السلام عليكم و رحمة الله و بركاته

تويي جالسة اتصفح المنتدى و طريقة تغيير ترتيب الاقسام ..
شدني القسم هذا و دخلته .. لقيته فاضي ..
و مافبه اي موضوع ..

حبيت افتح موضوع نتجمع فيه نحن النحيفات .. و اللي حابة تزيد
من وزنها مثلي ^^

.
.

انا طبعا احتاج ازيد 5 او 7 كيلوات بالقليل و الكثير ..

اتمنى نتشارك هنا يومياتنا و تجاربنا ..

ونحتاج نصايح و مشاركة الدبدوبات كمان .. عشان نتعلم و نغير من طريقة
تغذيتنا

وعليكــم السلآم مســآء الخيــرآت يآجميلة (=
سجليني معآك وحدة رشيقــة :$
يحتآجلي على الأقل على الأقل 10 كيلو وفوق ):
آخر تهزيئة جتني قبل شوي من ابوية )":
على يدك يآشيخة تخلينا أدب من الدب نفسو هههههههـ

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

سما ..

المشكلة اني ما اشتهي الاكل .. و انسى اكل مرات ..
عاد صحباتي الدبدوبات يضحكوا من كلامي ..

حتى لما اكل .. اشبع بسرعة .. احس معدتي صغيرة ..
و اجوع بعد شوي .. هي طريقة صحية زي مايقولوا ..

بس عدد الوجبات اللي اكلها باليوم مرتين او مرة ..

تدري ؟
لولا وجود الشغالة و ولدي الصغير .. ماكنت راح افتكر الاكل ..
لاني اقوم و اطبخ و اجهز عشانهم ..

و المشكلة اني من الناس اللي تنسد نفسها اذا طبخت .. و ما اكل طبخي الا بعد كم ساعة

و اكل السوق ما احبه ..

.
.

احس يبغالي اغير اظامي الغذائي و اخذ فاتح للشهية

.
.

ننتظر الدبدوبات الحلوات يفيدونا ..

انت ايش تفطري و تتغدي و تتعشي ؟
كم وزنك دحين ؟
عشان بعد اسبوع نقيس وزننا ..

.
.

انا وزني قبل كان 43
دحين 45 و الحمد لله

لو ازيد 5 .. مرة كويس ..
مابغى اصير دبدوبة مرة .. بس احس 5 كويس

سبحان الله ،،

لقيت أحد نفسي ،،

ما أشتهي طبخي مع إن الكثير يحبه

وما آكل إلا إذا جعت مررررة وأكلي قلييييل


معكمـ بإذن الله ،،

لي رجعة في وقت أكون فيه فاضية ،،

__________________
*** انشغل بنفسكـ عن الخلق ،،

وانشغل بالله عن نفسكـ ***

نحلة ذكية ..
نفس حالاتي ..

.


راح استنى يتجمعوا كمان معانا اكثر من وحدة وحدة ..
بعدين نشجع بعض عالاكل ^^

اخيرا .. انفتح موضوع زي كدا ..

كنت كل ما ادخل هنا .. الاقي تجمع الدببة و اهرج معهم شوي واطلع

كويس لقيت لي محل هنا ..

ببدأ لكم بنفسي ,, انا كنت في ما مضى وزني نهاية الخمسينات

وبعدين نحفت بالمرررة واخيرا استقريت لي سنتين وزني ما بين 40 _ 43

وبس ..

نفسي مرة ارجع زي قبل ايام الخمسينات ,,

مؤخرا .. جربت فتح الشهية والله نفعت معي صرت اكل كثير وكل بعد ساعتين

اجووع .. بس مشكلتي نوعية اكلي مو صحية

سبحان الله امس كنت اقول لأمي براجع دكتورة تغذية

ابغى اسوي لي جدول نظام غذائي صحي مشبع بالفيتامينات

يعني انا من نفسي ما آكل , لكن اسمع الكلام لو احد حدد لي

اشياء معينة امشي عليها , مين عندها فكرة نستفيد كلنا ..

وحابة اسألكم .. احد جرب كبد الحوت ..؟

__________________

‏
الوعي هو الملاذ ..

أستغفر الله العظيم ؛
( الفردوس غايتي )

كبسولات كبد الحوت مرة رائعة ممتازة وأنا سألت عنها قالي الكتور عادي اعتبري نفسك تاكي اكل كله فيتامين مرة حلوة وصراحة انا عمري مافكرت لابرجيم ولا ازيد وزني وزني 43 واحيانا 45 تذكرت مرة رحت للدكنورة وانا حامل ووقفت على الميزان ولا هي الدكتور تقول ياااااااالطيف 43 هذا وانتي حامل بس عادي انا مو مهتمة بس الي قاهرني وجهي نفسي يكون املى اكثر إذا سمنت يسير وجهي مررررررررة حلو بس وأنا ضعيفة يكون غير

__________________
لا تكن من الشامتين فتصبح من المبتلين
قال الحسن البصري أدركت أقواما لم تكن لهم عيوب فتكلموا في عيوب الناس فأحدث الله لهم عيوب وأدركت أقواما كانت لهم عيوب فسكتوا عن عيوب الناس فستر الله عيوبهم

مو هوه هدا يا ام عبدالملك .. الوجه اذا نحفتي يصير عظااام

حلاة التختوخات والله , بجد تحسي الوجه مدور ومنور بعكس لما تنحفين

كبد الحوت حلوة كلها فيتامينات .. بس انا اذا طولت عليها اكثر من شهر

تتعبني .. عشان كذا , انتظم عليها ثلاث اسابيع و اوقف وارجع لها بعد فترة

مره مفيدة , تفكك من الدوخة أقل شي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

يصلح نسوي تبادل ههههههههههه
تعال نسافر ويشفطو مني لك 😝
انا اجل العكس لي فتره بدايت 😭😭😭
نزلت 7 كيلوو وباقي لي
حاليا وزني 75 وطولي 166
يعني بعطيك 6 كيلو تقريبا
ابي وزني يرجع مثل اول 69 او 68 ماحب النحف مرره
يلاا احجزي لنا وقدام اشفط وعطيك ☺

__________________
سبحان الله وبحمده