السلام عليكم ورحمه الله ...

اعتذر عن انقطاعي عن المنتدى وحشتوني والله خاصه بعض الاعضاء الي ساعدوني ماانساهم أبداً باذن الله ...
عندي ظروف منعتني ادخل المنتدى باستمرار لانه المنتدى زي السحر اذا دخلته رح أضيع الظروف الحلوه الي غيبتني عنه 😘

المهم بما انه البال مشغول بامور باذن الله تفيدني وتطورني اكثر واكثر في موضوع صغير ابغاكم تفكرو معاي لانه ماابغى اشغل نفسي فيه ...ولولا أخويه وشكوكه كان شلته من بالي نهائي لاني ماأحب النكد ...

السالفه انه في قريبه لنا ضايفها زوجي في احد برامج التواصل وللعلم هي ماتدري انه هو
وتظهر بعض اجزاء من جسمها زي اليد والعين وامور اخر

مع ذكر اشعار بدون ابتذال او ميوعه زايده

ولاني اعرف نفسي متفوقه عليها حتى في اللون مااكترثت لصورها
وزوجي ضايفها مؤقت ع قوله لانه مفجوع من حركاتها وبيشوف ايش اخرتها ودايم ينتقدها طبعاً

ولاني افهمه هو بالفعل يكره المرأه الي تظهر مفاتنها في مواقع التواصل لكن لما يقول مثلاً يدك اجمل من يدها لما احط مناكير او شي طيب ليه المقارنه ليه في لحظه انا كنت متجمله تذكرها هي ؟؟؟

للعلم زوجي من الناس المتشدده من ناحية صور المحارم لو اصبع مايرضى
فأنا إلى الان بارده تماماً ولا كانه يذكرها او ينتقدها

طيب ايش المطلوب سولفت مع اخويه مره عن البنات الي من هذا النوع وسالفه تجر سالفه ذكرت له قال انتبهي لزوجك لازم توقفيه عند حده احنا الرجال لو انها قبيحه دامها تظهر الشي الحلو فيها فانتبهي لا يوصل لدرجة الاعجاب خاصه انه قريبه وممكن تتواجدو معاها في اي مكان ويسمع عنها امور حلوه
فالرجل دايم يحط في باله انه يستطيع يغير المرأه بعد زواجه منها وقالي هذي المقوله؛؛
الحب يمر بمراحل ينمو ويكبر مع الزمن فتبدأ مراحل الحب بالأعجاب ثم الأرتياح ثم الحب ثم العشق ثم الوله ثم يكون هناك جنون كجنون قيس على ليلاه.!


سالته ايش الحل قال الحل انك تلغي اولاً متابعتها من جوال زوجك ولما يجيب سيرتها مثلي بزعل وعصبيه انك مليتي من كثر مايجيب سيرتها اذا انت تنتقدها سيبها في حالها مو تمتع عينك وتقول عيب حتى انت عيب تشوف

وقالي خليك اوفر أوفر في رفع الصوت😂 كذا بتخربي اعجابه اذا كان معجب
وبيلتفت فيك ومارح يخرب بيته عشان هذي لكن لو وصل لدرجة الارتياح والحب هنا مهما حاولتي رح يجي من وراك فالعبره بالبدايات ...للعلم اخويه متزوج ويقول الحرمه الي تهجد زوجها يهجد والي تسكت تمهد له الطريق ...


انا بصراحه لسى بارده وبالي مشغول عن الموضوع هذا انتو ايش رايكم والله اني أحبكم ياأعضاء منتدى عالم الاسره والمجتمع ،،،،،




تم تغيير العنوان ليتناسب مع المضمون

كيف اصلا رضيت انه يتابعها او ع الأقل يصارحك بأنه يتابعها
غريبة و الله مهتم بأمرها
اما انك تعصبين و تزعلين اخاف يفكرك غيرانه منها

انت قولي له ترضى اتابع اولاد عمي و اقاربي
تلقينه بينجن لو تتابعيهم

__________________
ي رب رضاك و الجنة

من ناحيه المراه الي تهجد زوجها يهجد والي تسكت يتمادى في الطريق
هذي العباره صحيحه ومن تجربتي وصل لابعد حد

لاني ما تكلمت الا مرتين وكان نقاش هاديء وبالاخير طلعني الغلطانه

اشكيلي وأبكيلك ، انقرفت من زوجي وكثرة متابعة البنات في انستغرام شيء مرررة تافه ..
عارفة البنات بالانستغرام اللي يتمايعون ويصورون انفسهم دايم ويغنون ويرقصون اومدري ايش الاقي زوجي مسنتر عندهم 😟 انا نفسي مستحيل افتح حساباتهم من كثر ماهم مقرفين ..

اخوك صادق بكلامه ..

اسمعي نصايحه ..

كلام اخوك صحيح .. واضح انه معجب فيها والا ما قال لك انتي احلى منها وهاذي محاولة غبية منه انه يثبت لك العكس ..
لكن نصيحة اخوك برفع الصوت يمكن تنقلب ضدك .. انتي اختاري الاسلوب اللي يتناسب مع شخصية زوجك .. لكن لا تستمري على برودك وسكوتك على الموضوع ..

مشكورين يابنات 😘😘ربي يسعدكم انا في الامور هذي مااحب التمثيل لكن بحاول أجره في الكلام حتى يستثير غيرتي 😂وبعدها بشوف ايش يطلع معاي


أبغى رأيي الرجال ☺️

أخوك معه علم .، أسمعي كلامه

مستحيل الرجل يضيف وحده بدون ما يكون في سبب عاجبه وعذر بشوف اش اخرتها هذا مدري كيف مصدقته

اهلًا اختي عوده حميده

فعلا إنتي بارده

يا اختي الرجال الا ما رحم الله يظهرون امام

زوجاتهم شي و يبطنون شي اخر

و انا مع كلامك اخوك لكن اختلف معه في

مسالة العصبية

صار لي موقف شبيه بما مر بك لاكن وقفته عند حده وبينت له اني ماراح اسكت له بالفعل تركه