انا كتبت الموضوع ما ابغاكم تقولون لي انا صح او غلط ابغى طريقه اقنع زوجي بدون مشاكل

بنتي كملت سنة وثلاث شهور وابغى احمل وزوجي رافض كلمته قبل ثلاث اسابيع قال لم تدخل البنت المدرسه افتكرته يمزح واليوم كلمته رافض وزعلت راضاني بس برضه مو مقتنع يقول نخليه لوقتها يمكن تتغير الفكرة والبنت تاخذ حقها من الاهتمام ومن هالكلام انا مو عاجبني الكلام هو عنده ثلاثه بس انا ما عندي غير البنوته وانا مو صغيرة عمري 33 سنة وعندي مشكلة في قدمي ابغى اسوي عملية بس ابغى احمل اول وبعدين اروح اشوف مشكلة رجلي

انا مو عارفه ليه رافض بس اتوقع عشان المصاريف

وجهي له هذه الاسئلة في سياق حوار هادئ ..حتى تعرفي اسباب رفضه..

سنة وثلاث شهور لازالت صغيرة
بعد ثلاث سنوات معقول
لكن الي سن المدرسة كثير جدا
عارف قصدة بس ماودي
اكتبة وينمسح ههههه

__________________
سبحان الله وبحمده سبحان الله العظيم

شرعا مايحق له يرفض لو تبين عشر
بعدين اذا هو رافض الى هالدرجة وش تنتظرين احملي لو من دون موافقته

هو مارفض قطعيا ولكن حب تاخير الانجاب
وللانجاب لايكون الا برضي الطرفين الموضوع مو بالقوة
واذا حملت بدون موافقتة فهي فتحت باب لان ينغلق
من المشاكل ..التفاهم طيب

__________________
سبحان الله وبحمده سبحان الله العظيم

حسب علمي ان لا يجوز حرمان احد الطرفين من الانجاب مطلقا
اما تنظيم النسل فجائز شرعا

مرحباً أختي

لكِ ولزوجك 3 حالات من حيث الموافقة والرفض

إما:
1- بطلب.. وهذا الأفضل للطرفين.. طلب من طرف وموافقة من الآخر إلا أن تكون هناك مشكلة صحية محتملة

2- سكوت.. أحد الطرفين يرغب والثاني ساكت.. فهي موافقة ضمنية وقبول

3- رفض.. وينبغي التفاهم وعدم الإختلاف لما قد تترتب عليه مشاكل مستقبلاً

أنصحك بعدم مخالفة زوجك ومفاجئته.. بل إستمري بالطلب كل فترة وأظهري الشوق والإهتمام وأنه لن يحصل منك تقصير للجميع... وإن شاء الله في النهاية ستحصلين على إحدى الحالتين: الموافقة أو السكوت


أعانك الله

33 مو كبيره

الأنجاب ورا بعض متعب لا تستعجلين


تفاهمي معه بس لا تفكرين تحملين بدون رضاه

اقنعيه من ناحيه البنت يكون لها اخو او اخت قريب من سنها وانك حابه تربي اثنين سوا بعدين تجلسين ست سنوات
اقنعيه بقصص ناس جلسو فتره طويله بين اطفالهم وتعبت نفسيه الطفل دايم لحاله

الزوجه لها تاثير ع زوجها اذا اختارت الوقت المناسب والكلمات والاسلوب

والله يكتب لك الخير

__________________
سبحان الله وبحمده

اقنعيه من ناحية تقارب الاعمار بين الطفل الاول والثاني بيكونون مع بعض ويكبرون سوا
انا واخوي بيننا سنتين واعتبره من اعز اصدقائي نسهر سوا ونطلع سوا ونجلس سوا مااتخيل حياتي بدونه
وطبقتها بحياتي عندي طفلين متقاربين بالاعمار يلعبون سوا ومع بعضهم
رغم رفض ام العيال لكن جا بدون تجهيز وزعلت وتضايقت لكن بالنهاية رضت وكمكافئه لها دلعتها وقت الحمل وساعدتها برعاية الطفل الاول
خشي من هالناحية وان اصر على التأجيل لاتفتحي الموضوع خلاص
خليها تجي بدون قصد وماحسبتي حسابها مثلا لخبطتي باخذ الحبوب والموانع
بدون قصد بعد 3 اشهر او 4 اشهر مو مباشرة ثم يعرف انك قاصدة