من مذاكرات يوم الخميس اليوم الجميل
بسم الله الرحمن الرحيم
السلام عليكم ورحمة الله وبركاته
لقد قررت ان اكتب لكم واضيف موضوعي هذا طبعا انا متزوجه صار لي ثلاث سنوات ومعاي بنوته عسوله عمرها سنة ونصف بس حبيت امهد واعرف عن نفسي ههههههههههههه مالي داعي معليش اتحملوني دخلت الموقع وبطلع عيونكم
بعد مرور يوم من صباحه نكد في نكد على الرغم من اني قمت بعمل توست الحب افاجئ بعزومة مالها راس ولا رجلين توكلت على الله وقلت ما يخالف ما في مشكلة من اجل عيون حبيبي الغالي اللي من الصبح وانا وياه نعاند بعض وبصراحة كذا انا عرفت بالضبط اليوم المحدد لمزاعلنا مع بعض"المقصود انا وحبيبي زوجي روحي وعيوني وكل دنيتي"
تاكدت تماما ان اليوم اللي يكون الناس فرحانين ومستانسين فيه احنا نكون العكس تماما
المهم عرفت بالعزومة بعد صلاة العشاء مباشرة عشان اكون منصفة في حقي وحق زوجي
طبعا انا ارتفع ضغطي واحمرت وجنتاي من الغضب وبديت اكلم نفسي واقول هالرجال مصر يخربها في اليوم هذا مو مشكلة طبعا لازم اسوي اكلات شعبية لوجود بعض كبار السن من الرجال فقلت لاباس واكلتها على مضض مو مشكلة سويت طبعا المقروق والارز وحلفت اني ما سوي غيرهم من العناد
المهم بدات بالمروقوق وطلع جنان طعمه في الراس وتاكدت من سلامته وخففت النار عليه ترى كلامي هذا عشان تتعلمون تطبخون الزبدة يا اخواني دخل زوجي الساعة عشرة طبعا الارز معاه لحم بس وش حلاتها ذيك اللحمة طلعت عيونها وهي مانضجت تدرون ليش لانها لحمة جمل ولا الجمل كبير طبعا هذا كلام البابا الحبيب الله يخليه المهم من الساعة 8ونصف وانا ماشوف الارض مجتهدة بعملي لا والمعازيم بيتكلمون عن عشاي عند حريمهم لا عادت عليها من عزيمة حطيت الحمة في الكاتم الساعة عشرة وقلت تاخذ لها نصف ساعة لانه ما رضت تنضج وهي عادي قلت يمكن الكاتم ينفع وطبعا زوجي يدخل ويطلع جنني ياناس اخر شيء وللاسف عجزت اتحمل قلت له يابن الحلال اطلع والاتراني والله والله ما اكمل عاد شوف من بيكمل الاكل للشيبان العواجيز اللي انت جايبهم ، نظر زوجي لي نظرة حقد وقال انا بوريك بس اصبري شوي طبعا انا قلت الظاهر اني بسويها مشكلة عند هالشيبان وبحركة مكر وحيلة لعبت عليه من وراء قلبي وقلت طيب يا عمري انا بخلص الساعة عشر ونصف ، قال طيب انا طالع قلت بس لاتنسي حبيبي ما تجي الا الساعة عشرة ونصف طبعا راح وعيونه في السماء من الزعل المهم قلت انا بكيفه بخلص شغلي وبالليل اوريه بطير النوم من عيونه من القهر المهم نسيت الرز احترق لا لا لا الحمد الله ما احترق لكن صار جريش على غفلة مويته كثيرة وبنصف ساعة وش تكفي اسوي رز من جديد
توكلت على الله وقلت يا ام اسامة هذا مو طبع الحريم السنعات سوي رز من جديد وبغضون نصف ساعة طلع الرز يضحك يعني نصفه كويس والباقي على قولتهم حب جاء زوجي وبنعومة هاه حبيبتي خلصتي طبعا انا اتفاجات وجلست اطالع فيه حضرتي مستغربة لايكون يسوي معاي مكر وحيلة قلت عطيه بس واخلصي المهم عطيته وانتهيت جاء دور الاواني المنزليه(على بالي لغة عربية) ايش فيكم عادي غسلت المواعين(يمكن هاذي احسن)
طبعا خلصت صارت الساعة 11 ونصف والله يازين النوم فكرت اني انام قبل ما اسوي مشكلة بس قلت يا ام اسامة وين المكر والحيلة لا تنامين هالرجال هذا لازم يعرف مكانتي ويعلمني من قبل بيومين علشان استعد نفسيا لحركاته الحلوةالمهم دخل علي بصحون خالية من الطعام شفت الصحون وانا قاعده اطالع حسيت بقبلة على جبيني وفيه احد يقولي تسلمي يالغالية على هالعشوة اللي تجنن انا عاد دورني من الفرحة مدري وش اسوي بنفسي طبعا رميت نفسي بحضن زوجي وقلت احبك يا........... المهم امام الباب كان فيه ولد صغير عمره 4 سنين جالس يطالع فينا ابعدت بسرعة وقلت روح شوف الرجال اللي عندك طلع زوجي وراح للمعازيم جاء الولد ورمى نفسه بحضن ابوه
طبعا ابوه زعق له وابعده عنه وقاله عيب ياولد وش انت تسوي
ببراءة طفل قال أبو اسامة توه مسويها مع زوجته
تكفون لا ترحمون زوجي الموقف محرج بالحيل ياليتنا بلا هالحضن هههههههههههههه
وانتهينا وجاء زوجي وقال والله اني وجهي اليوم انغسل بمرقه وايدام ههههههههههههههه
طبعا قالي انه لقط وجهه من عند هالمعازيم الى ان ذهبوا وجاء اليّ
طبعا عروستي بنوتتي عصفورتي العسولة نايمة كل فترة العزيمة قامت لي على الساعة 12 تقول ماما؛ ياعيني ياسلام على هالليلة قلنا ننام احسن وبلا هالرومانسية ناجلها ليوم الجمعه
على فكرة كل يوم خميس من اوله زعل الى الساعة 11 وينتهي الزعل لاني ما ارضى ينام زوجي وهو غضبان
وتسلمو والله انكم صبورين بس معلومة الصبر مفتاح الفرج وهذا الفرج جاكم يلا ردوا والا ادعوا لي بالهداية عن سرعة الغضب وشكرا
وتقبلوا تحيات ام اسامة البطل المجاهد ادعو لي ان الله يرزقني اياه بعد سنتين وشكرا