امي سافرت وابي يجلس وحيدا في منزله وهو الان مقيما مع اختي وانا لا استطيع ان اقول له تعالى واقيم عندي مؤقتا لحين عوده امي لسبب ان زوجتي ترفض ذلك تماما بحجه ان ابي رجل ولن تستطيع اخد راحتها بالكامل في منزلها وابي اختار ان يقيم عند اختي في منزلها وهذا امر مضايقني انو يجلس عند اختي وانا مو قادر استضيفه عندي بسبب زوجتي .. وحاولت اتفاهم مع زوجتي لكنها ترفض الموضوع تماما وممكن تعاند وهي عنيده كثير ممكن توصل الموضوع لطلاق ما يهمها ..اما الشي الثاني ان ابي راح يسافر عند عوده امي لظروف معينه وامي ستجلس لوحدها بالمنزل وطبعا هذا شي لا يرضيني فانا قلت لزوجتي عن ذلك لكنها رفضت وقالت لي اذهب انت واجلس معها في منزلها قلت لها بس هذي امي ما اقدر اخليها تقيم عند اختي وزوجها موجود تستحي.. ترد تقول انا متعوده على هالشي وما راح اقدر اتأقلم انا وامك قاتلها بابنت الحلال هذا وضع مؤقت لحين عوده ابي من سفره ما يقارب الشهر ونصف تقريبا لكنها ترفض تماما وطبعا هذا شي مضايقني اخاف من زعل امي ما عندي غيرها وانا ولدهم الكبير يعني اشلون قلت لزوجتي لو احد من ابويني توفى اشرايك اخلي الثاني بدار مسنين قالت انا مو متعوده احد يقيم معي غير زوجي واهلي بس والصراحه تعبت يعني اش اسوي لو احد منهم توفى وين اخليه بعد ما عطوني من عمرهم ومن دمهم وحياتهم وانا الصراحه اعرف ان زوجتي لها لون بالحياه واهلي لهم لون مختلف تماما زوجتي تحب الترتيب والنظافه لدرجه اني اشعر في منزلي اني في فندق من النظافه واهلي ممكن فوضوين شوي وما يهتمون بالشكليات زوجتي ما تبغى تحط حق احد عشاء او غداء او تنظف مكان احد والله العظيم عند زياره اهلي مع زوجتي في بيتهم اني اخدم زوجتي وانا من اضع لها كوب الشاي والعصير امامها وانا من اشيله واحطه بالمطبخ حتى بعد ما نتعشى مثلا عند اهلي زوجتي لا تحرك ساكنه وانا اشيل كل شي من امها من اطباق واواني واضعها بالمطبخ لانها لاتحب دخول مطبخ امي وتقول انه مقزز ومو منظف وامي مره كبيره بالسن داشه عال 70 وانا اكون محرج بالبيت قدام ابوي واشعر بنظرته لي ان زوجتي تجي بيتنا كانها ضيفه تبي اللي يخدمها ولو جيت قلت لزوجتي ليش ما تسوي وتشيلي انتي وتغسلي بمطبخ امي عند زيارتك تقول لي انت مو متزوجني خدامه انا ما احب ادش مطبخ احد ولا احد يدش مطبخي ولكنها اهلي فقط من تطبق معهم هذا القانون ولا حول ولا قوه الا بالله الصراحه صرت ماضايق اخاف يتوفى احد من ابوي وامي وانا مقصر معاهم واتحاسب عليهم ويجي ابني او بنتي يسوي نفس اللي كنت اسويه مع اهلي اشوروني ايها العقلاء

اللي فهمته من كلامك انها هي الزوج ولها القوامة...اللي مافيه خير لوالديه مافيه خير لأحد..
هذا ابوك وهذه امك اصحى يارجل ..الزوجة لها حقوق وعليها حقوق ..لاتفرط في حقوق والديك حتى لاتندم في وقت لاينفع فيه الندم..اصحى اصحى الله لايردها من زوجة اذا بتمنعني من أداء حقوق ابي وامي حتى لو وصل الأمر الى الطلاق

يكفيك هذا الرد لأنه يعالج المشكلة الحقيقة..


تريد ان تعيش خادم زوجتك في بيتكم وبيت اهلك وتكون مالك كلمة.... على راحتك!

بس الشغلة توصل لامك وابوك مالك حق وانت المسؤول عن برهم مو مرتك!!

