السلام عليكم ورحمة الله وبركاته ...

بقولكم الموضوع كامل وبالتفاصيل عشان تتضح الصوره لكم ..
واعذروني ان اطلت ..ف انا محتاجه ارائكم ونصائحكم .. بالشي الي عملتو والي راح اعمله ..

انا زوجي له شهرين يقولي بروح اوربا مع اصحابي وانا طبعا ارفض فكرة سفر الزوج للخارج << ممكن بعضكم بيعارض ومايشوف فيها شي لكن المسأله وجهات نظر ...

طبعا طول الشهرين الي راحو وانا ارفض لكن بأسلوب جيد وبكل ادب وبمزح وضحك وفرفشه .. ما ابغى ازعق واصارخ واسبب مشكله .. وضحت له رفضي وأنه لو سافر حروح بيت اهلي وماحرجعله طبعا كله بأدب وبنفس الوقت بدون زعل بضحك واحضان وكدا ..

الين جا وقت الجد وباقي ع الرحله 4 ايام وشفت الرجال متحمس وماهمه كلامي
هنا حسيت مافي وقت باقي 4 ايام واتنرفززت جدددا حسيت اني ماهميته يعني لو روحت لأهلي من جد ماهمه الموضوع المهم يسافر وينبسط وخلاص ..
كلمته بصوت مرتفع ووضحتله قراري وانا واثقه من كل كلمه قلتها .. قلتله صدقني لو روحت ماحرجعلللك الحياه شراكه انت شريكي وانا شريكتك الشي الي ماتحبو ما راح اسويه والي انا ما احبو انت لاتسويه انت شريكي ف الحياه وانا شريكتك مافي شي ب القوه بس لو انت مصررر انك تروح وانا ماهميتك والله العظيم مالي رجعه ولو رجعتلك الله يبلاني بمرض ما اتشافى منه ويفقدني اعز الناس عندي ...<< عارفه اني غلطت بالدعاء على نفسسسي ...
لكن المفاجءه انه برضووو ماهمه كلامي ولا هز فيه ولا شي .. وطبعا قلتله كمان .. اذا بتروح غصبن عني ف انا استاخل انسان افضل منك يقدرني ويحسسني بقيمتي عنده واكون شريكته بحياته مو جاريه والا عبده ..

المهم جا وقت السفر باقي كم ساعه ويروح المطار .. قمت انا اخذت جواله وقفلته وخبيته بمكان مايعرفه .. وجلس يدور عليه وقلب البيت ومالقاه وقام ضربني عشان اطلعوو .. وقلتلو ما راح اعطيك الجوال واذا تبغى تروح روح وانا مالي رجعه لك وخلي اصحابك ينفعوك تخرب بيتك عشانهم ..

واتجن جنونه المفروض يكلم اصحابه ويروح للمطار بس الجوال مالقاه .. طبعا اخذ جوالي وكلم اهلي<< هذا الكلام 4 الفجر ..
وبابا حاول يكلمني عشان اخليه يسافر يحاول يهدئ الوضع بيننا
لكن انا رفضت لاني حلفت بالله ودعيت على نفسي وخفت ربي يفقدني ولدي ..
احاول قد ما اقدر امنع زوجي من السفر عشان ما ابغى اخسره وابغى نكون مع بعض ..
لكن صلح شنطته وثار عليا وضربني وقالي انقلعي لأهلك و 60 تفله على وجهك واعملي الي تعمليه ..
ماحسيت ليا اييييي قيمه عندي

وفوق هذا رفع صوته على بابا وجالس يخاصمه ويسب فيها .. وبابا انسان طيب ماقدر يرد عليه خايف اني اتطلق ويخرب بيتي ..

المهم صلح شنطه ورمى جوالي عندي وقال كلمي ابوكي يجيكي وخرج وراح مع صاحبه .. انا ماقدرت اتحممل صرت بحاله مايعلم فيها غير ربي .. لحالي ب البيت ومافي احد يهديني .. وبديت احس بدوخه والدنيا فجأه تضلم بعيني وشوي ترجع .. اتصلت على بابا ياخدني عندهم و مايرد كانت الساعه 7 الصباح شكلو كان نايم ..
والله اول مرا تجيني حاله نفسيه زي كذا قمت مسكت السكين وقطعت كل ملابس زوجي ماخليتله ولا شي قطعت الكنب والستاير وكل شي ف البيت .. طلعت حرتس ف البيت حسيت حالي وي المجنونه وشوي يغمى هليا ..
حسيت ماعندي اي قيمه عنده ومستعد يبيعني عشان سفر ...

