السلام عليكم و رحمة الله وبركاته .. !!!!

إلي أعضاء هالصرح الشامخ والمنتدى الأكثر من رائع

ما ابي اطول عليكم


في البداية اكيد ناس كثيرين تكلمو عن حبوب الياسمين ... زوجتي بتكمل سنتين في شهر شوال وهي تستخدم الحبوب طبعا لين جيت ابناقشها خلاص بعدين خلها الشهر الجاي ... طيب الشهر الجاي الشهر الجاي طبعا تصير فيه بعض المقاطعات والرفض من عندي في بعض الاشياء عشان عنادها ..

الشي الثاني الامور الجنسية ... زوجتي تدرس في الجامعه ولين جيت اقولها وش رايك تغيرين نبي نوسع صدرنا هالليله تقول ما فيني حيل خلها بكرهـ يا ساتر وبكرهـ مافيني انا حيل واطفش ولا عاد اقولها شي

يا ناس يمرر الشهر ما اجامعها فيه بعض الاحيان

مدري هو عيب فيني عشان ما اعرف الاسلوب الزيناطلب منها انها تظبط عمرها يعني اقصد تلبس اللبس الي يفقع الراس او مدري احترت او من الحبوب الي تاكلها يمكن يسبب له برود جنسي والله مااااااااااااادري او عشان دوامي زفت طويل من 8 الين 6 ولا اصل البيت الا 7
وما يصير فيني خلق ... ؟؟؟؟؟؟؟؟؟؟

ماادري بصراحه

الموضوع الثالث و الاخير:

هالايام تفكر هي واختها (طبعا متزوجه ) انهم يسكنون في بيت واحد يعني احنا فوق وهم تحت

طايحه في فكره هالايام انها تبي شغاله كلمتني قبل كم يوم وقلت لها ليش تقولي كل البنات عندهم طبعا انا وش يدخلني في هالبنات تقول ما اقدر علي تعب البيت و مادري ايش قلت يابنت الحلال هذا انا اساعدك في البيت طبعا بعض الاحيان اغسل المواعين عنها اممم كوي الثياب اخليها برى عشان دراستها اقترحت قلت لو نجيب شغاله اهلي و لا حقين الساعه يعني تجي اخر الاسبوع وتنفض البيت نفض وخلاص ما يحتاج شغاله تقول لا
اخر شي قلت والله منيب فاضي تكاليف اجار الشقه و البيت الجديد يبيله دفعه اولي منيب فاضي وبس و نقفل الموضووع

ف وش رايكم احترت يا ناس صرت مدري وش فيني ودي اهاوشها ودي اسكتها
بس مدري البنت بشكل بسيط شكلها دلوعه
لكن ما تقصر في الطبخ بصراحه طباااخه بس علي حسب المزاج اذا صار ما عندها محاضرات تضبط العشاء

بعض الاحيان اعطيها عذر عشان الدراسه واقول سنتين يا رجال وعقبها خلاص رغم انها خلاص ما بقي الا التطبيق ان شاء الله

ف وش رايكم

اولا شي بخصوص الحبوب
و بخصوص الامور الجنسية<<-- هل نسميها طفشش
وكذلك الشغاله او الخدامه

ف ريحوني يعني عشان دراستها وانا بصراحه مركب هالجمله في راسي يعني لا قدر الله صار شي ولا شي ابقولها وابقعها في وجههها (يعني ساكت عشان دراستها )رغم اني اخاف اني اجيبها علي نفسي يعني : هل اقدر اقولها هالكلام بعد ما تتخرج ان شاء الله او ابجنيها علي نفسي بتقولي بعدين انت ما قدر قلت لي شي وليش تغير كلامك <<<-- يصير عندكم يالبنات انتم هالشي ولا لا ؟؟؟



اسمحولي علي الاطاله وتشعب الموضوع بس عشااان ارتاح و ترتااحوون من سرد كل موضوع لحاله

و جزاكم الله خير و رحم الله والديكم

الله يصلحها ويردها لك ردا جميلا

هذه مشكلة بعض البنات ماتحافظ على زوجها وتسعى أنها ترضيه في كل شئ بحياته

تبغى تجاب طلباتها لكن ماتشوف طلبات زوجها ...

الله يهديها اجلس معها وكلمها بطريقة هادئه إنها لازم ترضيك وكيف تخليك تنام وهي ماأرضتك

بالنسبة للشغالة رأيي لازم تقنعها أنها مالها داعي وإنك لازم توفريني....


الحبوب ممكن تسبب هالشئ لكن ماتوصل للشهر حاول تغيرها لنوع ثاني تكتبها لها الدكتورة ......


الله يسعدكم

اخوي

أنا أدرس و دراسة أصعب منها مافي و بلغة تانية و الله يخلصني بس
ببأقول لك كذا ، علشان أبين لك إني مجربة الدراسة + الزواج ، و ما أنصح من راسي و من غير تجربة.

1 - إنتوا ما عندكم أطفال ، و إنت ماشاء الله تساعدها في البيت و باين عليك ماشاء الله متعاون معها ،
و غير إنه العلاقة معدومة تقريبا ، بنظري ماله داعي أبدا حكاية الشغالة، و الحل اللي إنت قلته كويس ..

أحد ترى معبي لها راسها ، و نعرف السواليف هذه

الحل:
الشغالة مالها داااااااااااااااااااااااااعي أبدا ، لو عندكم أطفال كنت ممكن شجعتك ..
ممكن تجيب لها الشغالة تبع أهلك مرة بالأسبوع و خلاص..
حتى المفروض هي تجيب الشغالة دامها مقصرة بسبب دراستها ..


2 - العلاقة الخاص .. سببها الحبوب أولا ..
ثاني شئ ، إذا ما انبسطتوا دحين و إنتوا لسى ماعندكم أطفال ؟ متى بالله ؟؟؟؟؟؟؟؟؟؟

المهم مالها حجة .. الدراسة مو سبب أبدا في تقصيرها بالشئ هذا
و شهر كامل ماشاء الله ؟؟؟؟؟؟؟؟؟؟؟؟

لازم وقفة جادة منك و بلاش دلع ، لإنه الشئ هذا عند الرجل أهم من الأكل و الطعام.


3 - الحبوب ، ممكن هي بتأجل الحمل علشان تتخرج و تخلص دراستها و ما تتورط بحمل و دراسة.
فما لك غير إنك تصبر ، لإنه خلاص باقي لها التطبيق.. بس الحبوب ممكن تسبب عقم ترى.


4 - إنه أختها تعيش جنبكم ، على حسب رأيك إنت ؟
مرات الأخووات يحرضوا بعض و يخربوا على بعض ،، فإذا ما يأثر عليكم فخلاص ما راح تفرق معك


الزبدة :

العلاقة لازم تخلوها رقم 1 ، قبل الدراسة و كل شئ .. خاصة إنه لسى ماعندكم أطفال..
و لازم إنت تفهمها الشئ هذا .. و الشغالة ماله داعي دام ماعندكم أطفال ..
الحبوب ممكن تصبر لحد ما تخلص دراستها

عندكم اطفال؟؟

اذا عندكم فيستحسن تجيب لها شغاله

اما بالنسبه لسالفه الجنس احس طريقتك غلط يعني تقول وش رايك الليله؟؟

الشي يجي بالفعل والرغبه مو بالكلام


بعدين اعذرها شويه دراسه ومذاكره وبيت وزوج ان شاء الله اذا تخرجت تزين الامور

وسالفه الحبوب تاكلها فتره طويله ترا مضره انا استخدم نفس نوع الحبوب

ولي ثلاث سنوات اكلها وسببت لي مشااكل

الله يحسن اموركم وتصبح عال العال

__________________
لااله الا انت سبحانك اني كنت من الظالمين

تحتاج إلى أن تكون خليط ...

بين الحزم و الجد و بين المرح و الحنان و الطيبة ..

تنازلك عن حقوقك حدث بمحض أرادتك ...


والاراده المسلوبه لا يمكن أن يعيدها لك ألا نفسك ..

عليك بالحزم مع زوجتك ..

والحزم الذي اقصده ليس الضرب بل الحزم هو ..

أن تدير حياتك الزوجيه وفق مبدأ معين و تمشي عليه و تقود السفينه بكل اقتدار ..

الحزم هو أن تبين ما تريد لزوجتك ولا تتنازل عنه ..

هو أن تفهمها ما تريد ..

هو أن توبخها اذا اخطأت اذا لم تأدي حقك تذكرها بالله و تخوفها منه ..

هو أن تمنع عنها بعض الاشياء حتى تلبي طلباتك ..

الحزم باختصار هو شخصيه قويه وقياديه و في نفس الوقت عاطفيه ..

الحزم هو أن تعرف متى تكون عاطفي و تعرف متى تكون واقفا بجد ..

الحزم هو أن تعطي الأوامر و تنتظر التنفيذ ..

الحزم هو أن تبين زعلك وغضبك من الأمور و تكون حازما حتى لا تكرر ما فعلت ..

في النهايه هي حياتك و أنت تديرها براحتك ..

لكن أقول لك ..

كن طيبا عطوفا حنونا وقت حاجت زوجتك لذلك ..

ومع ذاك فكن حازما ذو شخصيه قويه وضع الأمور في نصابها عند الحاجه لذلك ..

جرب أن تكون وسطا ..

والله الموفق ،،،،،،،

__________________
سبحان الله وبحمده سبحان الله العظيم

.
.
.

لاأزيد على كلام أخي السيف المهند فقد قال كل ماكنت اود طرحه لك ..

.
.
.

__________________

يووووووووووووووه لو زوجتك تشوفني خلها تقرا ردي صدقني بتحب يدها وتحمد ربها

اختباراتي الاسبوع الجاي

وحاليا اختبارات بناتي مع انه تقييم الا انه تععععععب

شغل البيت اللي ماينتهي

اعاني من اسبوعين من قرحة المعده ولا في وقت اروح المستسفى

وبنتي ومواعيدها بالمستشفى اللي كانت تعاني من السرطان

شقه صغيروووونه وعندي زوج الله يهديه مايعرف يساعد ابد ابد

حتى في مذاكرة بناته

الا في الاكل اذا مالقى عااااادي عنده مايزعل بس انا مااقدر اقصر عليه بشئ

وتعبت نفسيا وجسديا

والله يسخر زوجتك لك ويوفقها

الله يشفيهااا لك

__________________
سبحان من صوّر بها الحسْن تصويـر
لين أصبحت بالزين مضرب مثالـي!

الله يجزاك على صبرك هذا زوجتك كذا وماعندهااطفال كيف اذا صار عندهايعنى

أختي 2006

الله يجزاك خير على صبرك و يشفي طفلتك يارب يا كريم

------------------------

أخوي

كله بيدك إنت ، و اسمع كلام الأخ السيف المهند و ما راح تخسر شئ
الدراسة صح تخلينا نقصر بأمور عديدة ، لكن مو معناها إنه الوحدة شهر كامل تقصر في حق زوجها
و الدراسة ماهي أهم من البيت ، الحق على بيتك علشان لا تجي بيوم تصيح و تقول زوجتي و زوجتي
و كله بسببك ، إنك ما علمتها