مرحبا اخواني اخواتي المشكله باختصار شديد انا من ولدة ولدي لي سبعه شهور وزوجي ينام بالمجلس وعذره الولد مايخليني انام يبكي صح لما كان عمره ثلاثه شهور كان مزعج شوي بس الحين ماشاء الله صار ينام الى الظهر وحتى لما اغير له او ارضعه يكون نايم زوجي نومه خفيف بالمره بس انا وش ذنبي ؟!!!واذا قلت له الولد صار ينام يقول انتي تولعين المبه وانا احب الظلام قلت اوكي نشغل الابجوره عند الولد ونقصر عليها قال انتي تقصرين على المكيف قلت خلاص نطول عليه والبس الولد واغطيه قال مافيه الين يطلع في غرفه لحاله !!!!!!!!! متى مستحيل اطلع ولدي قبل سنتين احسه تعود على الوحده ومايبي ينام معي انا ما ابي منه شي بس ينام على سريره لو انام انا على الارض بس يكون معي بنفس الغرفه احس بالدف يدور الاعذار وبس ياعالم والله ما افكر بشي غير قربه وبس هو اذا بغى ينام يناديني اجلس عنده لين ينام وارجع لولدي والله ما ابي منه شي ابيه بس ينام معنا ابي احسه بجنبي ابي احس بدفاه الى متى !!!!!!!!! تعبت وانا اتكلم واذا تكلمت في هالموضوع مره ثانيه يعصب يقول مفروغ منه !!!! فيه ايه في القران بس ما اتذكره اذا الرجل بيعاقب زوجته يهجرها في الفراش بس انا وش ذنبي علشان يعاقبني علشاني جبت له طفل!!!! عطوني طرق ترجعه لغرفته

__________________
مقبله على تلقيح صناعي دعوتكم بنجاحها فهي التجربه الثالثه بعد عمليتين انابيب فاشله

الله يهديه ويسخره لك يارب ..

طيب أختي ماأدري يمكن تغيرتِ عليه بعد الولادة ـ خاصة إذا كانت طبيعي ـ ..
أقترح عليك تروحين لطبيبة شاطرة تشاورينها بهالخصوص وتشوفين وش تقولك ،، لأن كثير حريم يتغيرون بعد الولاة بسبب إن الخياطة بعدها ماكانت مضبوطة فينفر منها زوجها ويلجأ لوسائل ثانية !!
أقول يمكن يكون هذا السبب فأنتِ تأكدي والله ييسر لك أمرك ..

لاما تغيرت وانا والده قيصري وزوجي يرغب فيني بس في المجلس وارجع انام مع ولدي المشكله مو هنا المشكله رفضه النوم في غرفتنا مايبغى ينام معنا يبي لحاله!!!!

__________________
مقبله على تلقيح صناعي دعوتكم بنجاحها فهي التجربه الثالثه بعد عمليتين انابيب فاشله

اقولك خليه بالمجلس ويوميا شيلي عفشك وروحي نامي عنده
او انقلي الولد لغرفه تانيه احسن وانتي طول اليل شيكي عليه بتتعبي
بس ولا زوجك يتعود ينام برا الغرفه
وبعدين شوي شوي الطفل بينام طول الليل وما بيصحى \
بالتوفيق اختي

__________________
كل عـــــــــــام وانتم بخير

الظاهر انه زوجك تعود على النوم المنفرد اثناء وجودك بفترة النفاس وانبسط ولكن اقطعي حجته بعذر المولود وانقلي طفلك بغرفه اخرى وركبي جهاز انتركم بينك وبين الطفل حتى تعرفي عنه اذا صحى اي وقت وبذلك لايكون هناك عذر لزوجك سوى الطفل او النور او التبريد وغيره وبخصوص ايه الهجر هذه تنطبق على من اراد زوجها ان يعاقبها ( واهجروهن بالمضاجع ) وهي لاتنطبق على وضعك مع زوجك واخيرا" مبروك المولود .

أسأل الله أن يحنن قلب زوجك عليك

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

خلاص نيمي ولدك بغرفه بروحه جمبك
وحطي جهاز مراقبه للطفل
وجذي يسكت وماعنده عذر
انا زوجي لما ولدت كان يلمحلي انه يبي بروحه ينام بس ما رضيت
وبعدين اكتشفت انه كان يبي بروحه عشان يكلم عشيقته بالموبايل
ولما ما رضيت صار يتخانق معاي بس عشان ما اكلمه وروح يقعد بالصاله يسهر معاها ويدخل الفراش
ترى الرياييل شياطين بس مو اكثر منا احنا الحريم
صكي عليه صكه

__________________

حبيبك بموت بعد 24 ساعه...ماذا تفعل له؟؟؟

السلام عليكم
اختي العزيزة المسأله واضحة وما فيه مشاكل خلي الولد في غرفة مجاورة وخلي زوجك يرجع غرفته وخليكي على نفس الوضع ما راح يتغير عليك شيء كنتي تتقلي من المجلس الى غرفتك خليها من غرفتك الى غرفة الطفل

__________________

حبيبتي انت قلت انك ما تنقلين ولدك لغرفة ثانية الا بعد سنتين

بتعرفي انه هذا مش صحي؟؟؟؟

لازم علميا ينفصل الولد عن اهله في عمر تقريبا 6 شهور

يعني تحطيه في عرفة ثانية قريبة على غرفتك

انصحك تبتدين تعالجين الموضوع اليوم قبل بكرا

لان يمكن زوجك يتعود على النومة في الصالة ولما يكبر الولد وتفصليه

يقولك انا تعودت انام لوحدي و ما يعود يرجع للغرفة

موفقة عزيزتي

__________________

صعبه مولود تخلينه بروحه
الحل عند زوجج لازم يقتنع انه يرجع الغرفه0
جربي تبكين اكسري خاطره شوي
‏)حيله يعني( لين يحس فعلا ان الغرفه صارت هاديه
أو خربي مكيف المجلس)هذا آخر الحلول( _ !!!!

__________________
اللهم احفظ لي زوجي وسخره لي واحفظ لي اولادي