السلام عليكم ورحمة الله وبركاته

اخواني اخواتي

ما ادري من وين ابدا
لاكن في البداية راح اعطيكم فكرة عني

انا متزوج منذ عدة سنوات ولم ارزق باطفال والسبب ضعف في عدد الحيونات المنوية ( وانتم كرامة)

عمري 33 سنه وعمر زوجتي 26 سنه
الحالة المادية ميسورة جدا واسكن بفلا انا وزوجتي فقط

راح اذكر اهم المشاكل اللي تضايقني

اول موضوع حين حدوث مشكله اي مشكله كبيره او صغيرة
يجب على حل هذه المشكله في نفس الوقت مهما كنت متضايق زعلان تعبان ما يهم
لازم تحل المشكله في نفس الوقت او سوف اتعرض لعقاب شديد
ابي اوضح نقطه مهمه قبل توضيح نوعية العقاب الا وهي انها مستحيل تعترف بخطها ودائما تستخدم اسلوب انطح الصياح بالصياح تسلم
العقاب اتعرض له اذا ما قدرت اتقبل الخطا حقها واصريت على انها مخطيه واني زعلان
هي ما تتقبل هالشي نهائي تسئل اسئله كثيرة وتكررها ارد عليها تعيد السؤال اذا سكت ترفع صوتها رد علي ليش ما ترد المهم ماتتعب لين احل المشكله وانهي الموضوع وانومها على يدي
انا احيانا اقاوم الى درجة انا نجلس 8 ساعات متواصله الى الصبح احيانا مستحيل ترضخ واستسلم بالاخير واحل الموضوع
مالي حق ازعل او اتضايق مالي حق اقعد مع نفسي
تعبت نفسيتي صرت اتساهل واتغضى عن اشياء كثيرة رغبه مني بعدم فتح اي موضوع معها لكي استطيع النوم والراحه طبعا الشي هذا اثر على نفسيتي وصرت اكبت اكبت ويجي يوم وانفجر واطلع الاول والتالي
بس بالاخير استسلم لنها ما راح تخليني انام وانا زعلان منها لازم ارضى بالغصب ماهو بالطيب تصيح وتنوح انا ماني من النوع اللي يضرب اضطر في حالات الانفجار وهذي تقع في السنه مرتين ثلاث اني اضربها واندم وارحمها واحل المشكله واراضيها واقدر انام
في يوم من الايام وفي ليلة خميس تقريبا قبل فتره طويله شوي بدت المشكله الساعة 2 باليل وقررت اني اصمد ولو يصير ما يصير المهم صمدت الى الساعه 11 الضهر وطلقتها بدون وعي وابعد ضغط رهيب منها المهم انهارت وبدت تضرب نفسها ماتوقعت اني اطلقها
حتى طلع الدم منها رحمتها ومسكتها وانهرت وبكيت لا شعوري المهم قالت انا احبك وانا وانا ما اعيش بدونك قلت انتي اللي حديتيني على التصرف هذا طبعا نمنا وقمت باليل قالت الحين وشلون انا زوجتك ولالا قلت اتصل على شيخ اتصلت على الشيخ غازي الشمري وشرحت له القصه كاملة وقال اعطني زوجتك وكلمها المهم قال الطلاق ما وقع
تعدلت فرته طويله ورجعت بس اخف شوي
الحين هي صارت حساسه وتغيرت علي في امور كثيره طبعا حنا نسكن في فلا كبيره وكل شي موفر لها
كل شي ما ينقصها شي ابد الدور الثاني فيه 5 غرف نوم غرفتين غير الغرفه الرئيسيه لملابسها واغراضها اللي يبيلهم تريله يعني ما ناقصها شي من البس
ومن ناحيت البيت كل شي موجود المطبخ جميع ما لذ وطاب وجميع المعدات حتى غسالة الصحون موجوده
التلفون جود بلس الصفر مفتوح اللي تبيه تشتريه مرفهه الى درجه عاليه
طبعا هي من ناحية البيت قايمة فيه قومة النضافه والاكل ما تقصر بس في الفتره الاخيره صارت تتقاعس
مع العلم اني ما اكل في البيت الا وجبه وحده هي العشا الغداء في العمل وكذالك الفطور
طبعا صارت تهمل في عمل الاكل وكل شوي اطلب اطلب من المطعم وفي الخميس والجمعه كذالك
حتى بدى يمر وقت طويل على عمل اي وجبه احيانا اسبوع تسوي وجبه وحده
هذه الحاله من ثلاث شهور بدت معها
المهم في الفتره الاخيره صار مني تقصير في الفراش بدل ما كنا 5 و6 مرات في الاسبوع نزل الى 3 مرات في الاسبوع
انجن جنونها وخربت اخلاقها المهم ما وضحت لي لين انفجرت وصاحت وسوت مشكله

نرجع لموضوع مهم الا وهو الاولاد طبعا حنا عالجنا اكثر من مره ولا كتب الله شي
بس الدكاتره يقولون فيه امل بالتلقيح او طفل الانابيب لاني يوجد عندي عدد حيونات منوية لاكن قليل
المشكله اني اكره العلاج اذا صارت مشكله ويستمر معي الاحباط وكل شوي اقول تكبر وتعقل وتغير اسلوبها
المهم كثير من المرات يراودني فكرة الطلاق
لاكن يوجد اسباب تمنعني
اول شي لها في قلبي الكثير من الحب والرحمة وكذالك اهلها احبهم ويحبوني واحترمهم
وثاني شي اخاف اضلمها صبرت على وحرمت نفسها من العيال وتقول اذا ماهم منك ما ابيهم
المهم الادمية اللي ضاهر لي اناه شاريتني بس اخلاقها وسلوكها
متعبني جدا جدا جدا
شكل كلامي ماهو مرتب وحايس الدنيا حوس بس اعذروني والله محتار

