمها خاصه للي يبون بروتين
وثاني شي تغديت استيك مع حبتين بندوره مشويات
العشاء ما اعتقد اتعشى طبعا انا اشطب على كيفي بالرجيم بس اعوض شي بداله اخف سعرات حراريه
غريت الفطور شوي علشان الي اكلته على الفطور اقل سعرات حرايه من الي مكتوب بالبرنامج
يالله يا حلواااااااااااااااااات وينكم ابي حماااااااااااااااس وتشجيع لابو موزه مين ابو موزه ما اعرف

__________________
سبحانك اني كنت من الظالمين