بسم الله الرحمن الرحيم
اولاً اتمنى من الله ثم منكم ان تجيبوني بكل صدق واخلاص في موضوعي وتعطوني ارائكم ولكم جزيل الشكر.
أسأل الله العلي القدير ان يحقق لنا ولكم كل ما نتمنى في هذي الدنيا الفانية وان يرزقنا وياكم الجنة انه على كل شئ قدير
موضوعي اني احب فتاة جميلة انيقة متعلمة وفاهمه وحبوبه . نحب بعض لنا مايقارب السنتين وسوف نتزوج قريباً بإذن الله وجلست قرابة الاسبوعين ماتكلمني ومطنشه لا اجوال ولا غيره بدون اي سبب اعرفه. وقبل غيابها كنا نكلم بعض على الجوال في الليل عادي ولافي اي شئ , وتقابلنا بعدها على المسنجر وطلبت منها تصارحني بسبب غيابها وايش الموضوع بالتفصيل .
قالت لي احنا كذا مرتاحين وانت اكيد ارتحت مني !! استغربت ليش كذا قالت ياحمود انا احبك واموت فيك وما ابي اخسرك قلت ونا كذلك وش فيه ؟؟
قالت لي انت دايم تقول لي يالفاغرة او انتي ناقصة عقل او ضلع اعوج او الله يشافيك او يأم ركب سود دايم تسبني كذا ومدري ايش
ضحكت انا !!!
قالت والله اتكلم جد انا واحسها تبكي !!!
قلت لها يابنت الناس انا امزح معاك ودايم اقول كذا لاي بنت حتى اختي حتى بنات اختي واخوي امزح معاهم كذا
اقول البنات ناقصات عقل او ضلع اعوج وهذي احاديث عن الرسول صلى الله عليه وسلم
قالت ما احب اسمع الكلام هذا وابيك تغير اسلوبك معاي هذا ماعد تناديني يالفاغرة او اي كلمة ثانية وزي كذا.
وانا افرق عن اخواتك وبنات اخوك واختك
فأنا وهي تعرفني دايم احب امزح وافرفش واطقطق وزي كذا وقلت لها اذا انتي زعلتي اللحين فكيف بيكون حالنا اذا سرنا في بيت واحد وافكر في الموضوع هذا دايم !!!
اليوم الثاني على المسنجر جلسنا نسولف وقالت لي ياجزمة !!! وبعدها قالت امزح ؟؟
شوي الا قالت ياحرمة شوي قالت امزح زي مزحك
استغربت منها وطنشتها وماعد ارد لا جوال ولا مسنجر
هل فيه خطيبة تقول لخطيبها يا جزمة ؟؟؟ هل فيه خطيبة تقول لخطيبها ياحرمة ؟؟؟
اذا كانت كذا قبل الزواج فماهو الحال بعد بعد الزواج ؟
فما رئيكم فيها تبي اغير اسلوب مزحي وفرفشتي وطبعي ؟؟؟
وماذا تتوقعون يدور في راسها ؟؟؟
وهل كلمة يالفاغرة او ناقصة عقل او انتي ضلع اعوج او يأم ركب سود او غيرها تزعل البنات وتعتبر سب ؟؟؟
وهل يا يالفاغرة او ياضلع اعوج مثل ياجزمة او ياحرمة ؟؟
انا أحبها والله واموت فيها واحب امزح معاها واتونس معاها واضحكها
وكنت اقول لها يأم ركب سود وترد تقول لي يابو سروال وفانيله وكلها مزح وضحك بس الان مدري وش فيها
وللمعلومية تراها تموت فيني واتوقع لو سار لي راح تموووت نفسها لاني واثق من حبها لي وهي واثقة من حبي لها فما ادري ايش اللي يدور براسها واغلب احيان احسها غريبة
فأرجوكم ان تفيدوني في موضوعي لاني والله خايف عليها وما ابي اخسرها وتخسرني ونبي نعيش مثل العالم ان شاء الله .
بس مدري هل قالت لاحد عن مزحنا وجونا وضحكنا وضحكوا عليها قالوا شوي كذا وكذا والا ايش السالفة بالضبط
ولكم جزيل الشكر احبابي

المشاركة الأصلية كتبت بواسطة فارس مها يا اخى الاحترام قبل الحب انت بدأت تقول لها مثل هذا الكلام فماذا تتوقع منها عالعموم اخى مشكلتك سهلة جدا جدا وما فيها اى شىء انت ما عليك هى تقولك كدة انت ازعل وخد موقف ولا عاد تكلمها لحد هى تجيك وتصالحك اصبر واثقل عليها دام انك متاكد من حبها هى بتجرى وراك لا تخاف انت بس لا تكون خفيف المهم لا عليك بعدين اجلس عندها بالبيت واذا سالتك قول لها انا عندى الاحترام قبل اى شىء وكلامى لك ما هو الا من احاديث الرسول علية الصلاة والسلام (( وبعدين يا اخى اتق الله .....تقول لزوجتك يا فاجرة ......لا لا لاتقول الكلمة دى تانى )) المهم لا عليك انت بس صلح الامور وان شاء الله حزم شوية بتظبط امورك ............................... صحيح كم اعماركم

المشاركة الأصلية كتبت بواسطة الحب مره اتمنى انك تتعلم القراءة قبل الرد على الناس من وين جبت كلمة فاجرة ؟؟؟ اتق الله في نفسك اذا كنت متعمد والله يسامحك اذا كنت مو قاصد واشكر جميع من رد علي بأخلاص وامانة وكأن الموقف له