مساء الخير ..
مادخلت هنا عشان مساعده 😊
لكن حبيت اعطيك نتيجة استراتيجية الدفتر
انها ممتااازه و ماتوقعتها تصل الى دا الحد من التأثير
رغم انى اعترف انه بالبدايه استخفيت انا بالفكره لكن قلت مايمنع اجربها
تنازل عن حاجات ماتوقعت بيوم يغير رايه فيها ..
سفرتنا كانت ممتعه واهدا من اللي قبلها ..
الحمدلله ..
واشكر جميييع الاعضاء اللى تفضلوا بارائهم لي وفادونى ..

اللهم بارك أيش هي طريقه الدفتر نورينا الله يرضى عليك

الحمد لله الذي بنعمته تتم الصالحات

الحمد لله على السلامة وسفرة سعيدة بإذن الله تعالى

اذن مش كل شي مانقتنع فيه يعني غلط!

الانسان يموت وهو لسى ماتعلّم عشر الحياة

الصبر والثقة في الطرف الاخر والتوكل على الله فيه الخير الكثير من حل المشاكل

والله الموفق

__________________

يسلمك 🌷
صحيح مو كل حاجه مانقتنع فيها غلط < حكمه جميله

الحمدلله صبرت و حاولت اضبط نفسي
وابراهيم ماقصر هو كمان < صح مو بشكل كامل
لكنه كان يضغط على نفسه وقدم حاجات جميله
وتنازل عن بعض قناعاته < صح انه فيه شد و جذب بيننا
وانه مايتنازل الا ان شافنى خلاص قفلت ع الاخر بس الحمدلله يتنازل تقدم جداا كبير
ومرتين شفته يفتح الدفتر يشوف انا كاتبه شي جديد او لا ^_^

شكراا جزيلااً لك ..

الدفتر هذا هو وسيلة تواصل قوية بينك وبين زوجك

وذات مصداقية عالية عنده

لذا بين فترة وفترة يجي يشيك عليه يبغى يعرف تفسيرات الامور التي حدثت من قبل

وبالتالي يفهمك اكثر واكثر

والحياة تصبح افضل وافضل بينكما بمشيئة الله تعالى

__________________

بإذن الله ...
وتمنيت لو هو كمان يكتب فيه بس عاد ماكتب ..
احسه مايعرف يعبر ..


فرح ..
الدفتر عباره عن يوميات اكتبها عشان اقرب لزوجى المعنى
يعنى عشان يفهم رغباتي و اقرب وجهات النظر بيننا ..
مش يوميات بمعناها المتعارف ..
ومشت معايا الحمدلله وفهم علي ..

ممكن نخليه يكتب

ولكن بشكل موسمي (في السنة مرة مثلاً)

وممكن نخليها ديجتل (واتس اب مثلاً)

تكون بالطلب المباشر وبشكل محدد

مثلاً تعطيه ورقه وتكوني كاتبه فيه طلبك او سؤالك

وتعالي خذي الورقة بعدين

__________________

فهمتنى غلط ..
اقصد تمنيت انه يكتب مثلي
يعنى يكتب < ماعرف كيف اشرحها ^_^
اى شيء او اقول يكتب حاجات عنه عشان افهمه
مو سوال منى وجواب منه
او طلب و رد على الطلب
على فكره هو لما يقرا كلامى يكاابر و لكن بعد فتره ينفذ
احس مرات انه مو مقتنع بافكارى لكن لانه مايبغى ازعل فينفذ لي
يعنى لو كتبت له طلب بيجلس فتره و ينفذ
لكن ماراح يكتب و لاحتى يعترف كلاميا انه بينفذ ..

المقصد انك تكتبي طلب مثل :
- اكتب عن رأيك في الموضوع الفلاني.
- ليش مارضيت لي اعمل كذا وكذا.
- عارفة انك تحبني ولكني اريد قرائتها، قد ايش تحبني ولماذا؟

وهكذا

__________________

اهاا فهمت ..
عليك افكار حلوه والله 😂
بجربها اليوم وان شاء الله يكتب ..