بعدها جاولت انام مو قادره اصيح بطريقه هستيريه الين نمت .. وولدي كان نايم ..
والساعه 2 ونص الظهر لميت اغراضي وماخليت شي ليا ف البيت وجا بابا واخدني ..


ونفسيتي كانت مرا ع الاخر .. قمت قرأت ايات السكينه ونمت عند اهلي والحمد لله حسيت براحه ...
والمفاجئه الي حصلت لما اذن المغرب زوجي رجع البيت .. طلعا من الصباح كان في المطار .. كان حجزه انتظار وما اتأكد حجزهم ... وانا كنت طول الليل ادعي ربي انه نايسافر وتتكنسل ..

وطبعا رجع البيت وشاف البيت كيف مقلووووب والدنيا مقطعه .. اتصل على ماما وقالها تعالي انتي وعمي البيت << يبغى يوريهم الي عملتوو
..

وانا حاليا ما اعرف ايش اعمل ... فكرت لما يجي زوجي يشوف ولدي اروح واعتذرله ع لى تخريبي للبيت فقططططط ... واقوله انا مو مسامحتك ع الي عملتو فيا روحت وتركتني ف البيت وانا بحاله مايعلم فيها غير بي وغصب تجيني الحاله ذي واحط حرتي ف البيت ماكان معايا اي احد .. وما راح اسامحك لأنك اخترت اصحابك والسفر عليا بعتني برخيص وهدا كلوو ماكان يحووج .. انت لو رايح لعمل او لشغل مهم كان قلت معاك حق تروح بالقوه بس انت رايح تتمشى وانا رافضه الحياه شراكه لو كان فيها خراب بيت المفروض تختارني عن اصحابك والسفر ...


والا ايش رايكم؟ تعبت من التفكيير ...
انا عبى كثر ماحبيته على كثر ماكرهته الان من الي سواه فيا حاسه بنفور منه .. مو حاسه بأمان .. ممكن يبيعني عشان اي شي ثاني تافه

مستجدات
الرد 45
http://www.66n.com/forums/showpost.p...8&postcount=45

مستجدات
الرد 57
http://www.66n.com/forums/showpost.p...9&postcount=57

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

خربتي حياتك بإيديك ..

للأسف كانت النتيجة متوقعة ..
وقلتها لك من أول مانزلتي موضوعك ..
العناد عمره ماعمّر بيوت ..

مرحباً أختي
لن أكلمك بمثالية... إنما سأتقمص شخصية زوجك وأجاوبك بما قد يشعر به.
1- هو يرى أنه صاحب كلمه... ولايتراجع في كلامه مع أصدقائه ووعده
2- يرى أنه من حقه أن يفعل مايريد وليس لكِ الحق في أن تحكميه
3- عنده رغبة للسفر مع أصدقائه ومتحمس لذلك وربما تم التخطيط لجدول الرحلة بكامل تفاصيلها
4- كلامك معه ومنعه سواء جادة أو مازحة لم يكن يعني له شئ... ولكنه بكل تأكيد لم يكن يتوقع ردة الفعل القوية منك التي حصلت... سواء من إخفاء جواله إلى ضربك إلى تخريب البيت والملابس
5- رجوعه للبيت وعدم سفره قد تسبب له بإحباط لم يتوقعه
6- ربما يحس ويدرك لماذا فعلت ذلك وأنه بدافع الحب والقرب منه... ولكنه ربما لن يسامح بسرعة... لأن ردتك بالنسبة له مرة قوية ومزعجة
7- ربما يتركك عند أهلك لفترة... تعبيراً عن زعله... ورغبة في وجهة نظره أن لاتكرريها مرة ثانية... وربما يعيدك فوراً بعد التفاهم مع والدك ورمي الخطأ عليك بشكل كامل مع الوعد بعدم التكرار
8- مهما حاولتي توصيل شعورك أو وجهة نظرك... ربما لن يتقبلها... لأنه يراها تحكم منك فيه وهو لا يريد ذلك
9- بالنسبة ليمينك بعدم الرجوع إليه.. . فإن شاء الله يكفيك كفارة يمين ولا يلزمك الإلتزام به... ولكِ أن تسألي أهل العلم عن ذلك


