السلام عليكم
مبارك عليكم الشهر الفضيل
جزاكم الله خير على هذا المنتدى الرائع جدا

انا متزوجة صارلنا متزوجين 4 سنوات ماعندي اطفال , انا عمري 25 وهو 30
المهم مشكلتي مع زوجي غيرته والمحاولة للتحكم فيني

للامانه خلوني اقلكم عن بيتنا شوي انا عندي 6 خوات غيري يعني حنا 7 بنات الله يحفظهم ويسعدهم وين ماكانوا , ابوي للامانه انسان مو متشدد ابد ولا متعصب ولكن كان يبي ولد وماكانت اسبابه اسباب الجاهلية لا ابد كان يبي ولد يحمينا ويكون سند لنا ويعتمد عليه , المهم الله مااراد وله حكمته سبحانه وابوي راضي ومقتنع باللي الله عطاه هو ..

المهم امي وابوي الله يخليهم لنا ويحفظهم ربونا على الاستقلالية والاعتماد على النفس ابوي يحب يعلمنا على اشياء كثير وينورنا في امور كثيرة
ويحب يعتمد علينا يعني مطلع بنات عن 100 رجال يعني كل بنت ولها حريتها وشخصيتها واستقلاليتها وكل شي بحدود والحمدلله

انا بحكم تربيتي فيني جرآءه واقدام واتحمل المسؤولية واعرف اتصرف هذي شخصيتي اذا فقدت الامل رحت ادور واطلب المساعده
المهم اكتشفت انه زوجي ابد مايعجبه هالشي فيني !! واحيانا يستغرب !! وانا مافهمت عليه ! حطوا بالاعتبار ي اخواتي واخواني اني مو ماخذه مكانه ولا دور الزوج

يعني ي جماعة والله انا احترت يعني مثلا لو نبي نسافر لمكان وتعسرت علينا شوي !! اقوله ولا يهمك انا اضبط الوضع والحمدلله تتيسر / او حجز الفنادق ... اشياء والله تافهه اي احد يقدر يسويها !!

او حتى لما اشاركه واسولف معه بمشروع او سواليف رجال او حتي سيارات هههههه يتضايق !! ويستغرب مني !!

فصرت اقلل من هالشي وصرت استشيره حتى لو اعرف عشان احسسه اني بحاجته مع اني ي جماعه ساعات اخذ رآيه وساعات اطلب مساعدته وكثير اشياء هو يسويها مثل اي رجال
وصرت حتى استغبي عشان مايتضايق !!

بس بصراحه مرره تضايقت من شخصية زوجي !! وقلت يمكن عنده مشاكل بالثقه !!

هذا شي والشي الثاني غيرته القاتله شي مو طبيعي ي جماعه
بالسوق بالمطعم بااي مكان صرت اخاف التفت يمين او يسار !!
ولما نسافر شي مو طبيعي احس ينجن او يصير شخص ثاني !! مع اني يجماعه ماناظرت في حد انا اتوقع ان زوجي متاااثر بقصص او يمكن واحد من اصحابه كذا مادري !!

احسه مضيق علي بشكل مو طبيعي !! لاتطلعي . لا تلبسي . لا تضحكي . ولا تروحي لهلك !! مادري شسوي للامانه احس خانقني

حتى القراءه يخاصمني عليها !! حتى لما اسوي رياضه مادري ايش فيه مو طبيعي !!

تم تعديل العنوان ليتناسب مع المضمون

انتي نوعيتك يتعاملون معها الرجال بطريقتين
اما يفتخر فيها ويقول ذيبه وسنعه
او يحاول يحطمها وينقهر من تميزها





المطلوب منك شي واحد بس
تتعايشي معه بعد ماتفهمي حالته
وتاخذي كلامه بمزح وعدم جديه

شاكره لك ردك
انا فهمت عليه وفهمت من وين تجي المشاكل اصبحت واعية بشخصيته
لكن المشكله العظيمه انه يضيق النطاق علي / يخنقني

استخدمت معاه الحلول البسيطه اللي ذكرتها ولكن مادري شقول يبيني غبيه / جاهله / ماتتكلم ولا تقول شي / ولا تتصرف / ولا تعتمد على نفسها !!

