::: مفاجاة عيد الاضحى تعالو نتشارك الافكار يا سيدات المنتدى :::
السلام عليكم ورحمة الله و بركاته
قرب العيد وكل عام وانت بخير
زاكرين موضوع المفاجات تبع العيد الي فات
مرت الايام بسرعة واجا العيد الكبير
طيب يامتزوجات شو رايكم نفكر شو نعمل مفاجات لازواجنا
كل وحدة تقلنا شو عملت العيد الي فات وشو جابت هدية لعل وعسى ناخد افكار من بعض ونستفيد
انا محتارة ومش لاقية شو اعملو خلصت كل الافكار
عملت الورد والرومانسات والرسائل والهدايا و الشموع و شو كمان والله مش لاقية شي اعملو
بالنسبة للعيد الي فات
اول شي ألفت لزوجي انو بنت الجيران جاية لاعمل الها شعرها بالسشوار وصدق وراح لجارنا صاحبه
وانا نفخت بلالين وانقطع نفسي وحطيتهم بغرفة النوم ونثرت ورد صناعر عالارض
و شموع طبعا
وكنت جايبة هدية محفظة لانو محفظته تقطعت وانا الي جبتها وضله متمسك فيها لغاية مجبت التانية
ماعلينا
المهم وجبت رشاش الي متل التلج تبع المناسبات
وكنت متفقة لما تروح البنت المزعومة من عندي انو ارنلي
المهم رنتلو واجا عطول لانو صديق جارنا الباب بالباب
ورشيت التلج اول مدخل
وانبسط كتير عالهدية و الاجواء ويعني كانت ليلة حلوة
المهم بدنا تغيير شي جديد يعني
ياريت اشوف مشاركاتكم ياغاليات
وتكون شي جديد وكل وحدة تحكي فكرة سواء ناوية تعملها او عملتها المهم شي مميز
نفرح في ازواجنا الي بتعبو مشاننا
يلا وينك حيوزة منت افكارك ما شاء الله عليكي بتجنن متلك
وبدي تألفو حجة كيف اخليه يطلع من غير ميكشفني مع انو زوجي خلص كاشفني انو بكل مناسبة في مفاجاة واكيد راح يكون من الان انو في
وكل عام وانت بخير
والله يسعد المتزوجة ويزوج الخاطبة ويخطب الانسة يارب يسعد الجميع
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت