السلااااااااام عليكم ورحمة الله وبركاته ..

اخواني انا بقولكم سالفتي واحكموا ..

وابي مساعدتكم ..


انا عمري 22 زين .. وزوجي عمره 28 ..

اول ما اخذت زوجي ..كنا فرحانيييين من قلب ..

وصار بيننا مكالمات ومقابلات تحت اشراف امي .


مع انه وضعنا ونظام العايله مافيه شوفه ..ولا شيء

حبينا بعض حب .. يتعدى المعقووول ..


تزوجنا وفي ليلة الدخله واحنا ماخذين على بعض .. ماتمت العمليه وحس انها عاجز .. المهم بكى وطلع وراح للدكتور ..

وجات بخاطره .. مع اني ما اهتميت وهذا آخر اهتماماتي ..

وخاصة اني ماصدقت انه صرت انا وياه بدون خووف او مراقبه ..

استمر الحال اسبوعين .. وهو كل ليلة يبكي وينوح يقول بتتركيني .. وبتطلبين الطلاااق ..

انا بينت له اني ابيه لو هو عقيم .. انا ابيه وابي حبه .. وبس ما اطمع في اكثر من كذا ..

اعطاه الدكتور حبوب ومقويات وفيتامينات .. والحمدلله صار كل شيء ..

وابن آدم خلق عجولا .. والا لاااااااااحق على كل شيء ..


الشاهد ..

في السنه الأاولى كااااااان عسلللللللللللل يعني وش تقولون ..تفاهم وانسجام صح تجي مشاكل بس ماتوصل للمشكله كبيره ..


يعني مشادة وتنتهي ..

في فترة حملي بدى يقل حبه واحترامه مدري ليش ..


يعني ماعاد ينظر لي زي نظرته لي قبل ..

اول كان ياخذ بشوري .. ويقتنع بأرائي ,, ويحترمها عموما ..

واذا تكلمت يسمعني بكل انصات ويتفاعل معي ..

من حملي الى الحين .. اذا تكلمت مايتعب نفسه يسمع للآخر ..

واذا ابديت راي يقول الله يعينك على عقلك .. مع انه راي عابر مو يعني قضيه مهمه او شيء ..


يعني قناعه من قناعاتي ..


الى فترة الحمل وهو علاقتنا الزوجيه والنوم تمام ..بس بعد ماولدت .. صارت مشاكل كبيره ..

لأنه طوول الوقت عند امه ويسمع منها ..

بخصوص المصروف .. وبخصوص انه يجي يزورني ..


بعدها طلعت من الأاربعين واتفقت معاه على اننا مانسوي شء الى ان تجيني الدوره وتنتظم معي وبعدها اشوف اي مانع استخدمه ..


قالها بالفم المليان .. لا ولا تخافين انا مابي ..ومابي خطر للحمل .. واريح لك ماتستخدمين شيء ..


انا انقهرت بصراحه .. صح انا مستفيده اني انجى من خطر الحمل المبكر على بنتي ..


بس ولو الحرمه تحب تحس نفسها مرغوووووووبه ..


وخاصة اني احبه وامووت فيه ..


مرت 3 شهور وكاننا اصدقاء ..


وجات الدورة وبلغته واني راح استخدم طريقة العد كمانع ..ونفس الشيء ماتغير فيه شيء..



وصرت كل مابغيت انا اللي اجيه .. واذا جيته يسوي نفسه نااايم .. ويشتغل بدون نفس ..


كرهت العلاقه وكرهت كل شيء ..


حتى المداعبه والتبويس .. مافيه .. حتى لما احضنه .. يبعدني بهدؤ .. واذا قلت ليش يقول وش سويت ..


لا ومن بعد الاربعين وهو ينام بغرفه ثانيه .. مع اني تنوم البنت قبل مايجي .. يقول ماحبها اذا صاحت باليل ..

اقول طيب انا باخذها وبطلعها واذا سكتت رجعت ..


يقول لا مابي ولا نفس ..

واستمر شهرين متوااااصله وهو بعييييييد .. يجي متأخر وينام ويقوم يداوم ويتغدى وينام العصر ويقوم يروح لشغله ..

نظامه كل يوم كذا ..


شهرييييييين متواااااااااااصله .. وكل ماجيته او داعبته بعدني ..وكل ماقلت كلام حلو قال خذي بنتك وروحي للغرفه الثانيه ..


وبعد الشهرين طلعت مني غصب وعصبت عليه قلت فيه رجااال شهرين مايقوم بواجبه ولا يسعد عمره ..


قال انا اعالج عند دكتور وعندي ضعف ومافيني رغبه .. صدقته وساعدته نفسيا ..

واعتذرت ع الكلمه وقلت مغزاي انك تنتبه لحياتنا ..

وانا بشر وعندي عاطفه .. وعاطفه قويه ..

مع العلم انه وسييييم ويعجبني مررره .. يعني من حبي له ودي انه طوووووول الوقت معي ..

مرت الأايام ولا شفت علاجات ولا مواعيد ولا شيء ..


كل شيء على ماهو عليه ..


سألته وعاتبته ..

قال اصلا انا عندي مشكله بالعمل .. ومقلقتني ..

قلت وين رحت انا اللي اشاركك همومك واهون عليك .. ليش تبعدني عنك وانا قريبه ومن هالكلااااااام ..

وبعدها بيوم جاني وقال مشكلتي انحلت ..


ابشري باللي يرضيك .. خلااااص ماعندي الا انتي ..

آمري وتدللي ..


زانت نفسيته يومين ورجع على وضعه ..


الى الآن ..

انا استسلمت .. صرت عااااااااااااادي البس اتكشخ اغير بشكلي من فترة الى فتره .. اجدد في البيت ..


وانا المبادره دااائما ..وراضيه بالهشيء..

اشتري لنفسي العااااااافيه ..


طلع بحركات جديده اقرفتني بصراحه يقول منطقة الفم والأاذن لا تقربين منها .. ولا تسوين هالحركه ولا تسوين كذا ..


مع اني اهتم بأسناني وريحتي ومعطرات وعلووك ..

ويم سالته قال مابيك ترحكين مشاعري .؟؟!!!!!!!!!!


قلت انا ابيها تتحرك

قال لا انا مااا ابيها ..

ومشيتها عااااااااادي احبه واحب اللي يحبه ..


المشكله صار يعيب علي .. يعني مع ان الكل يمدح فيني الا هو بدا يذم


واذا تكشخت يسكت ولأكاني مسويه شيء ..


واذا نحفت قال اسمني .. واذا سمنت قال صرتي دبه انحفي ..



اللي قهرني بزووود ..

صار يطالع بالتلفزيون مع انه ماكان يتااابعه ..

وصار يطالع المطربات .


وآخرتها مسلسل عندما تغني الزهور ..


تابعه معي برمضان .. وكرهت المسلس من سببه .. بنت عطيه الممثله اللي اسمها شهد .. اعجبته ..

وكله يمدح فيها ويحش فيني ..


وصارت مشاكل على هالسالفه ..


الحين المسلسل ينعاد على الراي .. وصار يتااااااابعه ولا يبي نفس عنده ..

ومازال على غيه يمدح فيها .. ويقهرني ..


البارحه توه راجع من برا وانا متكشخه وعلى سنقة عشره .. بدا المسلسل .. قلت سكره بسولف معك ..


قال لا لا بتابع المسلسل ..


قلت طفه والا بروح انام .. قال يالله تصبحين على خير ..!!!!!!1


انا فرقعت معي .. وجلست اقول لنفس ..الحين بيجي يراضيني .. بيعتذر الين نمت وهو ولا على باااله ..


وش رايكم ازعل ..؟؟!!


انا زعلي اني ما اكلمه .. اقوم بواجبه في كل شيء ولا اتكلم ..


ووش رايكم في حيااااااااتي .. وهل هو انسان سوي ..


