السلام عليكم ورحمة الله وبركاته

باطرح لكم مشكلتي بالتفصيل وابي نصيحتكم

انا متزوجة من سنه خلال هذي السنة تعرضت لثلاث خيانات من زوجي*

الخيانة الاولى: بعد زواجنا من شهرين او ثلاث شهور اكتشفت وواجهته بقوه*
اعتذر ووعدني انه مايعيدها*
اللي يكلمها انسانه متزوجه واتوقع من قبل زواجنا يكلمها ، لما سالته قال من اول اكلمها وهي متزوجه مجرد مكالمات ومافيه طلعات*
الخيانه الثانيه: لقيت جوال ثاني في سيارته بعد شهرين من خيانته الاولى وللاسف طلع يكلمها هي نفسها الله يشغلها في نفسها ويبتليها
هذي المره اخذت منه موقف قوي ووعدته ان عادها باخونه حتى انا عشان يحس بالالم اللي احسه ووعدني للمره الثانيه ولما هددته قال اذا خنتك خونيني !!!!
استمرينا شهور والحمدلله مافيه شئ وللاسف قبل اسبوع اكتشفت انه راسل لصديقه في العمل عن جواله الثاني !! مخبيه في مكان عمله*
ناسي يمسح الرساله واراد الله اني اشوفها وبعدين مسحها

قلت في بالي ذيل الكلب ماينعدل!! طنشيه يابنت الناس دامه مو مقصر
هو طيب معي جدا ونادرا يرفض لي طلب يعني طلباتي اوامر*


لكن المشكله ماني قادرة امسك نفسي، تعبانه لدرجة المرض
احس نفسي مكتومه مكتوووومه ومريضه وانعكس هذا الشئ على تصرفاتي*
اعصب عليه من اتفه شئ لين صار هو يعصب علي ويتجاهل تعبي


انا اكلمكم الان وانا تعبانه جدا ونفسيتي سيئه
ابي نصيحتكم وخصوصا الرجال لانهم رجال ويفهمون بعض
تكفون لاحد يقول طنشي وتجاهلي الموضوع*
انا تعبانه وكل ليله ابكي ، احس بنار في داخلي تاكل فيني


ابي نصيحه حكيمه، ابي شئ منصف*
ما ابي اضغط على نفسي لانه معطوبه من الداخل بشكل محد يتصور

ابي نصيحه، مقلب اسويه فيه، شئ يأدبه
اي شئ

انا مو مقصرة معه ابد وهو يشهد لي بذلك*
مو مقصرة من ناحية كلام حلو اهتمام بشكلي جنس اي شئ
وهو ما اظلمه بعد مايقصر

غير كذا يجي ان زوج يحب زوجته ويخونها؟؟؟
هو يردد كلمة احبك مية مرة في اليوم لكن والله من خياناته احسه كذاب

تعبت كثير وفاقدة اهم شئ بين الزوجين
الثقه والامان
ما اثق فيه ولا احس بالامان معه

انا خايفه من شئ واحد انه يحبها ومتعلق فيها
لان شكل له فترة طويلة جدا يكلمها

خايفه جدا

وايضا سبق واهدت له عطر قبل زواجنا هو اعترف بذلك لما واجهته اول مره
يعني بينهم هدايا

هو عمله مختلط وهي مراجعه في المستشفى وتقريبا مايمر شهر الا تجي للمستشفى
يعني يشوفها



نار اكلتني كل ما اتذكر
يارب الفرج من عندك

طيب اختي ليه ماتجلسي معه جلسة مصارحة وحاولي تعرفي ليش يخونك وليش هالانسانة بالذات وهي متزوجة !! شوفي اختي أنا ما أبرر خيانات زوجك .. بس أكون صريحة معك الرجل مايكلم انسانة ثانية إلا إنه في شيء ناقصه في زوجته .. وانتي منتي مقصرة في الاشياء إللي قلتيها بس زوجك والله أعلم يحتاج أحد يسمعه ويفضفض له ويعتبره صديق .. والدليل إنه يكلم واحدة متزوجة وعلى قولته مافي طلعات بس مكالمات .. انتي أول شيء استهدي بالله وجيبي زوجك واجلسي معاه جلسة مصارحة وقولي له لاتعتبرني زوجة اعتبرني صديقة وقولي واشكي لي ليش تسوي كذا وش إللي محتاجه .. لأنه يا أختي إذا ماترك زوجك هالانسانة عن قناعة راح يرجع لها بالسر وبدون ماتعرفي .. حاولي تتقربي من زوجك أكثر وأكثر وخليه يفتح لك قلبه .. صدقيني إذا وجد الرجل إن زوجته قريبه منه وتعامله كصديق مو كزوج كثير من الخيانات راح تنتهي .. الرجال يحتاجون إلا صداقة الزوجة وقربها أكثر من احتياجهم إلا الاحساس بكونها زوجة فقط .. ولاتنسي الدعاء بإنه يسخره لك ويصرف عنكم شياطين الاتس والجن