والله أعلم

الله يصلحك مو كذا تنحل الامور..كان صرختي وقلتيله اللي داخلك وفضفضتي بس مابه داعي تقطعين الاثاث ولا تخبين الجوال...بينتي له حماقه وماراح يثق فيك مره ثانيه...انتظري كم يوم بعدها اعتذري منه..وقوليله سويت كل هذا لاني مو راضيه عن السفره ..اتمنى تحترم رغباتي زي ماحترم رغباتك مره ثانيه ..

اتوقع ردة فعلك هذا بسبب انك جلستي تسايسيه لمدة 4 شهور

يعني كتمتي المده هذي كلها وانقهرتي لانو ماجاب نتيجه لانك كنتي متوقعه باللي كنتي تسويه رح يصرف نظره عن السفر

فاخرجتيها بهذا الشكل بالتخريب ووووو <<< استنتجت هالشي لان نفس تصرفي للاسف

علييك الان الهدوء واتركيه يهدأ وبعدها اعتذري له بالملاطفه وعبري له ان اللي سويتيه انك كنتي خايفه تفقديه بسبب الحلفان

والله يهديه ويهدي الجميع وترجعين بيتك ولزوجك

ياقلبي الرجل ماتقدرين تفرضين عليه شي بالقوة اذا هو مقتنع بعكسه . كما انه لا يحب ان تضعيه في موقف محرج مع اصحابه باخفاء الجوال...لاتجعلي نفسك موضع مقارنة او اختيار مع اصحابه و.لغة التحدي لاتجدي نفعا مع زوجك ..خليه هذا درس لك للايام القادمه..وتفهمي الوجه المظلم لشخصية زوجك اذا انتي استفزتيه ..لم احب انك تعرضتي لكل هذه الاهانة والالم ولكن هذه لغة يجيدها بعض الرجال عندما تختبر رجولته..الله يصلح مابينك وبين زوجك ..اكثري من الدعاء غاليتي ..فرج الله همك..

مع هذا الرد

اختي meemaa

حاولي تضبطي أعصابك بعد كذا لأن ردة فعلك مبااااالغ فيها

فرج الله همك ويسر أمرك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

الله يصلحك ردت فعلك جدا مبالغ فيها

__________________

عندي مبدأ في الحياة مثل مبدأ اصحابي واللي هو

اهلي ثم اهلي ثم اهلي ثم اصحابي

وحتى لو كنا في طلعة بحر او اي مكان واي واحد فينا انا والا صاحبي فلان او علان مستعدين نكنسل او نقطع
الطلعه عشان اهالينا
وافتكر مره كنت متواعد مع صاحبي واطلع معاه البحر وكانت زوجتي مخططه تطلع مع اهلها عند خالتها
وقبل طلعتي مع صاحبي اتصلت عليا زوجتي وقالت انهم كنسلوا ما حيروحوا عند خالتهم وحكون طفشانه تقدر
تكنسل من صاحبك ونخرج انا واياك وبالفعل وبكل ثقة في صاحبي انه ما راح يزعل ولا راح يخبب قلت له الموضوع
من طقطق للسلام عليكم والله العظيم قال لي بالحرف الواحد روح اطلع مع اهلك وخليهم ينبسطوا والجايات بيننا كثيره

الموضوع مو موضوع مثالية بقدر ما يكون حب بين الاصحاب وتقدير لبعضنا البعض
وما اخفيكم في طلعات مع الاصحاب ما تتكرر وصعب تفويتها وهنا من ذوق الزوجة قبل واجبها انها تقول لزوجها
روح انبسط مع اصحابك الليله هذه

ودمتم في حفظ الرحمن

__________________
حبيبتي .... عندما تبتسمي الي سوف تنير كل النجوم التي في السماء