مساؤكم جميل
الحمدلله جاتني شغالة ووكويسه ارتحت لها المشكلة في زوجي فهمته مايسولف معاها ما ابغاه يتواجد معاها في نفس المكان وقت ما اكون غايبه او نايمه مره تزاعلنا عشان هالنقطة على قولته بتقيدني حركتني عشانها
المشكلة انا ارجع من دوامي بعده يكون هو والعيال والشغالة في البيت واجي الاقيه هو والشغالة يسوون غدا لمحت له مافي فايدة اليوم لم جيت حسيت ضغطي اتش بنفجر وماقلت ولا كلمه وحسيت كلهم لاحظوا وحاول يلطف الجو ويسولف عادي تعوذت ومشيتها له بس اليوم بالليل بقولها له صراحه لا عاد الاقيك انت والشغالة في المطبخ يا تطبخ هي يا تجهز وتطلع وادخل بعدها انا ما ابغى كل مره اكلم الشغالة لاني كلمتها قبل كذا وانا محتاجتها وهي ماتخالف كلامي بس هو وش اسوي المفروض من نفسه يعرف ان هذا الشيء غلط ويتلافاه
اعتبروها فضفضه على استشاره واعطوني رأيكم والرجال لا يقولوا استغني عنها لاني ما اقدر
يانرجسية إنتي الي تنبهين زوجك عالخادمة وإن كان ينظر لها نظرة عادية
بسبب تنبيهاتك ممكن تحلى بعينة !
من رأيي لاتكلمينة بأي شي وإستودعيه الله وياليت تشوفين حل بموضوع دخولة للمطبخ إن إنتي موحابة يدخل المطبخ مو بسبب الخدامة لان شغل المطبخ تخصص الزوجة مو تخصصة يعني استخدمي هالحجة وبس
__________________
الصّمت هو النُقطة الأخَيرة لكُل الأشياء الموُجعَة .!
من حقها الزوجة تغار، ﻷن الشغالة مهما كانت أنثى والشيطان يستشرف الأنثى والرجل قد يتعود عليها شيئاً فشيئا إلى أن يصير شئ طبيعي بالنسبة لهنا وبعدها يحصل أمر ما هو طيب، أما احسان الظن فأمر مطلوب ولكن حركات الشخص وأسلوبه تضعه في دائرة سوء الظن. لكن لا اقصد أنك تسيئ الظن بزوجك، لكن حاولي تقنعيه بهدوء وتجيبي له حل إذا كان هو لازم يدخل المطبخ مع الشغالة، كأن يترك الشغالة تخلص وبعدها يدخل أو العكس. والرسول صلى الله عليه وسلم ما خلا رجل بامرأة إلا كان الشيطان ثالثهما، أو كما قال صلى الله عليه وسلم -.
التعديل الأخير تم بواسطة مخترق الآفاق ; 16-11-2015 الساعة 12:15 AM
قولي لاتدخل المطبخ ولاتطبخ
وجهزي أمور الغداء كلها بالليل يصير تجين يادوب تطقطقين بالقدر وانت مخلصه
يعني مثلا تسوين صينية وتجهزينها يصير بس تنحط بالفرن خليها الين تجين او الشغاله تحطها
بتطبخين مثلا كبسه سوي اللحمه وكل شيء يصير باقي الرز تحطيه لاجيتي وقدك مقطعه السلطه
وهكذا
او تعلمين الشغاله الطبخ وتطبخ ، بس كثير رجال مايعجبهم وضع الشغاله تطبخ شوفي زوجك اذا عادي كمان حل لك ..