السلام عليكم ورحمة الله وبركاته
اول شي قبل كل شي هذي اول مشاركه لي بالمنتدى وقبل لا اسجل كنت دايما اشاهد مواضيع الاعضاء
صراحه ما ادري وش اقول ما اعرف اعبر عن اللي بداخلي واتمنى اني اكون عضو خفيف ع المنتدى

قصتي غريبه شوي .. قبل لا انزلها كنت متردد بس انا اشوفكم زي اخواني عشان كذا تشجعت !!

انا عمري 25 قصتي مع بنت خالتي قبل 6 سنوات هي تحبني من واحنا صغار بس كنت عادي .. كان بينننا مكالمات فقط .. .. لأني انا بمنطقه وهي بمنطقه .. احيانا اقولها احبك بس مو حب من قلبي شعور عادي جداا .. بس الغريب اني ما ابي افارقها ما ادري ليش .. كانت دايما تقولي انت تحبني ولالا ما ارد عليهاا .. انا اعترف لكم اني ما بادلتها نفس الشعور بس ما ادري ليش .. بعد فتره قلت لها انا ما اصلح لك ولا شي .. قالت ليش .. شلون وكيف ؟؟ كانت تبكي .. بس انا ماحسيت فيها .. انقطعت علاقتي فيهاا بس كانت بينها وبين اختي اتصالات .. وكانت تصارح اختي •

بعد سنتين

تخرجت من الثانويه ودخلت الجامعه

وانا طلعت دوره بالخارج .. لمدة سنتين .. بس صراحه كنت مشتاق لها يشهد الله علي اني حبيتها وانا مسافر
رجعت وانا كنت مشتاق لها بالحيل .. حبيتها ما ادري شلون اوصف لكم

كنت ابي اتواصل معها بس ما ادري شلون .. غيرت رقمها بس جبته من جوال اختي وهي ماتدري

اتصلت عليها .. من جوالي عرفت صوتي .. كنت متوقع انها مابترد علي
ردت علي .. كلمتها قلت لها كل اللي بقلبي .. اعتذرت لها ' ما قالتلي شي كانت ساكته .. بكيت اول مره بحياتي ابكي
وهي بكت كانت تعاتبني .. وقالت وينك طول هالفتره !! انا اعترفت لها وصارحتها قلت لها ادري اني كنت قاسي عليك والحين تغيرت !!

رجعنا لبعض وحبيتها من كل قلبي .. وهي حبتني من كل قلبها.. وان شاء الله اننا بنتزوج بعد ماتخلص دراستها ..


بس بعدها بفتره اتصلت علي .. وكانت خايفه قالتلي لازم اصارحك بكل شي.. قلت ليه وش صاير ؟؟
قالت انا كنت اكلم واحد قبلك يوم انت كنت مسافر .. بس والله اني ماعمري حبيته مثلك كان بيننا مكالمات بس
وكنت دايما كنت اغلط بأسمك .. بس خلاص انهيت علاقتي فيه وانتهى كل شي بس المشكله اني ارسلت صورتي له
وانا خايفه الحين وما ادري وش اسوي خقت اكلم ابوي واخواني ' كنت جاهله وما اعرف الغلط من الصح بس تأكد اني ماعمري حبيته وانا احبك انت وانا اعترف اني غلطت ومقهوره من نفسي وانا تحسفت على اللي سويته واتمنى انك تسامحني..

قلت لها الله اللي يسامح ويغفر الذنوب .. بس ليش ماتكلمتي من اول !!

المهم .. انا ما ادري وش اسوي بذي الحاله .. احترت قاعد افكر تكفون عطوني حلول .. اكمل معها ولا افارقها
المشكله اني احبهاا والله احبها وما ادري وش اسوي بس كل ما اتذكر سالفتها تجيني ضيقه !!

بس شلون انسى اللي رااح !!!

ادري اني طولت عليكم .. بس انا اشوفكم زي اخواني اتمنى انكم تساعدوني الله يرضى عليكم

لا حول ولا قوة الا بالله
اول ساعدها وما اعترفت لك الا وهي تريد حد يساعدها
وثاتيا كيف تكلم بنت اجنبيه عنك الله يصلحكم هالغزو الفكري
لو اختصرت الموضوع وخطبتها من اهلها
..
مابقول لك اللي خانت اهلها ممكن تخون زوجها .. لكن بقولك اولا حل المشكلة
ثانيا استخير الله واقطع علاقتك فيها وخلي علاقتكم عن طريق الاهل
افضل لك ولها
...
اللهم اهدي شباب المسلمين

صح انك ماتدري بنيتي واللي بداخلي
بس انا حبيتها من كل قلبي
والله مو نيتي اني العب عليها وهي عارفه انها كانت تحبني من زمان ..
غير كذا اللي يربطني فيها انها بنت خالتي قبل لاتكون زوجتي .. وما ارضى انه يمسها اي شي
انا ادري اني غلطت واعترف بغلطي اتي كلمتها .. بس يشهد الله علي انه كان نيتي زواج
وانا اصلن ناوي اكلم اهلي بس مابي استعجل واتندم بعدين !!

