الاخوة الكرام اخواتى الكريمات
سلام الله عليكم

تكمن قصتى فى اننى تزوجت قبل عدة شهور عن قصة حب ثم فترة ملكة استمرت لمدة سنة و نصف و تم الزواج بعدها .
انتقلنا الى منزل الزوجية و بعد انتقالنا بثلاث اسابيع حدثت مشادة كلامية بينى و بينها حيث صدرت منى كلمات جارحة مع العلم ان هذة الكلمات لم تحتوى اي مغزى يمس شرفها و لم ارفع يدى عليها المهم بعد تلك الليلة انتقلت الى بيت اهلها و تقيم هناللك حتى الان مع العلم انها فى فترة حمل و على وشك الولادة و هى الان تصر على الطلاق بشدة بالرغم من اننى قمت بالاعتذار لها و بتقبيل راسها اماام اهلها لا انها ترفض كل محاولات العودة الى منزل الزوجية كما اخبركم اخوتى اننى لم اتوقف عن الانفاق عليها و السؤال عن احوالها و صحتها و تطور حملها .
اخوتى اتقطع الما من الذى حدث و لكن عجزت عن ايصال فكرتى لزوجتى التى ما ان ترانى و حتى تقول طلقنى .
اهلها يخبرونى بانهم لايردون خراب بيت بتهم و لكن ما الفائدة اذا عجزو عن اقناع بنتهم

سبعة شهور من المعاناة و نفذ صبرى الحين افكر فى طلاقها بطريقة جدية فيدونى افادكم الله

الله يعينك ويثبتك طيب اصبر لين ينتهي الحمل يمكن النفسية مأثرة عليها ..
ارسلها انك مِشتاق لها وانك متحسف وشوف شنو ترد..
واذا تمسكت بعد النفاس بقرارها الحل/حكم من اهلك وحكم من اهلها يحلون المشكله لأنكم عجزتوا عن حلها والله ولي التوفيق ..
الله يصبرك ويثبتك وكل مصيبه بأجرها وادعي ربي في قيام الليل بالخير والصالح ..

طيب ايش الشى الي مخليك متمسك فيها رغن اصرارها؟
هل حملها ولا تحبها
وماشاء الله عليك رغم اصرارها الا وانت ماتبي تطلق ..اهنيك على رزانتك
بس ياليت ترد على اسالتي

__________________

أختي صابرة
لا انكر بانى احبها اولا
ثانيا لا اريد لطفلى ان يخرج الى الدنيا و يفقد حنان و رعاية احد الابوين
ثالثا لاننى ارى بان الذى حدث بيننا لايرتقى الى مستوى ان نلجا الى الطلاق

اهنيك..
اخوي مو معقول ان هذي المراة لا تعي ان طفلها سوف يدفع ثمن الفراق لابد ان تسامح والا فهي امراة غير سوية ..لابد ان تسامح هناك طفل سياتي في الطريق باذن الله
انا ماني عارفة وش سبب تمسكها بالطلاق يعني تصير مشاكل والانسان يسامح وياما الواحد انجرح وانذل ويسامح ..لانه من شيم بنات الاصول التسامح
لا تبين مدى اهتمامك اكثر من كذا الي عليك سويته واكثر وحبيت الراس وكل شى
لكن اذا هي ماتشيل هم طفلها الي جاي وتعرف انها بتكون ام وماهمها لابد انت بعد تهدي الموضوع شوي من راسك ..اتركها لين تولد ربما المولود هذا يجي برقة قلبها بمجرد النظر اليه
لا تنسى ان مولودك هو قطعة منك واكيد شعورها بيتحرك

__________________

طيب كلمتها عن انفراد او يمكــن تبي رضاوة بمبلغ وقدره ترى بعض الحريم مايعتبرونه رجع عن فعلته وندم حق الا بمبلغ الله يهديهم وتأكد ان ماحد يضغط عليها وقولها اذ احد ضاغط عليك ترى هذي حياتنا وانتي وانا من يقرر ..
وعلمها انك بتفكر بالطلاق اذا هذا يريحها يمكن تعرف انك مليت وجاد ..

لعله الحمل اصبر عليها وبعد الولاده قدم لها هديه وراجعهاااا

مادام الكلام ماوصل للشرف ! ولا وصل لأشياء كبيره يعني مجرد كلامات جارحه ونت قدمت اعتذارك خلاص اخوي لاتزيد على هالشي

انت رجال اخطأت خطا بسيط وعتذرت وهي مكبره الموضوع ورايحه بيت اهلها ! خلها على راحتها لين تولد وتقعد الاربعين اطلب منها الرجوع اذا مانفخ خلاص
افهم ان المسأله مالها دخل بالكلام اللي قلته
يمكن هي ماتبيك لأي سبب من الاسباب ولكن االهوشه ما اعتقد لها دخل

حقيقة اعجز عن شكركم اخوتى
فقط هنالك توضيح عندما اخبرتها بان صبرى قد نفذ و ما دمتى مصرة على الطلاق لا مانع لدى على الطلاق الحين و لكنها ردت على بان اطلقها بعد الولادة