السلام عليكم ورحمة الله
طبعا العنوان جدا ملفت للنظر ولكن سوف اقص عليكم سالفة احدى الصديقات
فهي كانت رحلة طويلة وكان جنب مقعدي رجل افضطرت لتغير مكاني مع رجل اخر وجلست مكان الثاني

وكان بجوار المعقد الي غيرته امراة
كالعادة الرحلات الطويلة محتاجة الي سواليف وهدرة ..المهم تبادلنا الكلام من وين انتي والي اخره ثم بدات

تحكيلي عن قصة حياتها كانها تعرفني من زمان وماخلاها ترتاحلي بعد ان شافتني طلعت وردي من القران

وبدات اقرا واسبح لله وادعو بسفري وهي اعترفت لي بذالك له الحمد والمنة

المهم المراة تزوجت صغيرة ثم مات زوجها وترملت وهي صغيرة ودخلت في متاهات الارث وما االارث مع

اخوان الزوج وبهذولها اخر بهذلة لدرجة انهم هددوها ان لم تتنازل عن حقها في الميراث راح ينتقمون منها

تركت لهم الجمل بما حمل ونفدت بعمرها البنت يتيمة لا اب ولا اخ ولا اعمال ولا اخوال يحمونها انجبت من

زوجها ولدين واخذت ولديها وهاجرت الديرة الي كانت فيها ..ثم بعدها تزوجت من واحد متزوج لكي تستر

على نفسها وتعيش الثاني الي تزوجها في السر وشرط عليها انه مايقول لزوجته الا بعد فترة من الزمان

تقول,,عشت معه في اهانة وضرب وماكان يعطيني مصروف ويتاخر عن دفع الاجار الثلاجة دوم فاضية الي

كان شايل مصروف عيالها احد من اصدقاء ابوها الله يرحمه كان يرسل لها مبلغ كل شهر وابوها كان له فضل

على هذا الشخص ومانسى المعروف فصار يساعدها

المهم زوجة زوجها عرفت انه متزوج بالصدفة وجاتها وبهذلتها وطيحت بكرامتها الارض وقالت له طلقها يا انا

ياهي وبالطبع هو سمع كلام زوجته وكان مصيرها الطلاق بعد باختصااااااااار شافت ظلم مابعده ظلم

خلال فترة عدتها تعرفت على واحد بالنت والشخص هذا كان يساعدها نفسيا على انها تطلع من ازماتها

النفسية لدرجة انه كان يفكر لها بكل شى هل هي اكلت شربت نامت زين محتاجة لشى يعني احتواها

بكل حنان الكون وكان برضه يرسل لها مبلغ كل شهر من باب المساعدة لها ولعيالها ..وعلى كلامها ان

الشخص يخاف الله وكان يخاف عليها كثير واذا طلعت برى البيت مايطمن الا لما ترجع بيتها يعني كان فيه

الاب والاخ والحبيب وكل احساس هي انحرمت منه طبيعا ياجماعة انا احكي لكم القصة باختصار وباسلوب

غير اسلوبها لانها يوم تحكيلي قصتها نزلت دمعتي تاثرررررررررت حيل

طبعا الشخص هذا طلب منها الزواج وانه يسترها ولكن هو بعد وضعه بالنسبة لدوامه حساس والشى

الثاني مايقدر يعلم زوجته لاسباب شخصية لم تذكرها ولكنه دائما كان حريص على مصلحتها وكان يقولها

اذا تقدم لك شخص اخر افضل مني تزوجي اهم شى سعادتك انتي

الحب بينهم كان موجود ولكن وضع الرجل كان غير مناسب للزواج وهي تعبت من انها دائما تصير مخفية في

الصورة فضلت العلاقة بينهم انه يدق عليها وويتطمن ويرسل لها مبلغ كل شهر ويساعدها تعودت عليه

وتعودت انها ماتاخذ اي قرار بحياتها الا ولازم تشاوره لانه كان الكل بالنسبة لها لا طمع فيها ولا فكر انه

