صباآحكم ... مسائكم

جمال ..

و , أناقه ..

و

ميك آب












زاوية خاصة للجميلات و المبدعات في أمور المكياج و للمبتدئات > أمثالي

لنتبادل فيها الخبرات و المعلومات بأشهر المنتجات التي تهتم بالشعر

والميك آب و الجمال و كل ما يخص عالمنا كـ حواءآت ..




إشتريتي اي منتج وعجبك سواء لبشرتك , جسمك , شعرك

ك إناث , مغرمات جدا بِ كل ما يزيدنا رونق و جاذبيه




لنجعل هذا المتصفح , ك مرجِع لأي وحده حآبه تتعلم و تتعرف على أسرار الجمال و العناية

اي شي حبيتيه و تعودتي عليه , حلو .. افيدينا فيه
سواءا لجديد أو قديم تعالي سوي له عرض هينا


هالموضوع في بالي من اسبوع بس متكاسلة ابدأه عشان محسوبتكم فاشلة

بالمقدمآت .. بس آخر شي حسمت هالتردد وقلت يا بنت ما بدهاشي أهم شي المضموون


طبعا هو شبيه بموضوع سيده

بس إعتبروه جزء تاني له .. والفكرة مستوحاه منه اساسا





وردة حمراء جميلة , لكل من مرّت من هُنا


مشاركاتكم المميزه تملا هذا المتصفح جمالا

__________________

‏
الوعي هو الملاذ ..

أستغفر الله العظيم ؛
( الفردوس غايتي )

بسم الله الرحمن الرحيم


بما إني تلحلحت و نزلت الموضوع لازم أبدأكم بِه


برجوا

BOURJOIS


هالماركة , طحت في غرامها مؤخرا

حلوة و أسعارها حلوة كمان

قبل فترة اشتريت منها ماسكارا , اتعب وانا اقول تجنن

امررها على رموشي مرتين بس وتفي بالغرض

تعطيك سواد و كثافة و تطول رموشك بشكل جميل جدا ومبهر

طبعا هي انواع , ولكل نوع حاجة .. آخر مرة

لما رحت اشتريها لقيت نوع جديد منزلينه يعمل بالبطاريه

تحطينها بس على رموشك و تدور من لحالها .. للعجّازات

ما حبيتها خفت على عيوني خاصه اني توني مليزرتها > تعبير مجازي


و سعرها مو خسارة فيها

, بـ 58 .. أرحم من غيرلان خسارة ع الفاضي


بسني هذرة ... هاذي صورتها

__________________

‏
الوعي هو الملاذ ..

أستغفر الله العظيم ؛
( الفردوس غايتي )

فراشي المكياج


من فترة و انا اعاني أدور لي فرشة حواجب تكون سهلة وحلوة

خاصة اني توي أتعلم ارسم حواجبي بِ فرشة , أبغى اغير من القلم

مليت .. و حسيت الفرشة تضبطه احسن و بشكل مختلف

بحثت في النت و دورت لغاية ما طبيت في هالنوع من ماك






فرشاه مخصصه للرسم الحواجب بطريقة مرتبة و جميلة , من الفرش اللي اذا استعملتيها

بتكرهين غيرها .. شعراتها قاسية شوي , وهالشي يساعدك برسم الحاجب على كيفك و

رغبتك , تبين تعرضينها تنحفينها تمطينها , كل هالإختراعات تقدرين تسوينها مع هالفرشة المشطوفة

والزاوية اللي براسها تساعدك ترسمين بالايطار اللي تبينه والتحكم بيكون اسهل

جبت لكم صورتها من النت .. معليه اعذروني عشان ما اعرف انزل صور من جوالي للآب

وانا داخله من اللاب.. رقم الفرشة 263

دورت في النت صورة لها عن قرب ما حصلت ..


هالفرشة تجنن يا بنات .. احلى ما فيها انك تقدرين تستخدمينها لرسمة العين كمان

يعني إثنين بِ واحد .. ما درو عننا ماك ولا كان قطعوها من السوق

لان هم مخصصين فرش كثيرة للعيون و يبون نمشي على مزآجهم .. لا لا كله ولا الخساير

__________________

‏
الوعي هو الملاذ ..

أستغفر الله العظيم ؛
( الفردوس غايتي )

كلنا نعرف ان الصبغه تعدم أم الشعر وهذا اللي صار معايه آخر مرة

وانا إنسانة اكثر شي اهتم فيه شعري .. لاني احب الشعر مرة واعتني فيه من طقطق

متعودة دايما ع الخلطات و السدر .. اي شي فيه ضرر لو واحد بالمية ما استخدمه

لكن آخر مرة تمنيت اغير من شكلي وصبغت , و ندمت بصراحه

صح انه طلع حلو , بس حسافه الأكسجين لعب في شعري لعب

احس صار جاف مرة و اطرافه متقصفه .. انقهرت

والمشكلة صبغه يعني لازم استشوار حتى يبين حلاها و استشوار يعني خراب ثاني

يعني ما اكثر البنات صابغين معقول كلهم زيي.. و بعضهم شهريا تصبغ

وعادي ما يأنبهم ضميرهم على الإنعدام الحاصل .. ولا بس انا اللي احبه




المهم .. اني استعملت مجموعه غارنيه للشعر المصبوغ

انا استخدمها من قبل اصبغ شعري ولما صبغت غيرت النوع العادي للمصبوغ

شامبو وبلسم و حمام زيت . خاصة الحمام .. ترطيب جنان

وشعري اتحسسن الحمدلله ..