كلمتك!!!واعترفت لك انها كلمت غيرك!!!!!!!!!
ارسلت له صوره!!!!!!!!
الله يهديها بس اتوقع انها تعاني من فراغ عاطفي كبير
اعترافها لك نقطه تحسب لها فهي لم تخدعك وصارحتك
اخي ان لم يكن هناك ابتزاز لها بالصوره فالستر ونسيان الموضوع افضل والتوووبه الخالصه
انصحها وساعدها علي الاقلاع عن المكالمات مو كل مره تسلم الجره
بالنسبه لك الامر متوقف عليك هل ستنسي امر مكالمتها وصورته وتسامح وتبداء صفحه جديده معها
ام تتخلي عنها وتبحث عن اخري لا تدري عن ماضيها شي
اخي اتمني ان تسامحها خصوصا ان الحب موجود ،،،جل من لا يخطي،،ودام اعترفت لك صدقني انها ندمانه
ولو حبها لم تعترف بما حدث،،،اخي ان اخطات انت هل تحب ان تجد السماح والغفران عند من تحب او تجد الصد والخذلان انت او انا او غيرنا معرضين للخطاء فسامح واحتسب الاجر عند الله والاستخاره اولا واخيرا

الله يعطيك العافيه .. ما ادري وش اقولك صراحه بس انا سعيد جدا لتفاعلك معي
الحمد لله مافيه لا ابتزاز ولا شي .. هي ندمانه .. وتقولي ابيك تساعدني .. وكل ماتتذكر السالفه تبكي

يشهد الله علي اني احبها من كل قلبي .. بس انا ابي احد ينصحني وش اسوي بذي الحاله

والله يعطيك العافيه مره ثانيه ويوفقك يارب

هي حبتك وكنت مالي عليها حياتها،
لما تركتها صار عندها فراغ وما أسهل ملء الفراغ في ظل التقنيات الحديثة،وضعف الوازع الديني،
برأيي
ماتعترف بشي كهذا وفي هذا التوقيت إلا اﻹنسانة البريئة الصادقة،،
أنا أشوف إنك تسامحها وتستخير ربك وتبدأ معها صفحة بيضاء صادقة نقية بالخطبة والزواج ،،
إلا إذا كنت من النوع الشكاك أو من النوع اللي ماينسى ويحقد،أو بكرة ﻷي موقف تعايرها أنصحك من اﻵن
اتركها،واللي خلقكم بيعوضكم.

استغفر ،تصدق ألح ع الله بالدعاء يلهمك الصواب ،الله يكتب لك مافيه الخير

الله يوفقك ويحفظك يارب .. وردك هذا ريحني كثير
ويعلم الله اني ماودي افارقها واني احبها وابي لها كل خير
وكل انسان يغلط .. والله غفور رحيم



واشكرك مره اخرى

البنت صادقه وما حبت تخدعك وحبت انك تكون عارف كل شي عنها
المفروض ما حكت لك شي وسترت على نفسها
ومن تاب تاب الله عليه
والاسلام يجب ما قبله
وحتى لو لها علاقه قبل الزواج انت المفروض ما تحاسبها ولا تسئلها ليش هيك عملت
انت لك بعلاقاتها بعد الزواج هل هي مستمره او تابت
ماضي وانتهى
انسى اللي صار
وافتح صفحه جديده معها
واستخير الله في خطبتها
وخلي الخطبه 6 شهور علشان تشوفها عن قرب وتعرف طريقة تفكيرها وميولها ورغباتها وتعرفها اكثر بالخطبه والزيارات بينكم
الله يفرج همك ويشرح صدرك ويسر امرك ويهدي بالك ويكتبلك الخير وين ما كنت
امين

__________________
انا لله وانا اليه راجعون

الله يعطيك العافيه ياختي .. وشاكر لمرورك والله يوفقك وين ماكنتي

ااسلام عليكم

اخي ايش تفارقها
هي لا خانتك و لا سوت شئ منكر

هي مسكينة و حيب امكانياتها حاولت تدور على البديل
و هي اختارتك رغم تصرفك الغير الناضج معها

فاعذرني مو من حقك تحاسبها على ماضيها

انت طلعت برا و شفت عالم و اكيد حاكيت بنات غريبة عنك أو يمكن

بس هي ضعفت في احظة بس ما كانت ناوية تسوي شئ غلط

لانك انت كنت قاعد اتسويه معاها و انت المفروض تك