|
السلام عليكم
بقول مشكلتي وارجووووكم جميعا نساء ورجال حسو فيني لاتهونو مشكلتي ولا تكبروها انظرو اليها من زاويتي وزاوية زوجي وضعو انفسكم مكاننا وانيروني بحل احنا مغتربين يعني في مدينه غير اللي يسكن فيها اهلي واهل زوجي لدينا طفلين وحياتنا في الغربه جميله ورائعه امه وابوه يحبوني وراضيين عني وامي وابوي يحبون زوجي وراضيين عنه مشكلتي اذا رحنا لمدينه اهلنا زوجي لايهتم بي مطلقاااا لايعترف بوجودي انا اعلم انه حاب يشوف اهله واخوانه واصحابه لكنه يهملنا بامور ضروريه مثل لو احتجت مستشفى لاولادي احس اني مو متزوجه لو رحنا يتركني عند اهلي او يلزمني بالبقاء مع اهله وبكل الحالتين انا اعاني كل مره نروح يكون مشغول الذهاب مع اهله للتمشيه وانا اكون عند اهلي ولايفكر ياخذني معاهم ادري بتقولو ليه ماتكوني مبسوطه عند اهلك لانه يحسسني ان اهلي اقل من اهله ترابط وهذا اللي صاير فعلا يعني لما يجي ياخذني من عند اهلي يسالني وش سويتو خرجتو رحتو لمكان وانا اقول لا واوقات اكذب بس مليت اكذب ليه واحس بشعور غريب لما يسالني وصار يستعمل هذا الشي ضدي ويبتزني مثل يقول بتركك عند اهلك اسبوع وانا لاحاجه لي ابقى عند اهلي ابغي اروح لبيتي ويصير يسال ليه ماتبغي تجلسي عند اهلك وكل اهله يتعجبون صرت اضطر ابرر لهم ليش ارجع مع زوجي كرهت حياتي واخر شي تناقشنا واحنا مسافرين بيتنا قال انا ماتوقعت تجين معي كنت افكر تبغين تقعدين عند اهلك كل ماساته عن شي رد علي بنفس الجواب الين انهرت وصرت اصارخ ابيه يرجعني لاهلي وصار يعتذر ويتاسف وجلست ليله كامله ابكي ابكي على زوج مضطره ابرر له ليش ارجع بيتي وابكي على اهله الللي لازم ابرر لهم ليش راجعه مع زوجي وابكي على اهلي اللي مافكرو فيني ولايبوني اجلس عندهم اهلي ماالومهم لان اختي معها طفلين مطلقه عنهم واخوي الكبيرعنده اربع اطفال ساكن عندهم واخوي زواجه قريب برضه بيسكن عندهم كلهم ببيت واحد وصغير بعد غير الضيوف فانا لو رحت اجلس بغرفة الضيوف احس احسن شي اخفف عنهم واخرج ارروح بيتي انا الوم اهل زوجي لانهم يلوموني ان اهلي مايعاملوني مثل ماهم يعاملون بينتهم ويطلعون معاها مشاوير ويكرموها ويتمسكون فيها ولو جات حطولها جناح كامل وحدها هي واولادها اهل زوجي عندهم خير ويحبون يكرمون بناتهم ويدللونهم بس انا اللي انا اعاني ولايراعو مشاعري ولا يسكتو عني ويخلوني بهمي اعترف اني كرهت زوجي وكرهت اسلوبه وكرهت حياتنا يحاول يصلح بس بالقلب شي مكسور عيا يتصلح |
الوالد روؤف
هو يطلب مني اروح لاهلي اذا كان يبغي يقضي وقت مع اهله كعائله فقط بدون احد من خارج العائله بس اوقات اجلس في بيت اهله بس مااستفيد شي لان اخوانه بيكون مع امه وابوه وانا اجلس بغرفتي طول النهار |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|