السلام عليكم
بصراحه مدري وش اقول
كثرت مواضيع عدم رضا الازواج عن نظافه البيت او اهتمام الزوجه
من جهه اقول مع الزوج حق
من جهه اخرى اقول هي انسانه يوم تمل يوم تتعب يوم تنظف عادي ماهي مكينه يعني
اذا الخادمه الي نجيبها مخصوص للنظافه نغفر لها ونرحمها
بصراحه بيتنا مع وجود الخادمه بعد مش مستوى مستشفى او فندق سبع نجوم
ماهي انسان مو مكينه
لذلك استغرب الازواج الي عينهم بس على زله زوجاتهم
احسهم من وراهم يتحسسون الغبره ويرفعون الكاس يشوفون لمعته
زي شغل الحموات
معقوله عند اهلهم كانوا عايشين واو في عالم يلمع
ولا يعني زوجه اصرف عليها خلاص تمشي مثل الساعه وتحلل صرفي عليها
او فعلا بنات هالوقت مهملات
المهم
الي مستقرين سواء زوجات او ازواج
كيف هالوضع عندكم
بيوتهم تلق لق
ولا الوضع عادي والكل متغاضي عن عدم الكمال
هل يساعدك زوجك
هل عندك شغاله
وانت يالزوج المرتاح هل تشوف شكوى الازواج هنا مبالغه
ولا فعلا معاهم حق
هل ترجع تلقى بيتك خمس نجوم نظافه واكل والزوجه متدهره
ولا الحياه عفويه وعاديه

موضوع جميل..

واتساءل حتى عن تحديد وقت التنظيف؟

يعني المفروض يكون زي الدوام ماتتعداه ولا تقدر تاجله كم ساعة؟ 😶

__________________

اختلافي عنك لا يعني اختلافي معك

ذكرتيني بسالفه الصحون بالمجلى
هل فعلا لازم الزوجه ايدها اول باول بالبيت
طيب اجل متى تتفضى تقعد مع زوجها

فعلا ..
إحنا ببيت أبوي تعلمنا إن كنس البيت يكون بالليل .. من بعد ماقضينا يوم كامل فيه أكلنا وشربنا ومارسنا حياتنا اليومية .. نبي ننام والبيت نظيف ومرتب .. ونصحى وهو نظيف ومرتب ..
زوجي كان يقول كنس البيت في الصباح .. قلت له أنا أكنسه بالليل عشان لو فيه فتات أكل وغيره مايبقى إلى ثاني يوم وممكن يجي النمل وخلاص دام كنست بالليل ماله داعي أكنس الصبح ..
ما اقتنع بوجهة نظري وأجبرني أكنس في النهار وأنا كنت أيضا مصرة على ضرورة كنسه قبل النوم فصار الكنس مضاعف علي ..

ليه يتدخل بشغل البيت مادام ماراح يساهم فيه
المفروض الرجل الي شايل ايده ما يتدخل ابد بشغل البيت
طيب بقول لكم موقف طريف
طليقي مره دخل علي المطبخ وانا احمس بصل وثوم الشقه مافيها شفاط
وكنت مصكره باب المطبخ هذا الشي الوحيد الي اقدر اسويه
دخل علي معصب فيه ريحه مش كويسه قلت ريحه طبخ بس اخلص ابخر
مدري كان يبغاني مثلا احط كسره عود مع البصل واحمسهم سوى
يعني يبغى اكل لذيذ كامل بنفس الوقت بدون ريحه
بصراحه احس بعض الرجال يبغى ينتقد بس
اذا انتقد يحس انه رجل
وهذا اسمه الوحيد انه نكد بنكد

بصراحه يا مبتعثه ما طلبوا شي صعب ... في فرق بين اهمال الزوجه لواجباتها الضروريه والرئيسيه

وبين ان تمر الزوجه لظروف جعلها تهمل بعض وليس كل واجباتها

وبالفعل هناك عدم ادراك ووعي كلا الطرفين لواجباتهم كزوجين

__________________
وهل من مصير اخر ؟

كوكي معليش بس جاوبيني
هل انتي مسئوله عن بيت او شقه بدون محد يساعدك
عندكم شغاله بالبيت
هل يوميا عليك الطبخ وجلي المواعين وكنس البيت
اذا تعملي هالاشياء يوميا ومسئوله عنها ومافي احد يسد مكانك جاوبيتي يالجميله

تبين امدح نفسي يا مبتعثه ,,,,

في يا مبتعثه اساسيات وليست كماليات جاهلات فيها البنات حتى قبل الزواج

ومثل ما في ازواج مقصرين في واجباتهم في زوجات مقصرات ولا ننكر ذلك

حتى مع وجود الخادمه يوجد اهمال في المنزل من سوء توجيه وتدبير واهمال بتربية الاطفال

الخادمه فاهمينها غلط ... مو كل شي على الخادمه ... صح ان الزوج بيحاول يتعايش

ولكن بتبقى بقلبه وبينظر لها نظرة المقصره *** اتكلم عن اخواني ومعاناتهم

__________________
وهل من مصير اخر ؟

عادي امدحي نفسك
مااتكلم عن حقوق وواجبات
سالتك عن شي
هل انتي مسئوله عن تنظيف خلينا نقول دور كامل ببيتكم يوميا بدون شغاله و تطبخين
يوميا كوكي بدون مساعده احد لا شغاله ولا اختك
جاوبي ياعسل

واذا قلتلش خواتي المتزوجات سنعات وعلى سنقة عشره ,,, بترتاحين

ليش شي غريب ان في حرمه قايمه ببيتها من احسن ما يكون

يطبخن ويربن وينظفن مو اي نظاف ,, نظاف فندقه .. عادي

بس ما انكر بعد فتره يجيبون خادمه

وانا يوم يشردن الشغالات لي نصيب في التنظيف ,, يلق البيت لق .. ومو اي بيت بيت

عايله وش كبره

بس الحمدالله صارن الشغالات ما يشردن الحين اللهم لك الحمد


انا ليه في التنظيف وما ليش في الطباخ ... ها ارتحتي مبتعثه

__________________
وهل من مصير اخر ؟