السلام عليكم ورحمة الله وبركاته

اليوم كلمت ابو الخطيبه وقلت له ان نتائج التحليل طلعت ونبي نحدد موعد للملكه
قالي قبل تجيب اخوانك نبي نتفق على المهر قلت طيب تبي تسأل فلانه قال لا الموضوع عندي قلت طيب
قال المهر 50 والمؤخر 50!!
الحقيقه انصدمت هذا مهر بنت صغيره
قلت له هذا ياعم الله يهديك مهر بنت قال هذي هي مهورنا
قلت اجل مع السلامه وقفلت

الشي اللي ماقلته لكم وهو اني قبل يومين اكتشفت ان عمرها 45 مو 37مثل ماانقال لي
وقلت ياابن الحلال لاتكسر بخاطرها طالما ان بنت الحلال عاجبتك توكل على الله
ولكن بصراحه انصدمت من طلبات ابوها
اذا ام 45 50 مقدم و50 مؤخر اجل ام 18 كم 100الف


تم تعديل العنوان ليتناسب مع المضمون

ماأعتقد إنه قصده هذا مهرها يبدو إنه الأب مايبغاها تتزوج او مايبغاك انت تتزوجها واضح أنه يبغاك ترفض

هذي الأرمله ؟ ولا غيرها وبصراحه موضوع العمر مره مهم ليش أخفته عنك مادري متى الحريم يبطلو قلق في موضوع العمر

احتمال
بس ليش يوافق ويرحب وليش ماقال طلباته من اول وخصوصا اني سألته من قبل الشوفه

عرفت ليش اقول لك مليون مرة تريث؟

الله يكتب اللي فيه الخير..

__________________

اختلافي عنك لا يعني اختلافي معك

اي والله يااختي بس الحقيقه انا مستغرب

الله ييسر لك مافيه خير

مهور البنات عندنا 50 واقل بعد 😐😂

انا اشوف 50 عادي
لكن اخفاء العمر صعب

لا ابدا مو عادي هذا مهر بنت صغيره بكر
واذا بعلت موس ووافقت على المقدم لايمكن اوافق على المؤخر اللي هو اشوفه اكبر غلط ممكن يسويه اي واحد مقبل على الزواج الحياه ماهي غصب

هذا مربط الفرس وانا اختك ..
الحياة ماهى غصب ؟! اجل حياة النساء لعبة ؟!
بكل صدق واكلمك من واقع ، ابوها رجل حكيم و يعرف الرجال .
انت مطلق سابقا ومو وحده لا ..
ابنته ارمله و عمرها كبير نوعا ما ، ويبدو ان عندها قلق من المستقلل
يعنى لا تحتمل ان تكون تجربه او على قولتك الحياة ماهى غصب ؟!
و لا الانكسار النفسي سهل و لا الطلاق للمراه سهل ..
اقل القليل يكون هناك تعويض مادى او ضمان مادى .
اصعب شي على المراه ان تكون تجربه مجانية !! بكل صراحه ..
واللى يرفض يدفع هذا ماهو جاد او له نية يخفيها ..
و50 ماعادت كثيره بهذا الوقت لمن هم في مثل وضعك
ان كانت هى كبيره و ماتستاهل الموخر حسب نظرك انت ايضا لست بكر ولك تجارب
و ليس من العدل ان يخفض مهرها او يلغى موخرها وانت لست في بدايه حياتك ..

والله انك صادقه👍🏻
مايرفض يدفع المهر اذا كان يقول انه مقتنع
الا انه غير مقتنع انها تستحق
حتى يمكن حاط من ضمن ايجابياتها مهرها رخيص
اذا ماجاز لي الموضوع سهالات الطلاق