اشكركم جميعا على ردكم هناك من قال ضعها بالامر الواقع واتي بامك يا اخي والله انا عايش بعذاب عشان اهلي انا لو سويت كده وجبت امي وحطيت زوجتي بالامر الواقع راح تحرجني قدام امي وما تسوي شي بالبيت وتجلس بغرفتها وتخليني انا اسوي فطور وغدا وعشا لامي وماراح تغسل ويمكن تروح بيت اهلها تشتكي وتقولهم جاب امه وانا ما اعرف اقعد مع امه بالبيت وصدقوني اسهل شي عند زوجتي تطلب الطلاق وانا خايف على طفلتي من الضياع بيننا وتعيش يتيمه بدوني وتتربى وسط امها واهل امها وسيزرعون الكره في قلب ابنتي من ناحيتي هذا كل ما افكر فيه واغلب خلافاتي مع زوجتي بسبب اهلي مع العلم اني لا ابادلها اطلاقا نفس الشي وعند مجئ احد من اهلها ارحب به جدا ولو احد طلب المكوث عندي كم يوم او حتى سنه والله ما اتكلم وارحب بالجميع لكن زوجتي العكس اقولها عامليني نفس ما اعاملك تقولي لا انت لا تعاملني وعلى كيفك اقولها الدنيا دواره وبكره يجيكي يوم ابوك او امك بروحه تقولي لا الله يخلي اخوي قاعد معاهم يراعهم ورح بتزوج ويقعد معاهم بالبيت وانا اتحر من عالكلام اللامبالاه

ي رجل خاف ربك الطلاق بيدك مو بيدها!
واش المانع من خدمتك لامك!؟ واذا ماتقدر جيب خادمة تخدمها!

سؤال؟ هل تعجبت في انه ليش ابوك وامك ماتسائلوا كيف نخدم طفلنا اللي هو انت؟ او تعجبت انه ربما واجهوا اتعاااااااب في طفلوتلك؟ غريب جداً ترددك! هو الاساس انك تخدمهم! مو انه ترا تعجبهم!

..

هالموضع انشالله عنده حل... مادام هي بالاساس ماتخدم اهلك وهم ضيوف يوم.. طبعا ما راح تخدمهم وهم نازلين عندها شهر.. فنقاشك معها مضيعة للوقت..

اما تجيب امك لابيت وتخدمها بنفسك.. او روح اقعد معها ببيتها، هذي حلول عملية للوضع الحالي.. مع اني لا أؤيد هذا الأمر...

لكن انصحك تشوف حل لمشكلتك مع مرتك وكيف تسترجع القيادة والسيطرة بالبيت...

لي فهمتو انك ساكت لمرتك فقط لأنك تخاف تتطلق وتاخذ بنتك..

هي تضغط عليك من هالنقطة.. والواحد بهالحياة بتجيه مواقف لازمها تضحية اردنا ذلك أم أبينا..
اقصد بهالكلام: لو بكره أبوك بيوفى اجله وامك بتضل لحالها.. ماذا ستفعل؟؟ خد الجواب واعتمادا عليه اصلح حياتك مع مرتك الآن..

زوجتك حسب كلامك ما تعمل حساب لاحد.. ولا يهمها زوجها ورضاه... يعني هي تقدر من الغد تطلب الطلاق وتروح وتاخذ البنت معها.. لو حصل الطلاق بسبب امك وابوك الان.. على الأقل تكون الشغلة مستاهلة..

عزيزي اعرف مشكلتك
انت ضعيف الشخصية جدا و متردد
ضعيف الشخصية بالعادة يكون متخوف و يضع تبريرات مثل خايف على بنتي و من بقية الكلام
عالج و حسن وضعك لانه الخلل الاساسي
اولى خطوات العلاج الاعتراف بالمشكلة
اما زوجتك فلا خير فيها و حتى لو قللت من ضعفك و هوانك فستتصادم معها و لن ترتاح و ستكرهها
امامك حلين اما تبقى على وضعك الحالي او تطلقها
الإصلاح انساه لانه صعب جدا وفشله هو الاغلب

قولها وانا زي اخوك ولد ومجبر اهتم بوالديني مو يروحو لأختي
روح جيب امك وأتركها تروح لبيت اَهلها متى مافاقت ترجع
واذا ماتقدر تخدمهم لوحدك استعين بخادمه

__________________

للأسف أختك وزوجها الغريب أطيب منك
بالله ماأستحيت إن الرجال الغريب مضيف أهلك في بيته وإنت ياولدهم حتى بالكذب ماقلت تعالوا عندي!!!
زوجتك ماودي أقول الكلمة بس راكبة على راسك
ماتبي تشتغل لأهلك مو مجبورة جيب شغاله تخدمهم
أما ترفض يجون بيتك وهم بهالسن هذي وحدة مافي بقلبها ذرة رحمة
بكرة إذا إنت طحت عندها مريض ماراح ترحمك ولا راح تعلم أولادها الرحمة لا لك ولا لغيرك

الله لايقسي قلوبنا

ما فيها خير
اجل محد يسكن عندها الا زوجها واهلها اما اهلك لا!
يعني معتبره لاهلها حق في بيتك اما اهلك لا!!

انت الرجل
وانت راعي البيت
وانت الامر الناهي فيه

جيب ابوك عندك واذا سافر جيب امك
ولو فتحت فمها بكلمه قلها الباب يفوت جمل
ابوي وامي الداخلين وانتي الطالعه
اشكال زوجتك ما ينفع معاهم الا كذا

وبعدين كيف تسمح لها تقول عن مطبخ امك مقزز؟!
والله انها هي المقززه اذا امك مطبخها مقزز فزوجتك اخلاقها مقززه

امك نظيفه وانظف منها
بس هي موسوسه وامك طبيعية هذا الفرق

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )