رد : تعبت من حياه ما آنصفتني
حبيبتي صاحبة المشكلة
الله يكتب اجرك امين
اتذكر مرت علي هذي المشكلة في منتدى ثاني على ما اعتقد وبعطيك نفس الاجابة
اول حل لمشكلتك حبيبتي الصلاة
اصلحي علاقتك بالله علشان كل امورك تزبط وتقربي منه
وتذكري انتظار الفرج عبادة
مادري وش مفهوم الحب ؟ واحد يضربني ويتزوج مية حرمه ويرجع لي
واهله كلهم يسبوني ويحطون فيني الموبقات السبع !
وامه تكره امي وتطردنا من كل عزيمه على اساس انها الشيخه اللي بصدر المجلس
الزاوج امان واستقرار وتكوين أسرة ماهو فرض عليه ولاهو احدى اركان الاسلام
ارضي امه
واسكت عنها , انا ماتزوجتها انا قبلت فيك وتزوجتك انت مو امك واهلك , ما اقصد بكلامي ذا اني ماطيع امه او احبها لا .. ان حبتني واكرمتني زيي زي بناتها وتعرف اني زوجة ولدها وام احفادها وقدرتني .. والله لها عيوني وانها امي الثانيه : )
اما ان اهانتني ومسحت فيني الارض وقالت فيني مالا يقال قدام خلق الله وتقذفني واسلم على راسها
ونسيت يدها
واسكت واحتسب ! < اي انواع الاجر والصبر والاحتساب هذا !
والله اني احب الاجر واني اصبر واحب ربي واعرف ان ربي يعوض دائما
لكن لنفسي عليه حق ماهو كل من هب ودب وحتى لو اقاررب يمرمطني واكتم في نفسي
ياصبوره .. ترى مابقي بالعمر اكثر مما مضى ! ولا احد يقدر يهينك ويقلل من مقدارك ويهز ثقتك بنفسك ويخليك لاشيء الا بمساعدتك انتي !
لا تتطلقين لا اخلعيه خلعة البسسساس
وروحي المحكمه قاضيه على كل الطلقات وعدم صرفه عليكم وكل تقصير
طلعي كل شيء من قلبه مو انتي تحملتي ؟ خليه يتحمل جزء بسيط من معانتك
اللي عشتيها بقرف معاه + كل القذق اللي قالوه قوليه خليهم ينجلدون
مو على اساس قالوا لناس انك ساحره وتغيرين ولدهم خلاص بما انهم اوهموا الناس انك قويه اثبتي قوتك واشتكي واخلعي !
نصيحه لوجه الله لاعاد تغبنين نفسك زياده ولا تبقين معاه ثانيه واذا على ولدك تراه يُخير وان شاء الله يختارك
اذا خلعيته خشي نادي وانحفي وعالجي نفسك
وتقربي من ربي واقرائي قران الله يشفيك ويخليك لولدك وترجعين زي ماكنتي بنت مرتاحه واحسن
واذا قررتي الرجوع له
ارجعي بشروط تضمن لك حقوقك
و اولها يشتري لك سكن في منطقه بعيده عن سكن أهله و الافضل عند اهلك
تعويض مادي عن اللي شفتيه معاه
لك الحق في إكمال دراستك و يوفر لك سواق
و أكيد أنصحك بالعلاج النفسي و التصالح مع الذات عشان تستقرين نفسيا و ما يؤثر على دينك و تقصيرك بالصلاة
و بنتك احتسبيها عند الله عزوجل ارحم الراحمين و باذن الله تكون شفيعه لك
__________________
انا لله وانا اليه راجعون
التعديل الأخير تم بواسطة متفائلة بالله35 ; 19-10-2012 الساعة 02:47 PM