بكل بساطة رميتي عباية ذلك الانثى الناعمة ولبستي عباية الرجل صاحب القوامة واصبح بينكم صراع على القيادة وهذا ما ينافي للفطرة السليمة ولا يقبلة اي رجل
ليس بضرورة مارباك علية والدك يقبلة زوجك
بخصوص الغيرة من طبيعة الرجل اذا حب زوجتة غار عليها وهذا امر فطري

__________________
سبحان الله وبحمده سبحان الله العظيم

شاكره لك ردك
ولكن ي اخي ايش تفسر انه يتضايق لما اقرا كتاب او لما افتح معه موضوع !!
ايش تفسر لما يسولف معي عن مواضيع اللي ذكرتها بموضوعي ولما اتفاعل معاه يتضايق !!
ايش تفسر انه مره من المرات اخته كانت تسولف وتاخذ راينا وانا كان عندي خلفيه عن موضوعها وعطيتها حل من الحلول والحمدلله تيسرت لها انزين ليش هو يتضايق !!

و مع اني ماحبيت اذكر هالشي في موضوعي بس ليش احيانا يتمسخر علي سواء بينا او قدام اهله !!

يعني اني احجز فنادق عن طريق ابلكيشنز او ايا كان او ارتب سفره / او حتى اطلب من مطعم هذا معناته فسخت رداء الانوثه !!

وبالنسبه للغيره انا قصدت الغيرة اللي توصله انه يشك فيني اني اطلع الرجال ؟؟ هذي غيرة ! هذا حب !

معليش ممكن نعرف اسم الكتاب ومضمونة
الامر الاخر اذا طلبتي منة يرتب سفرة يرفض

__________________
سبحان الله وبحمده سبحان الله العظيم

انا اعشق القراءة وخليني اعطيك نبذة من اللي في مكتبتي الجميلة
اقرا روايات بوليسية / اقرا للدكتور غازي القصيبي / اقرا للدكتور علي الوردي / سلمان العودة / فهد العودة / احلام مستغانمي / وكثير كتب غيرها

بالنسبه لسؤالك الثاني مايرفض ولكن اذا ساعدته يتضايق واحيانا تتكنسل السفرة !!

الاحظ في عدد كبير من الرجال انه المرأة الواثقة المستقله تكون مخيفة للرجال وكانها مصدر تهديد ماأعرف ليه !!!
وهادي شخصيتك كذا صعب تغيرينها لكن الاسلم ان تبعدي نفسك عنه يعني ماتعرضي مساعدتك عليه تحتفظي بارأيك لنفسك ومادام أنه بس يتضايق بدوم مايعلق تجاهليه اما انه يتمسخر عليك او يقلل قيمتك فهنا تقدري تتناقشي معاه انه تتقبلني وتحترمني كامرأة لها رأي وكيان مستقل زي ماانا احترمك واتقبلك
الغيرة اذا سبق وناقشتيه فيها وانه بهادي التصرفات يخنقك ممكن تجربي تمثلي عليه الغيرة بنفس اسلوبه عشان ممكن يحس ويستوعب

__________________
مادمت تنوي الخير..فأنت بخير

والله قراءاتك مافيها شي مستفز
اجل لو كنتي تقرأي لنوال السعداوي
وفاطمه المرنيسي وعزه بيضون وجمانه حداد
وسيمون دي بفوار وحنه ارندت
ايش كان عمل!!
انا هذي كتبي وزوجي يتمنى يحرقها
احيانا انقهر منه واحيانا اعذره لانها كتب نسويه حقوقيه

بصراحة كتب وكتاب فيهم الاتزان اذا استبعدنا بعض كتب
غازي القصيبي لكن ركزي على كتب فوزية الدريعي ايضا
كدعم لحياتك على جميع الاتجاهات
بنسبة للحجز اتركي لة الحرية ليش حاشرة عمرك
دام فيها سفرة وناسة

للامانة المدام عندي مدمنة قراءة واكثر قرائتها
بعلم النفس وتطوير الذات الي درجة تقول بحلل شخصيك عجزت
قلت اكيد شخصية فريدة من نوعها ههه
بنسبة للاحجوزات احيان وليس دائما هي تحجز عن طريق المواقع
طبعا اذا حجزات سفرة وتاخرات الطيارة قلت شفتي لو انا حاجز
متاخرنا ههههه طبعا امزح معها.. لوكان حجزها عن طريق التلفون
وتكلم رجال ما ارضى ابدا بس من خلال المواقع ماعندي مشكلة

__________________
سبحان الله وبحمده سبحان الله العظيم