سلفتي أرسلت لزوجي تقريبا قبل شهرين ع واتس زوجي تسأله وش تقرأ في البيت من رقى ورد عليها وارسلت انو زوجها متغير عليها ويسافر كثير ومايخلي لهم فلوس وانه متغير ويقولها انه لما يكون في البيت يتضايق كثير ، ومن ذا الحكي
وزوجي يقولها سوي الرقى ومن ذا الكلام وانا طبعا قدرت ذا الشيء وماتكلمت قلت عادي مافيها شيء ...

لكن أمس قرأت رسايل جديدة منها وع ايام وحسيت ان السالفة مصخت !!!!
يعني قبل أسبوعين أرسلت وتقول انها قرأت الرقى وتحس فيه تغيير بالبيت وتقول انها حتى بالدوام تقرأ بنية هداية زوجها وصلاح البيت وزوجي يمدحها ع ذا الفعل ويقولها واصلي وارسلت تقول يافلان انا لولا المشاعر اللي في قلبي لزوجي ماكان سويت كذا ومن ذا الحكي ومدري وش رد عليها
المهم وارسلت بعد قبل اربعه ايام تقول يافلان ابغى أستشيرك بشيء صار اليوم وانا ما اشتكي احد غيرك حتى امي ما اقولها شيء ولما أخذ رأيك ارتاح وتقول انها كانت منسدحه بالصاله وزوجها يحسبها نايمه ويكلم وحده ويقولها كلام كثير ومن ضمنها الفلوس ماكفتكي وتقول انا مدري كيف حريم ساذجات يلعبوا عليه كذا ويستغفلوه وانه صار مايصرف عليهم وإذا صرف يقعد يهاوش ورد عليها زوجي وقال ان اخوه مايقوله شيء وحريص بذا المواضيع الخ وأرسل يقول ادعيله بالهداية وان القلوب بيد الرحمن الخ .... وارسلت مرا ثانيه مدري وش قالت نسيت ؟!!


الخلاصة / هي بنت عمي وسلفتي لكن كلمة انا ما اشكي لأحد غيرك ومن ذا الكلام ضايقتني كثييير مدري اسكت ولا كان شيء حصل ولا كيف ؟؟؟

هلا اختي، أنا أشوف انه الأفضل تجاهل الامر بحسن النيه، لانه هيا تشكي زوجك على مشاكل اخوه وما تبي تفضحه، وبنهاية الامر هي زوجة اخوه.

الأفضل تجاهل الامر وابعدي الوسوسه عنك ولا تجرين ورا المحادثات.

ونقطه مهمه الأغلب بتفيدني وتفيد الأعضاء ، كم عمر زوجك وعمر بنت عمك؟

..

انا عادي اقدر أتجاهل بس اخاف الوضع يتطور بينهم ؟!

زوجي عمره 29 وهي 30

لا تسكي وكلميها بحزم ماشاء الله مارتاحت الا لزوجك تحكي وين صحباتها وين قريباتها وين المجتمع دكتورة مستشاره تحكي لهم
غلطانة اذا سكتي والشيطان شاطر ورح تتطور العلاقة ان زوجك ممكن يفضض لها

__________________
اللهم اجعلني مما قلت فيهم يحبهم ويحبونه

أكلمها من جوالي واتس ؟

انا صراحه قد مره كلمت زوجها وسألته عن شهادتي ايش سوى فيها لان زوجي قال لي ارسلي له واتس واسأليه وبس ورد علي وقال شهادتك مع زوجتي فلانه أمس اخذتها من الادارة وبس مارديت عليه ولا شيء
وحتى ما اتخيل بيوم أجي اشتكي اخوان زوجي واتس احس نفسي ما استرجي أسوي كذا ؟!!

.........زوجها مثل ماتفضلتي يختلف عن شخصية
زوجك.
ومع ذلك طلب ترسلي له واتس.
يعني الوضع عندهم .مع الاسف الشديد. فري

مرحباً أختي

لابد أن يكون إحسان الظن هو الأساس
وأنتِ بالتأكيد تعرفين أخلاق زوجك وبنت عمك
وهي فعلاً ربما تكون محتاجة لإستشارة
وجا في بالها زوجك ربما لتدينه أو رزانته

لذلك ..
رأيي الشخصي أن لا تتواصلي مع بنت عمك بأي أمر حتى لا تسؤ علاقتك بها .. فهي ستدرك معنى كلامك لها وأنك غيرانه وربما كانت تكن لكِ أنك تحبيها ولا تمانعي من مساعدة زوجك لها

لكن .. تكلمي مع زوجك بلطف جداً .. وأنك تقدري له هذه المساعدة ولكنك تحبيه وتغاري عليه من أي أحد .. وأطلبي منه أن يكون رسمي معها في الكلام حتى هي تشعر من نفسها هذا الأمر .. ولا تتواصل معه إلا للضرورة



أعانك الله

صح كلامك زوجي ملتزم وفيه رزانه ، اما بخصوص العلاقة بيني وبينها رسميه ومانشوف بعض الا في المناسبات وأحيانا لا .

انا والله مو غيرانه منها ولا شيء بالعكس احس دمي بارد لاني بس تضايقت لما قرأت كلمة انا مااشكي لأحد غيرك حتى امي ما اقولها شيء. !!! وبعدها تجاهلت الموضوع وامس صارت بيني وبين زوجي مشكله وقال انه بعض احيان نتصرف تصرف حسن وبنية طيبة لكن بكذا نكون فتحنا باب لابليس يدخل منه ؟؟ فاليوم تذكرت كلامه ذا و تذكرت محادثته معاها وحسيت الكلام اللي قاله ينطبق عليه وعليها !!!