بصراااااااحه مليت...


الأنسان مايخلو من الغلط انا اغلط بس طبعي اني اعتذر في وقتها .. ولا عمره نام وهو ضاااااااايق علي ..



تكفون ابي حل ..

اتوقع انه في احد يؤثر عليه

او انه خايف من شيء

يمكن يكون علاجه عن شيخ ,,,,الله يعينكم ياختى ويبارك فى حياتكم ويستر عليكم دنيا واااخره مالى الا الدعاء لكم

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

ماعندي رد غير الله يعينك

وعليك بالدعاء


لانه شبيه اللي عندي


بس بدون التلفزيون


الله يسخركم لبعض

....

الله يكون بعونج والله الصراحه ما عرف شو أقول أتمنى اللي مروا بتجارب مشابهة يفيدونج حبيبتي بس إحتمال يكون بسبب الولاده لأنج تقولين إنه تغير عليج يوم يبتي البيبي ربما زوجك بات يشعر أن هناك شخص ثالث يشاركه فيكي أو شعوره بالمسؤولية وأن لديه عائله بصراحه لا يمكنني أن أصل إلى إجابة شافيه وأكثري من قراءة القرآن لربما هي عين قد أصابتكم لما لا تتأكدي من ذلك عن طريق شيخ موثوق فيه ؟؟

الله يجزاكم خير ..


يعني تنصحوني برقيه عند شيخ ..


المشكله ماؤمن بالرقيه او العين او شيء ..


يالله حسبي الله الذي لا اله الاهو عليه توكلت وهو رب العرش العظيم .....

والله مشكلتكي كبيرة أنا من رأي أنكي تطنشية فترة موقتة وشوفي الناتج أو توقفية عند حدة لان المشكلة بتكبر يوم روا يوم انتي حتقولي له أبي تشوف حل للموضوع أنت متغير علي أنا وش سويتلك أنا ماقصرت معاك قولي وش المشكلة ولا شوف حل لها روحي لى ابوكي او امك وقوليلهم المشكلة وشوفولها الحل ولا راح تتطور هذا الحل من رأي أو أنصحكي أنك تروحي لدكتورة أجتماعية والله يعينك (مع تحيات عزوبي خبرة)

أسال الله العظيم ان يحنن قلبه عليك ويجمع بينكم على خير



اختي ....

هل كان زوجك معك وقت الولاده ؟

هل تغيراته معك واحدك ام هو مبتعد عن الجميع ؟

هل هو بهذا المزاج والطريقه دائماً ام تمر عليه فترات يكون طبيعي ثم يعود؟




نصيحه ....

احتوي زوجك مهما بعد عنكِ .. لانه حتماً سيعود

__________________

هذا عنده عقدة او مشكلة بالجنس

والمشكلة تحتاج لطبيب نفسي
اكبر دليل لكا قال لك ( ما ابيك تحركين مشاعري) لانك اذا حركتيها راح تثيرينه ويكتشف انه مو قادر يكمل المعاشرة

هروب


عندي زميلة نفسك
بس هذي الله يعينها زوجها عاجز جنسيا وكان يقص علهيها ودايما يتهرب من المعاشرة

تخيلي اخذها شهر العسل وكانت تنتظر تصير ليلة الدخلة لكنه رفض يعاشرها يقول احنا في بلد غريب واخاف لما افض البكارة يصير فيك شي
لما نرجع راح اسوي كل شي
وارجعت وما صار
كله يتهرب
ويتهمها انها ما تعرف تثيره وانها ما تساعده في هالشي

وفي الاخر انهار واعترف لها انه عاااجز جنسيا

طلبت الطلاق لانها تبي العيال

__________________

	فضلا " وليس "أمرا" قل: (حسبي الله الذي لا اله إلا هو عليه توكلت وهو رب العرش العظيم) سبع مرات أتعرف ماذا حصل: من قالها سبع مرات كفاه الله عز وجل ما أهمه من أمر الدنيا والآخرة المرجع: زاد المعاد" (2/342