الأخت بنت الموج
بصراحه موضوعج حلو وبالفعل في هذا الوقت بالتحديد بعض الشباب وللأسف يعتبرونه شيء مهم
بس أنا عن نفسي بصراحه ما عمري فكرت في هذا الموضوع لسبب واحد القوامه للرجل ولا أقصد من كلامي إني انقص من قدر المرأة
بس أنا المسؤل الأول عن البيت من الأبرة إلى السيارة
أما بالنسبه لعمل الزوجه فهذا بصراحه شيء يرجع لها بشكل رئيسي ، يعني أنا زوجتي تشتغل مدرسة والحمدلله
بصراحه انا أصرف على كل شيء في البيت بس موضوع راتبها شيء يرجع لها
وأنا أقولها بصراحه البيت أنا مسؤول عنه خلي راتبج حق لبسج أو حق بعض المجوهرات أو الخواتم اللي تحبين تشترينها واللي أنا أدفع نص قيمتها
بس عموماً شاركت في مصروف البيت ولا ماشاركت بالنسبه لي ماأعتمد عليها في هذا الأمر لأنه هذا واجبي الرئيسي
حتى الله يعزكم حفظات الأطفال أنا اللي اشتريها وحليبهم وأدويتهم ولبسهم
تقدرون تقولون كل شيء
وصدقوني أنا باقول حاجه وأنا مجربها ومنكوي بنارها بالفعل
أنا اشتغل طول الشهر وأكد وأهلك فلما ينزل الراتب على طول تنزل علي طلبات البيت مثل المطر في هذي الحالة الواحد يتقطع يقول لا حول ولا قوة الا بالله هذا تعب شهر كامل طار في يوم أو يومين طبعا مش كل الراتب ولكن نصه إذا ماكان جزء كبير منه
أنا مجرب هذا الشعور بس لكن هذا الواجب علي
فما أحب ان زوجتي تحس فيه أنا مجرب طعمه
كفاية عليها تصرف على نفسها والباقي الله يعيني عليه
وسامحيني على الإطالة
أخوكم
ابوالسنونو