قبل لا انهي المشكله قلت لها مره وش رايك نروح دكتور نفسي ليتني ما قلتها
ما خلتني انام الى 10 الصبح ولا عدتها

وبالنسبة للمشايخ رحنا لشيخ وقرى علينا واستمر بالقراءة وفي الاخير قال انت مافيك شي بس هي تثاوبة وهذا دليل على انها مصابه بالعين واعطانا ماء مقري عليه وزيت وعسل
واستخدمناه ولا تغير شي

لا تبخلون علي الله يجزاكم كل خير

ياريت توضح أكثر يعني تذكر معلومات أكثر عن زوجتك عن مستواها التعليمي والديني
يمكن لو وضحت أكثر نقدر نفيدك

انا فهمت عليك يعني قصدك لمن تزعل انت وهي تصر على حل المشكله بطريقتها وبنفس الوقت وما تأجل الحديث؟
عرفت اسلوب زوجتك الله يعينك هذا شي يزيد المشكله ويعقدها اكثر000
عموما بالنسبه لموضوع الاطفال لا تخاف الطب تقدم وانت مو عقيم
في امل تحمل زوجتك ولا تنسى الجانب الحلو اللي فيها واللي هو انها شاريتك ومافكرت بالعيال

مستوها التعليمي ثانوي
دينها وسط ماهي ملتزمه مره

بالضبط وش الحل ؟؟؟

الله كريم

سسسسبحان الله
كأني اعررررف زوجتك اكثر من نفسسسي

اخوي دااام انها شااريتك ولا راضيه باحد غيرك اصبر على سسلوكها
وتأكد ان هالشي من نفسييتها تبي اطفال
وتحس الوقت طويل وتتحسس من المجالس والناس ونظرتهم لها

الله يرزقكم يااااااارب

ومن ناحية حلها للمشكله بنفس الوقت كلمها بوقت تكوون فيه رايقه واعصابها هاديه قلها وفهمها انو اذا صاارت مششكله تسكت لين تهدى ووترااعي مششاعرك
واكيد بتتفهم الوضع

صدقني والله من حبهاا لك ماتخليك تناااام الا وانت راضي عنهاا

ولاتنسى انها مطبقه لحديث الرسول ولااتبغاك تنام الا وانت راض عنها

ومن ناحية الجنس طبيعي بتتعب نفسيتها زيااده وتعصب
لان حنا يابنات ادم نحس اذا الزوج ابتعد عنا
نحسسه كرهنااا خلااااص وتضيق الدنيا بكبرها ونختلف بردوود الفعل

لازم تحسسها انك تحبهاااااااا
لااااااازم بالكلام والفعل
هي محتاااجتلك اكثر من اي انسااااان ثاااني

حنا بالعربي الكلام مايكفينا نبي معااه فعل
والفعل كماان ماايكفينا نبي معاه كلاااام


راح تنحل كل مششاكلكم بمجررد الحمل


فمالكم الا الدعاء والاستغفاار
الالحاااح في الدعاء


والله يرزقكم الذريه الصالحه
ويارب تحمل زوجتك عاجلا غير اجل

ياااارب العالمين

مالذي يمنعك من حل المشكلة في نفس الوقت
أسلوب الصمت لم تجد منه فائدة , غير الأسلوب , اذا كنت غلطان الأفضل ان تحلو المشكلة فورا
و إذا كانت هي الغلطانة , يجب ان تكون أقوى في تحديد نقاط غلطها ثم انهاء الموضوع بشكل حازم ,,
أما أنك تستخدم هذا الأسلوب لاستفزازها . لا ينفع , يعني كأن المسألة عناد حيث تواصل من 2 الى 11 .
افتح طاولة النقاش و كن بحجة قوية ,, في حال خطأها عليك
يعني غير أسلوب العقاب+
اجعلها تقرأ في المنتديات التي تهم العلاقة الزوجية و كتب التي تظهر الفرق في طبائع الرجل و المرأة ككتاب الرجال من المريخ و النساء من الزهرة..

__________________

والله صبرت وصبرت وصبرت وانا بطبعي صبور
يعني مافيه حل الا الصبر!!!!

والله يجزاك خير على الدعوه الطيبه

السلام عليكم
يا اخي الكريم
احمد الله على صفات طيبة توفرت في زوجتك "بامكانك استثمار ذلك فتجعل منها زوجة مثالية في كل شيء
استعن بالصلاة والدعاء والصدقات وابتعد عن كل اسلوب عقاب يدمر نفسيتها فما وضع العقاب الا للاصلاح وليس العكس
واكثر من الاستغفار ليل نهار عسى ان يرزقكم الله تبارك وتعالى ذرية تهدئ نفسيتكما المتأثرة
دعوت لكما بالخير
تحياتي

__________________
ما تخطه هنا ستجده هناك "فاحذر ان تكون هناك من النادمين

يا خوي والله ماهو كل وقت يكون الانسان رايق لحل المشكله في وقتها
الكلام سهل
ياخوي احيانا ارجع من برى متكدر ومتعكر مزاجي لاي سبب كان
على طوول ليش وش فيك زعلان مني ؟؟ من وين جاي من اهلك ؟؟؟
وتنشب في حلقي والله ماني زعلان منك ولاني جاي من اهلي
طب ليش متضايق والله مافيه شي
ليه ماتبي تتكلم معي
ليه ليه ليه لزم ترد انا تعبان ومتضايق وهي في وادي وانا في وادي
وهي تبي تتاكد ان مالها علاقه بزعلي كانها مسويه شي
اانا تعبت ما اقدر احل المشكله في الوقت اللي تبيه هي
لازم القى حل