يتزوجها ويكون اناني بل كان يقولها انا بكون اسعد انسان لو انتي سعيدة وحتى وان كان مع غيري

شاءت الاقدار ان تقدم لها واحد وكان الشخص هذا مناسب جدا لوضعها قبلها هي وعيالها وقالها لو تزوجتك

بعلم اهلي وانسان يخاف الله فكانت مواصفاته جدا فيها مرونة للبنت بعد تفكير طويل وافقة انها تتزوجه

عشان تحمي نفسها من غدر الزمان وماتصير عالة على احد وتزوجت بدون مايعلم حبيبها تقول ماودي

اجرح شعوره ولا اذبح احساسه لاني اعرف انه يحبني ولا يتمنى اني اكون حق غيره وان كان قالها لي

بلسانه فهو غير صادق هو ساعدني وعطاني حنان وعطاني الامان الي ماقد حسيته حتى مع ابوي فكيف اجرحه؟

للمعلومية تقول من خطبها هذا الاخير قالت له اني انخطبت عشان تشوف ردة فعله ودخل مستشفى وصار

عنده ارتفاع بالضغط وخافت عليه وهو حاول يخفي عنها ولكن تقول من قوة احساسي فيه وحبي له عرفت

ان عنده مصيبة وانه مريض فلما شافته كذا خبت سالفة زواجها عنه تماما والان هي صارها سنتين متزوجة

ولايدري لانها تدق عليه بوقت مايكون فيه زوجها باليبت وتتواصل معه عادي مثل زمان تقول رغم انه حس

بتغيري ولخبطتي في الوقت ويقولها يافلانة انتي متغيرة انتي عندك شى وهي تنكر دائما وكل يوم لو دق

وماردت تقوله حجة ومشية حالها معاه تقول مابي اجرحه لانه قدم لي الكثير وحسسني اني انسانة فلم

احس اني انسانة قبل لا اعرفه

زوجها هذا الاخير عايشة معه حياة عادية تقول مافيه رومنسية ولا حتى يتهم فيني ولكن على الاقل

عايشة معه بسلام وجاني مشاكل لا من اهله ولا من زوجته وعايشة على المقسوم ولي كتبه ربي

تقول مستحيل اعترف لمن حبه قلبي اني متزوجة ومستحيل اجرحه وفي نفس الوقت

خايفة من عقاب الله وانها تخدع زوجها فما الحل ؟؟


اااااسفة كثير طولت عليكم بس حبيت احكي لكم القصة

وسوف انقل كل ردودكم للاخت عبر الهاتف لان هي ماتدخل نت ..

لاحركم ربي الاجر وبارك الله فيكم

وهي كده تحكي اسرارها الخطيرة لواحدة اول مرة بحياتها تشوفها ؟

ولما هي ما تدخل نت كيف تعرفت على [ عشيقها ]

وهو بعده يرسل لها فلوس ؟

__________________

والله هذا الي صار وحكت لي عاد يمكن مخنوقة البنت وتبي تسولف ومثل ماذكرت الرحلة كانت طويلة
هي كانت تشبك نت اول والان ماعندها نت بعد ماتزوجت وعلاقتي فيها لازلت قائمة واتصل فيها وتتصل فيني من بين فترة والثانية وامس دقت علي وفاتحتني بموضوع انها تحس بالذنب وقلت اطرح المشكلة بالمنتدى
ماادري هل لحد الان يرسل لها فلوس ولا لا

نريد كلام يصيب القلب وينزل خشوع بقلبها وليس لوم وعتب لاني انا لن انقل لها االلوم والعتب
بنقل لها ردود فعالها وتحسسها فعلا بالذنب وتبطل تكلم عشقيها