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

والله والله اسمعه ولما يتكلم انصت له
علاقتنا اكثر من رائعه
حتى في العلاقه الخاصه ما اصد واللي يبه بما احل الله اسمح له واسويه
مبسوطين ومتفاهمين
وجلست معه في الخيانات الاولى وقالي مو ناقصك شئ ابد ومبسووط
معك لكن الشيطان
ودائما يكرر انه يتمنى مني اطفال

بس انا شاكه في شئ واحد
انه يكلمها جنس في الجوال !!
دلاحد يقولي كيف عرفتي بس احسه مدمن على شئ معاها

ومو قادر يتركها

والحرام الشيطان يحلييه !
دحتى لو بتقولي تجرئي وسوي
صدقيني سويت له كل شئ

طيب سألتيه وش إللي تحتاجه وما لقيته فيني ؟
سألتيه ليش يكلمها وش يبي فيها ؟
سألتيه وش نهايات هالمكالمات والخيانات؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

سالته يقول مو ناقصك شئ
هي مراجعه تجي للمستشفى واخدمها
وهي اللي بداعت طبعا قبل زواجنا

لما جلست معاه قبل وصارحته قالي انا مبسوط معك وكل شئ لاقيه عندك

الحمدلله احنا مبسوطين مع بعض ومتوافقين في اشياء كثيره وهذي نعمه من الله
لدرجة انه ذي الايام مو متحمل عصبيتي وشدة اعصابي ويوقلي فيك شئ مو طبيعي
لاننا مو متعودين على النكد

حتى زعلنا مايطول الحمدلله عشان تقولين يضعف ويرجع لها
وحتى لما اكون عند اهلي لو يوم واحد
لازم الاتصالات والرسائل

المشكله مو لاقيه ثغرة بحياتنا عشان نعدلها

طيب ليش هو يكلمها ؟ وش يبي منها ؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ما ادري..........!

كوني على ثقة ويقين أن خيانته ليس لنقص فيكي

أو لشائبة تشوب علاقتكما ,, هذا الشيء يتعلق به

بشخصيته الضعيفة وقلة وازعه الديني غالبا ..

والشيطان يزين الحرام في عينيه ..

فربما تكون قبيحة لكن الشيطان يجعلها في عينيه

حسناء فاتنة ..

وأعتقد أنه صادق كل الصدق في محاولاته للابتعاد

عنها ولكنها تطارده خاصة أنه يراها في المشفى دائما

لي صديقة سعودية مرت بتجربة مماثلة ..

وبعد أن أعيتها الطرق .. جمعت معلومات عنها ..

ثم أعطت رقمها لأحد إخوتها بعد أن حكت له معاناتها

فاتصل بها وأوهمها بأنه أحد رجال الهيئة وصدقت اللعبة خاااصة

أنها سمعت منه معلومات عن عائلتها وعن زوجها وعمله

وعنوان بيتها وطبعا معلومات عن زوج أخته ..

فصدقت أنه سيلاحقها ويخبر زوجها إن لم تبتعد عن

ذاك الرجل وعن أي رجل آخر .. وفعلا من يومها

قطعت علاقتها به نهائيا .. مارأيك ؟؟

لاأملك إلا الدعاء لك بأن يهدي الله زوجك ويبعده

عن طريق الحرام عاجلا غير آجل.

__________________
بالغار كللت أم بالنار ياشام ..أنت الأميرة تعلو باسمك الهام ..

اسأليه .. قولي له دام أنا مو ناقصني شيء وحنا نحب بعض وش تبي فيها ؟؟؟
طيب ليش ماتاخذي رقم الانسانة إللي يكلمها وتكلميها وتهدديها تبعد عن طريق زوجك ..
لاحول ولاقوة إلا بالله متزوجة وتخون زوجها .. الله المستعان

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..