و حمام الزيت تعودت عليه وصرت استعمله بشكل يومي , حلو يغذي الشعر ويسهل تسريحه


صورتها ..




طبعا في خلطات سويتها كمان .. راح اذكرها بعدين

مبدئيا .. قلت اسوي ثلاث ردود .. اشوف كيف اذا احد تحمس معاي

ولا اروح اكبر المخدة .. عاد انا اتأثر بكلامكم مرة والله

اذا تفاعلتو معي اتحمس واعبي الصفحات تعرفوني راعية سواليف ..


و شوفوني متكلفة في هالموضوع صور والوان وزخارف ماهي عاده لي هههههههه

بس شسوي .. مزآجي قافل , قلت انشغل بموضوع جديد اندمج فيه

اذا استفدتو مني .. ادعو لي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هالبرجوا شراه زوجي الي
هو مطول للرموش بس مو بداك المقجار لي كنت عاوزاه
رح اعطيك يافردوستي طريقة تخلي اشفارك تلحق لجبينك
بس بشرط تخبريني بالنتيجة معك ..
غمسي فرشاة المسكارا وتكون مبللة طبعا في غبرة الكحل الاصلي ..
و اصبغي رموشك اربع مرات وشوفي النتيجة .

__________________

اهلين ام جابر

مررة عجبتني الحركة و احس انها تغزر الرموش

بجربها و اقولك ان شالله

انا ياشيخه رموشي خفيفة مرررة و جربت حقت برجوا و ناسبتني

بس تحسيها تقيلة مرة حقت افراح و مناسبات يعني

نفسي في مسكرا خفيفة يومية بحيث تطلع عيني اوسع شوية و تبان كأقرب للطبيعي

مو كل مرة بستخدم برجوا اللي تفرش العين و تكحلها صح

استخدمت تبع مكياجي السودا و ما عجبتني تسيح مع الوضوء تصير خطين سوداااا ههههههه



اللي تعرف نوع حلو مجربته ينفع للاستخدام اليومي تفيدني الله يسعدكم

__________________

‏
الوعي هو الملاذ ..

أستغفر الله العظيم ؛
( الفردوس غايتي )

لا لا تكبري المخدة
ههه

لانك حاطة صورة لمكياج بلوني
ولما شفته سحرني
وقلته وين نلقاك تعبت من فراقك >>المكياج


فروكتس للشعر روعه صراحة
اكتشفتها من قبل عرسي بعام
ومن يومها وهو صديقي الصدوق

المسكار استخدم
XXL
للنجوم

وماركه الارواج REVLON

ب5 دولار رخيصه وروعه
مرات نستعملها في اليل
وتبقى للصبح من غير ما تتغير

ومطول رموش
nutraluxe lash

او مطول طبيعي وله نفس التأثير
فيتامين Eواسمه بالعربي فيتامين هاء

اهم شي في كلا الاستعمالين انك تبتعدي عن العين من الداخل
وتستعمليهن بحذر

لانهم يحرقو ويخلو العين حمراء

لكن من برا مافي ضرر ان شاء الله

كريم شارلي لتفتيح البشرة
روعه
ولقيت له شركة منتجه في امريكا
وبأنواع مختلفه لكن انا صديقي الاخضر الفاتح

وجزاك الله خير عالموضوع حبيبتي واستمري

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

ماشاء الله موضوع ممتاز ورائع مثل صاحبته



لي عودة ان شاء الله

__________________

__________________

موضوع حلو ,, انا عندي رهبه من تغيير شي تعودت عليه ,, عندي فكرة ان بشرتي تعودت على الشي الفلاني واذا غيرته احتمال اتضرر

كل شي عندي من ماك ,, وشعري لعبت فيه فتره بالاصباغ وانتهى والآن احاول ارجعه زي اول بس محسوبتكم كسلانه هاليومين
لوشن مرطب للجسم استعمل جونسون للأطفال

سؤال

ما هي افضل انواع حمام الزيت للشعر ؟

قبل كنت استعمل فاشكول بس طفشت منه ما شفت اي تحسن وبعدها قلت احسن شي اني اكون في الطبيعي سويت السدر والحنه وحتى الان مواصله فيهم بس نفسي في شي سريع ومفيد

في انتظااااركم حبيباتي

__________________




سبحان الله وبحمده ♥
سبحان الله العظيم ♡
♥♡♥♡♥