ياأخوة ويااخوات انا متزوج من فترة وعندي اولاد الحمدللة ومرتاح وزوجتي طيبة بس عندها بروبلم بسيط او بالمعنى الاصح ماعندها بعض الاشياء اللي اتمناها مثل الرومانسية يعني شبة معدومة ؟ الحل رايكم مع العلم اني فكرت بالزواج عدت مرات لكن بعض الامور لاتحرمونا من ارائكم

عودها عالجو وراح تحبه وتعملك

وومكن تكون انشغلت بالاولاد

براي مافي امراه ما تحب الرومنسيه

جرب مع زوجتك ابدا انت معاها واكيد هيا راح تمسك الشوار بعدك

__________________

أللهم إنك عفوا كريم تحب العفو فأعفو عنا

عزيزي الحل بسيط تكلم مع زوجتك و قلها ما تريد و تكلم معها في كل ما تشتهيه نفسك و تكلم بكل حريه
و أنا أعرف إنك ودك تجي منها بدون ما تطلب لكن ما فيها شي صدقني و راح تستفيد أنت مستقبلا
أولا تزيل أي حواجز بينكم ثانيا إنها راح تتكلم معك بحريه و تقول ما تحبه هي و ما تكرهه

و بعدين أخوي معليش على اللقافه يوم انك وجدت حل إنك تتزوج عليها ورا ما فكرت في حل إنك تتناقش معها أقول تحمد ربك أن رزقك ربي زوجه طيبه و أنا بإذن الله متأكد إنك طيب و أسأل الله إنه يملا قلبك وقلبها حب و رومنسيه و خير و يحفظكم

طيب يا اخي سؤال كتير بسيط، انت رومانسي معها؟؟؟
يعني انت بتعمل الشغلات اللي بتدل عالرومنسية اللي بتتمناها انها تعملها؟؟؟

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

أي شي تبغاه من زوجتك لا تطلبه منها ، سويه لها كثيرررر << بعدين راح يعجبها هذا الشي وراح تقول مثل ماعجبني هذا الشي وفرحني أكيد راح يعجب زوجي إذا سويته له وراح تسويه لك ، وأنت إذا سوت لك أي شي رومنسي شجعها وأمدحها وبأذن الله راح يصير لك كل اللي تبغاه ، وفي نظري هذا أفضل من أنك تطلب منها لأنك يمكن إذا طلبت منها هذا الشي راح تحس أنها مقصرة ويمكن إذا طلبت منها تسوي لك هذا الشي راح تسويه وهي مستحيه مثل لو قلت لها أبغى أسمع منك كلام حلو يمكن تقول لك كلام حلو وهي مستحيه غير لما تسويه لها كثير وتجي المبادره منها من غير ماتقول لها ومثل مايقولون لك فعل ردة فعل مساوية لها في القوة ومعاكسة لها في الإتجاه ، ولا تنسى تكثر من الإستغفار ، من ثمار الإستغفار :
1-إنشراح الصدر .
2-به تحل كل المشاكل وتذهب الهموم والغموم .
3-يأتي معه الرزق .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً و من كل ضيق مخرجا ً ورزقه من حيث لا يحتسب ) .

__________________

انت ناقشها ؟؟
قؤل ابيك رومانسيه مثلي ؟؟
وثقفها من هلجانب...........


يااخي غريب تبي تتزوج عليها !!!ولا تحل مشكلتك الاولئ ولا تناقش ولا شيء !
وكأنك سؤيت انجاز!!

فكرؤا بعقؤلكم قبل افعالكم !

انت افتح الموضوع معها
قؤل ابيك دوم
تفاجئيني بلبسه الفلانيه
ولا ابي الخميس هذا الغرفه كلها رؤمانسيه
ابي منك دوم اسمع كلام حلو
انتي محبؤبه لقلبي
لكن
ابي منك الكلام الحلو والمحبب لي
ابي عيؤني تشؤفك دوم ملكه
واذني ماتسمع منك الا الكلام الرومانسي
وانفي تشم العطر الذؤق علئ ذؤقك
وانت بعد هلكلام
اهد لها هديه لقبؤلها رئيك........
وقؤل انا مااطلب الا شيء واتمناه منك ياحبيبتي
خل اسلؤبك لطيف وحنون معها مو تشرط وتتأمر.

حاول تعالج المشكله اللي شايفها قبل الخوض والتفكير باي خطوه ثانيه كالزواج مثلا .. !مافيها شي اذا وضحت لها ان كل شي فيها عاجبك بس ينقصكم جانب وانك تبي تعيشه معها ..( مهم انك تذكر ان هالشي تحتاجونه اثنينكم) لان ساعات الصراحه مهما كانت شفافه او العكس
الا انها ممكن زوجتك تنجرح منها .. لان مفهوم الرومانسيه يختلف من شخص لاخر فيه من يشوفه ليالي حمرا وكلام حلو
وفيه من يشوفه تلبية طلبات الزوج وفيه من يشوفه ... و,,,, الخ فتكون نظرة زوجتك انها اصلا معك رومانسيه !
قرب منها من باب ان تبي تغير الروتين وان انكم بتخلقون جو حلو وممتع بينكم..
قدّم لها قمصان النوم الدلع و والالوان اللي تحبها وقلها ابيك هذيك الليله غير كل الليالي حسّسها انت بانوثتها
وتلقائيا هي بتستجيب لك وتبادلك ووقتها انت كرر عليها اللي انت تبي تسمعه منها وانت تكون رده فعلك انك مبسوط
من استجابتها لك وان هالشي اسعدك وهي بتفهم بس انت وضحّ لها وبعدها ان شالله تلقى الطيبه والرومانسيه والدلال !
الله يسعدكم ان شالله

غالبا لما يكون الزوج رومانسي
تكون ردة فعل زوجته مثله
وانت عزز هالشيء عندها لاجل تفهم انك تحب الرمانسية
أي حركة حلوة منها امدحها
واطلب منها شغلات تنبهها انك تحب الرومانسية
مثلا قل لها ليلة الجمعة نومي الاطفال بدري نبي نجلس سوا
وانت جهز الجلسة باللي ممكن تحتاجونه من اكل ومشروبات والذي منه
وخيالك بيعطيك مجموعة كبيرة من الافكار
وشوي شوي تكون الرومانسية أسلوب حياتكم

الله يسعدكم

الله يخلف على قلبي بالجنه ان شاء الله
ويخلف عليك
في نوع حريم خلاص يكون منعدم الاحساس والرومانسيه
مالك الا الصبر او تتزوج عليها يمكن تحس!

علمها الرومنسية والا من اولها زواج
امركم غريب عجيب يارجال والله لو كان الشرع يسمح للحرمة بالزواج من اكثر من رجل لا اتزوج على زوجي فورا
حسبي على ابليسكم