السلام عليكم

بلغني قبل فتره ان خطيبتي وصلها خبر بمقدار راتبي الشهري . وهذا شي الصراحه لم اكن اريدها ان تعرفه . خوفا انه مع الايام قد تصفني بالبخل وغيره اذا ما اشتريت لها من الهدايا الغاليه وغيره .

حسب ما قرات كثير في المنتدى من الاخوات يشتكين من ازواجهن انه يبخل عليها بالماركات وغيره مع ان راتبه عالي بين 7000-10000 . ف يا خوي يحصل معاي نفس الشي .

انا صراحه ما راح ابخل لكن راح اوزن كل شي لاني متكفل بأهلي ايضا و اعطيهم من راتبي .

ايش رايكم كيف اتفادى المشكله هذه ؟

الطبيعي ان السؤال عن الراتب من ضمن السؤال عن الخاطب

من البداية يعني

عشان يشوفون في تكافؤ بينهم او لا

ليش مرعوب شدعوة؟

اذا عنده ويبخل هذا شيء اخر..

تقصد انها ماراح تحاسبك على تقصيرك لو ماعرفت براتبك؟ وبتصدقك لو قلت ماعندي؟

ممكن تمشي كم مرة.. لكن كل شي يبين..

من ناحية صرفك على غيرك وعلى نفسك وما الى ذلك..

شوف اخوي المرة العاقلة تعرف وضعها وتقدر. لكن المصيبة اذا طحت بوحدة صغيرة عقل !! الله يستر .. ادع ربك وانا اخوك ماقدام تسوي شي..

لا مو طبيعي السؤال عن الراتب... فيه عوائل كثيييرة تعتبر هذا السؤال عيب.. والغالب السؤال عن الوظيفة والوظيفة غالبا تعطي تصور عن الراتب والتكافؤ..
اخوي قبل عشرين سنة كان راتبه 6000 وخطب كثيير لكن يتم رفضه فقط عشان راتبه طبعا ما احد سأله كم راتبك.. لكن وظيفته ورتبته العسكرية كانت تعطي تصور ومعروفة رواتب العسكر.. الايام ذيك كانت نظرة الناس مادية جدا ولا ينظرون الى الشخص واخلاقه وهل يكد او لا...
بالاخير تزوج من بنت غنية جدا من بيت ناس عالية مرة.. ولا تهمها الفلوس.. كانت بنت رئيسه بالعمل والله فتح عليه وفتح مشاريع تجارية بمساعدة من زوجته والحين وضعه المالي عالي ومبسوطين مع بعض.

لكن شوفي الحين الوضع تغير الي راتبه 6000 بيلقى كثييير من تقبل فيه مو مثل اول !

بالنسبة للسؤال عن الراتب كل شخص ينام عالجنب اللي يريحه.. عشان يصير في تصور للحياة بعد الزواج

بعد ماينفع الوحدة تتزوج وتنصدم انه مو قادر يأكلها.. في حد ادنى

من وين جايب حكي ان الناس ماهمها الاخلاق؟ شدعوة

بلاش مثاليات زايدة.. لو اختك بكرا انخطبت فطبيعي بتسال :/

ماتقدر تجبر احد يرفض او يقبل بالنهاية.. سبب الرفض قد لايكون مادي

العسكري يرفض لمرابطاته وتنقله الكثير وطريقة حياته غالبا وليس لدخله يا ياسر

في حالات قليلة يكون الراتب دليل ان هذا الانسان ماتعب على نفسه..

يكون فاشل دراسيا او مهمل او غير ملتزم عمليا.. قلت بععض الحالات

هلا اخوي الف مبروك الله يوفقك و يسعدك

لا يوجد مشكلة من الاصل عشان تتفاداها

نصيحة لا تبخل على زوجتك ولاتخبل على اهلك و لا تبخل على نفسك اعطي كل شي حقه

وخليك في منتهى الصراحة مع زوجتك في كل شي حتى في الامور المادية

عادي خلها تعرف وانت خلك حكيم بصرفك
تقول عنك إللي تقول

__________________

يا اخوي هذي فلوسك ملكك مالها حق في راتبك تاخذ منه وانت ان شاء الله لو راتبك مليون هيا ايش دخلها خليها تعرف


............

ما صار شيء! ايش فيها لو عرفت!

ما أتخيل كان ممكن أتزوج بدون ما أعرف دخل زوجي

هذه أشياء لازم تكون واضحة من البداية،،

هدي أعصابك أخوي وماصار الا الخير
واصرف على زوجتك بحب ...

__________________
الحمدلله الذي بنعمته تتم الصالحات

حدد لها مصروف شهري معقول..تصرف منه وحدد ميزانية للمنزل انت تتحكم فيها والباقي هي مالها علاقة فيه واهديها بماتراه انت مناسبا لميزانيتك.الحكمة في الصرف زينة تقي من الحاجة للغير