انا متزوجه مع وقف التنفيذ !
زوجي يدرس برع ...وبسبب ارتباطي بامور في بلادي اضطر يسافر ويخليني ...كل ست شهور يطل علي شهر !!
المهم
طبعا الوضوع له تأثير كبير وبتكلم من ناحية المرأة
يكفي اني ما اعرف يومياته ولا يعرف يومياتي
يكفي اني احيانا احتاج له واكتم اللي فيني علشان ما اضايقه وهو بعيد
أتأثر بشكل كبير اذا شفت اي زوجين مع بعض ( الله يسعدهم ولا يحرمهم من بعض)
بعد من الاشياء السلبيه اني تعودت على غيابه ...
وصرت ما اتقبل منه اي امر ...مثل لا تروحين هني ولا تروحين هناك...ما تعودت على التقييد ....
صرت اعتمد على نفسي 100% يعني رجال ومره بنفس الوقت ولله الحمد !!
وجد خايفه من بداية السنه الجايه لانه راح اروح معاه عالغربه..... بس الله ييسر الامر
اما الفتره الزمنيه للبعد ...فاذا قلنا مثلا الزوج مع زوجته طول السنه ممكن نقول انه يسافر لمدة شهر واحد مو اكثر .....
اكيد للبعد تأثير ...بالنسبه لي كان البعد يجدد الشوق للزوج بس المشكله انت تكونين تعودتي تعملي كل شي لحالك وما ترضين يجي هو يقولك لا تروحين ولا تسوين لانك كنت تسوين كل شي
السلام عليكم
شكراً على طرح هذا السؤال والذي خلاصتة البعد بين الزوجين
زوجتي كانت تدرس في منطقة عند أهلها وأنا في منطقة تصدقون أخذت مدة شهر
كامل السبب إختبارات ورى أختبارات وبحوث. صراحة انهبلت وبعد هالشهر
الله الله شئ لا ينسى لحظات
والسلام ختاااااااام