ماشاء الله

يعني اللي ضربها ما عجبها واللي عايشة مستورة ما عجبها ؟؟؟؟؟؟؟؟؟؟؟؟؟؟؟؟؟؟؟؟؟

هذا وتدور الستر ؟

مافكرت في زوجته

خايفة على شعور حبيب القلب وما خافت من ربها ؟

__________________

ولما الرحلة طويلة تقعد تسبح وتذكر ربها وتستغفر بدل ما تفضح نفسها وتجاهر بحب عشيقها اللي مو قادرة تتركه وخايفة عليه وهي متزوجة

__________________

قال ايش لا تلوموها ؟؟؟؟؟؟

اسمعي خليها تحس بنعمة ربي عليها لما انقدها من زوج يضرب وبخيل واكرمها بواحد محترم وهي تخونه في غيابه مع واحد يخون زوجته


لو رجع زوجها فجأة ولقاها تكلمه ؟؟؟؟؟

اعتقد اقل شي بيرميها وهالمرة مع سمعة ؟؟؟؟؟؟؟

عاد وهي حرة

واصلا هي ما عطت نفسها فرصة تحب زوجها

هي تبي واحد يصرف عليها وعلى اولادها بس

لكن ما تبي تبدل جهد لتحبه لان قلبها معمي مع العشيق

__________________

حبيبتي ...
.
.
الحل أنها تتركه .. تغير رقم موبايلها وتنسى وربي الحمدلله عوضها بانسان يخاف الله فيها .
.
.
فلا تجحد نعمته بعمل يسيء لها أمام الله وأمام نفسها وسمعتها .
.
.
خليها تتوب إلى الله ((فمن تاب من بعد ظلمه وأصلح فإن الله يتوب عليه )) .

__________________
عِنْدَمَا أَتحَدَثُ إِلى طِفْلٍ يُثِيرُ فِي نَفْسِي شُعُورَينْ :الحَنَانُ لِمَا هُو عَلَيْه وَ الإحْتِرَام لِمَا سَوْفَ يَكُونُه . (( لُويْس بَاسْتُور 1822م - 1895م))

بصراحه العنوان ينرفز فعلا صديقتك هذي المفروض تقدر نعمة الله عليها انها لقت رجال يستر عليها ويتزوجها وهي ارملة ومطلقه وعندها اولاد بالزمن هذا فيه بنات قاعدات بالبيوت بدون زواج وهذي انعم الله عليها بالزوج الي يستر عليها وتخونه بكل بساطه طالما انها ماتصبر عن عشيقها هذا وهو ماشاء الله حنون وطيب زي ماتقول رغم اني ماني مقتنعه ان فيه واحد طيب ويخاف ربه يخون زوجته بالسهولة هذي بس نفترض انه زي ماتقول ليش ماتزوجها وصارت علاقتهم بالحلال ؟؟
الحين المفروض تخاف ربها وتقدر النعمه الي هي فيها وتحافظ على زوجها وتصونه وتقطع علاقتها نهائيا بعشيقها هذا وتتوب لربها توبه نصوحه عن ذنبها علشان يوفقها الله في حياتها هذا هو الحل ولا تخلي ابليس يسهل لها العلاقه الحرام مع عشيقها ...لو كان عشيقها هذا يحبها كان تزوجها بالحلال او قطع علاقته فيها نهائيا لو كان مايقدر يتزوجها .

__________________
يسخر من الجروح ... كل من لا يعرف الألم

خليها تفكر كيف تدير حياتها .... وتبطل حركاتالمراهقين هي وعشيقها ويمكن لوتزوجها ما رضي بها


لأنه عارف انها خاينه والطيور على أشكالها تقع !!!!!!!! أخاف ربي يسلبهم النعمة الي عندهم بسبب


الذنب !!!!!!

وبعدين كيف ترضى بانسان خاين يخون زوجته بكره بيخونها ويتعرف على غيرها نسأل الله السلامة ...


والله لو أنا والعياذ بالله في مكانها لأترك أهله وأهتم بأمورري بيتي وزوجي هذي أصلا تعبانه وقهرتني


مرررررررررررررررررررره هي والتعبان الي معاها