يسعد مساكم جميعا

أتمنى ان اعتمر ولو لمدة أسبوع..

رحت قبل سنتين بس الاسعار كانت نار.. متشوقة اروح بس هذاك السعر

لما بحسب تكاليف الفندق مع تذكرة السفر اشوف السعر أقل من الي يطلبوه الوكالات..

حبيت اسأل اذا عندكم تجربة.. فيني اعتمر من غير مساعدة الوكالة؟ ماهي الخطوات اللازمة؟ وماهي الفترة الي تكون فيها الاسعار منخفضة؟

شكرا لكم

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

العمرة سهلة ماتحتاجين فيها مساعدة احد .. انا احجز التذكرة من موقع الخطوط الجوية .. واحجز للسكن من موقع بوكنق ..
لما تنزلون مطار جدة بتلاقون اشخاص بنفسهم يعرضون عليكم التوصيل الى مكة .. ساوموهم بينزلون السعر الى 200 ريال تقريبا وهذا سعر الاغلبية.. وممكن اقل .. ايضا نفس الشخص تاخذون رقمه عشان يجيكم في يوم العودة اذا ماكان مرتبط بغيركم.
ما اعرف اذا تحتاجون تأشيرة من دولتك ..
الله ييسر لك ..

صحيح كلام مريوم...
العمرة سهلة وايد
بس المهم تكونين قريتي عن الطواف والسعي وووالخ من احكام
وفوق هذا حتى هناك بإذن الله سهالات ما فيه حاجة لأحد

__________________

حاجة الناس إليكم من نعم الله عليكم ، فـ لا تملوا النِعم ☁✨

الله يرزقج حبي 💕

كل اللي اعرفه ان الاسعار منخفضة لمن تروحين وما يكون الموسم
يعني اي وقت غير اوقات العطل تكون الاسعار أقل ...

واسعار الفنادق حسب كم نجمة مثلا
وقربها من الحرم
كل ما زادت نجمة زاد سعرها طبعا
و كل ما كانت قريبة من الحرم صارت اغلى

لذلك بعض الجنسيات الاسيوية مثلا غالبا يسكنون بعيد وايد عن الحرم لان ارخص ... بس على قولت المثل ما طاح بس انبطح ..
لان جذب جذي يستأجرون تكاسي توديهم الحرم فيطلع عليهم سعر مقارب

__________________

حاجة الناس إليكم من نعم الله عليكم ، فـ لا تملوا النِعم ☁✨

شهر شوال اتوقع بيكون ممتاز للسفر .. خصوصا تاسوعاء وعاشوراء موسم اعتمار البحرينيين نحب هذا الوقت للعمرة ..
بشكل عام هالوقت الزحمة خفيفة.. ولأن اغلب الناس رجعوا من الحج للتو فتنخفض الاسعار..

حبيبتي مريوم 😍

بس ليش تحبون العمره بهالموسم؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

مريم يوم نزلنا جده لقينا ناس يعرضون التوصيل بالتاكسي طالبين 100 يورو! بس نحن كان عندنا حجز من الوكالة فما دفعنا شي..

اختك مسك تفشل ما اعرف اسااااوم وبياكلون حقي علطول اخاف اقطع رزقهم ههه مع اني عارفة هم الي اكلين رزقي زيادة

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

يا اختي عمرة لازم المرور على الوكالات وتكون العمرة اغلى في رمضان خاصة في العشر الاواخر

مريم اصحاب الخليج لا يحتاجون فيزا

مشكورين الغوالي مريم وزين ماقصرتو..

انا رحت قبل سنتين الحمد لله والفندق كان غالي في الابراج..

هذاك السعر مستحيل اروح فيه.. يهمني الفندق يكون قريب ونظيف.. مو شرط فخم.. لاني بنام فيه وبس.. ما بدي اضيع وقت بالتاكسي..

جوازي(اوروبي) ادخل بيه اي دولة من غير فيزا.. بس الحج والعمرة لازم فيزا..

والمحرم؟ لازم احد معي صح؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

رحنا بشهر يناير .. ماكان عندنا عطل.. بس تفاجأنا ان دول الخليج عندهم وقت عطلة.. وكان اشغال بالحرم.. زححححمة

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم