السلام عليكم ورحمة الله تعالى وبركاته


أخواتي الغاليات عندي مشكلة وحاسه نفسي مرتبكة جدا ومشوشه

الحمد لله جاتني من جهة العمل عندنا دورة خارجية في أحدى الدول الاسلامية، حاولت التحضير للدورة مسبقا حتى لا أكون تحت أي ضغط ولكن رغم كل شيء سبحان الله جاءتني هذه اللحظات التي حاولت الهرب منها

السفر إن شاء الله نهاية هذا الإسبوع وأشتريت ملابس ذهبت لعدد من المولات ولكن لاسف أجد بعضها يحدد الجسم واخر ليس به أكمام، قلت أفصل لي ملابس حسب رغبتي ذهبت للخياط بعد أن أخترت أقمشه جيدة الجودة أول أمس ذهبت لإحظار الملابس لأتفاجأ بأن الخياط لم يضبط القياس حاولت أعدل في أكثر من مرة ولكن لا فائدة

مرتبكة مدري أيش أسوي ومافي وقت أني أفصل من جديد والجاهز لا ينفعني ربما لاني مليانه شوي ومعظم المعروض أحسه يحدد الجسم وهذا ما ارفضه

أشيرن علي أخواتي ما هو الحل؟؟

الله يكشف عنكم الهم والغم ويبعد عنكم الضيق، أنتظر ردكن

وعليكم السلام ورحمة الله وبركاته

اختي في الله
وددت لو توضحي اكثر بخصوص ماهية الملابس هل هي رسمية ام لا
وهل من ضمنها الجلباب او العباءه؟

اذا كان قصدك الملابس الرسمي وغير الرسمية التي ستظهري فيها امام النساء
حاولي اختي البحث مرة اخرى في المحلات عن نمر تناسب جسمك وجربي القياسات التي اكبر بنمرة لعلها تناسبك
والله سفرك قريب للغاية ولا يمكنني بنصحك بغير الملابس الجاهزة

على كل الأحوال اتمنالك التوفيق في دورتك
وفضلا لا أمرا ان تطمنينا عنك عزيزتي
تحياتي

انا مافهمت طبيعه الملابس اللي تبين تلبسينها ..
اذا كنتي بدول اسلاميه يعني عادي تلبسين العباءه .. لبسج الرسمي في بلادج لانه ماراح تفرق شي
بس اذا بدول اوربا اشتريلج بناطلين وقمصاانيله لين الركبه بتحصلين حركات حلوة وفضفاضه ماتحدد معالم الجسم بتحصلين امور ثانيه بتشكيلات رهيبه وعلى الموضه
وخذيلج اكسسوارات وشوزات سبورتيه او سحاتيه والبوت كعب وهاالمور بس لاتاخذين بوت طووييل لانه حر
بس اذا انتي بدوله اسلاميه اكتفي بالعباءه الاسلاميه ونفس زيج الحين في بلدج

ياعمري ريحي نفسك والبسي العباءة راح ترتاحي وتاخدي راحتك أكثر .,~
والله يوفقك : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

جزاكم الله خير على ردكن يالغاليات

راح أضطر ماألبس عباية للأنه ممنوع وللأسف ورغم أنه الحضور كله نساء لكن طبعا أكيد راح يكون فيه تصوير وعشان كذا ما اريد ملابس محددة وأحتمال يكون فيه رجال

السفر فعلا قريب جدا سأحاول أعمل لفة ثانية على المولات اللي عندنا وإن شاء الله خير

إدعولي أني أتوفق في هذي السفرية وتكون بداية خير لي في حياتك العملية والعامة وإن شاء الله أحاول أني ألتقط صور للرحلة

الله يوفقك حبيبتي تروحين وترجعين بالسلامه يارب

__________________
《اللهم استودعتك أطفالي الذي لا تضيع ودائعه》

لتتجنبي التفصيل أختي

اختاري بلايز طويلة , لتحت الركبة
+
البسي ما يشبه الشال أو الطرحة الملونة على كتفك لأخفاء تفصيل الصدر و الأكتاف
مثل هذه الصورة http://t3.gstatic.com/images?q=tbn:A...FJeueog5dd&t=1
و ثبتيها حتى تشعري بالراحة في تحركك

أو بهالشكل

http://t3.gstatic.com/images?q=tbn:A...HJzu_PtYrw&t=1
يكون عريض, و هذا بتلاقيه بخرجة واحدة , اختاري ألوان سادة و أنيقة

هذا ما لدي من افكار سريعة

موفقة ووافينا بالأخبار

__________________

[COLOR="Plum"]حبيبتي فيه عبايات ملونه وكانها جلابيات بتصمييمها

مااقصد تطريز وشك وموديلات سهره ..لا

اقصد عبايات السفر..تكون بالوان بني ..موف غامق ..كحلي ..رمادي ..ومن هالالوان ونسقي معها شال طويل وعريض
ولثام

لو انتي بالرياض راح ادلك

وارد لى الاخت الي تقول باوروبا البسي بنطال وبلوزه للركبه ...سافرنا لاوروبا ولافصخنا عباياتنا ولا نقاباتنا ..وما لقينا الا كل احترام ..وفي كثير منقبات وبعبايات سودا زيي ..يعني ماحسيت اني ملفته ابدا [

/COLOR]

__________________

لو سمحتي اختي وين المحلات هذي؟

هلا وغلا

تامرين امر وانا اختك

اسمعي حبيبتي
سوق طيبه تلقين فيه عبايات من هالنوع بالهبل ..عدي واغلطي

قولي لهم ابي عبايات سفر ..

وفي بدون اسم بعد تلقينه بالفيصليه

هذا الي بخاطري الحين
اذا استجدت اي معلومه

بجيك هوا يالغاليه

__________________