مساء الخير اخواني واخواتي
أنا عضوة قديمة في المنتدى
لاعتبارات معينة اضطريت اسجل بمعرف جديد


كان عندي خلاف كبير مع زوجي
تركته وذهبت الى بيت اهلي
وقبل فترة قصيرة توظفت الحمدلله
هو بعد شهور حاول يرجعني ورفضت
توسطوا له اهله
وارسل رسائل وكلم مية مره
ماكنت ارد
بعد ضغط منه ونصايح اهلي
استخرت
وقررت ارجع له بشروط
جاء لعندي وسمع شروطي
وافق عليها كلها
هي قائمة طويلة
فيها تعهدات ومطالب
منها اني ابقى بعملي
ووافق
هذا الكلام قبل أيام
وانا طلبت وقت للرجعة
حتى ارتب اموري
قال اوكي


اليوم تحديدا كان عندي ضغط بالعمل
وكلمني وتعذرت بانشغالي
بعدها دقيت عليه المساء
لقيته يسولف طبيعي
وفجأة بدا بموال جديد
يقول هالوظيفة ماتناسبك مو مستواك
وانتي مؤهلك افضل واعلى
فلانة وعلانة وظايفهم احسن منك
رغم ان مؤهلاتهم اقل منك (ناس من اهله)
وكلام محبط وسلبي جدااا جدااا
انا دايركت ذكرته بالعروض اللي ضيعها علي
لما كان رافض اشتغل
وهو قال كان بامكانك تتمسكي فيها زي هذي!
قلت له طيب انتهينا وانت وافقت وخلاص
قال اكيد انا عند كلامي لكن مقهور عليك!

طبعا كلامه هذا نرفزني
لاني احمله مسؤولية احباطات كثيرة بحياتي
مارسها علي بفترات مضت
وجاي الحين يشفق علي
صحيح الراتب متواضع والوظيفة بسيطة
بس افضل من اني اجلس عاطلة صح؟


انا متوترة واماطل بالرجعة
وبنفس الوقت قلقانه بشكل عام
رغم وعوده وتطميناته
وانه تغير وصار انسان جديد الخ
بس مو مرتاحة
وشايله هم أمور كثيرة
يعني في خوف وقلق داخلي


هو يكلمني من وقت للثاني
وقايل لي بعطيك مهلة أسبوع ترتبي امورك
حتى يجي وياخذني للبيت
بس أتذكر الأمور اللي صارت بينا قبل الخلاف
واحس بضيقة بصدري
واخاف نرجع لدائرة المشاكل بعد عملي
رغم انه اكد لي بحضور اهلي موافقته
بس ما اعرف قلبي ناغزني


النقطة الأخيرة
وقت المشكلة كان يحول لي مبلغ ضعييف اخر شهرين
قلت له اني قمت بمصاريفي انا والأطفال
وان المبلغ اللي ارسله ماكان يغطي
قال انا اخذت رأي امي بالمبلغ اللي ارسله لكم
وهي قالت لي: كويس ترسل غيرك مايرسل شي!

زوجي كلام امه عنده شيء مقدس
وجملتها هذي كشفت لي أمور كثيرة
مع ذلك قلت له اللي فات فات
انا يهمني المستقبل
قال ابشري مالك الا اللي يرضيك
ومصروفك اللي تبيه بيجيك لعندك



طيب
انا ندمت بعدها
لاني ماطلبت منه يعوضني عن اللي دفعته
يعني بأثر رجعي
في الفترة اللي كنت ببيت اهلي
وكنت شقيانة مع نفسي واطفالي
هو ماعوضني عنها ماديا
وانا ماطلبت بصريح العبارة
واكتفيت بوعده المستقبلي
وهو يقول بعمل لك وافعل لك وادلعك الخ


ما ادري تفكيري ملخبط شوي
بس حبيت افضفض معكم عن مستجداتي

اختي الكريمة لانعرف ماهي مشكلتك الاساسية معه
لكن بما انك استخرتي واستشرتي وعندك اولاد لمي شمل عائلتك وانسي الماضي
بالامه وامواله
اهتمي بحالك وجهزي نفسك وادخلي بيتك متفاءلة بالمستقبل
والله يصلح شانك كله

هذي مشكلتي.. ابغى ادخل بيتي بتفاؤل
بس كلامه اليوم وترني
انتقاده لوظيفتي.. وكلامه عن دور امه السلبي بالخلاف

ما تغير ، اسلوبه نفس ما هو ، انتي فاكره في كم شهر راح يتغير!

وكلامه عن امه مش ضروري يكون صحيح ممكن حب ما ينحط اللوم عليه ، لا تصدقين كل شي

حابه اعرف شو كانت شروطش ، اعتقد انها شروط مو فعاله بشكل كبير ، اهم شرط المستشار الاسري

اذا رضى بهالشرط راح يكون بالفعل ادرك كبر اخطائه ويحاول بصدق انه يتغير ويتطور

اما شروط اني اشتغل وما استأذن في كل مره عند الخروج وممنوع الضرب وووووو ، هي شروط ممكن تصير مؤقته لين ما يطيح الي براسش

زوجش ما يحتاج الى شروط اكثر من ما محتاج الى تغيير فكري ونفسي وهذا ما راح تحققه هالشروط

يحتاج هدم افكار خاطئه وبناء افكار صحيحه وهادفه

__________________
وهل من مصير اخر ؟

شروطي يا كوكي فعاله لي انا
لاني اشترطت امور كثيره لتحسين حياتي
تفاصيل التفاصيل
كل شي كان رافضه طلبته
حتى اشتراك بالجيم مده سنه
يدفعه ويوديني ويجيبني
ما اقدر ادخل بالتفاصيل واوضح
لكنها تعهدات وطلبات مكدسه

المستشارين الاسريين طرقت ابوابهم سنين
وشايفه حالي من سيء لاسوأ
التغيير ينبع من داخل الانسان
تفكيك الافكار يحتاج اراده وعزيمه
والتوفيق والتسخير من رب العالمين
صدقيني محد دفع وتخسر كثري
استشارات من جوا وبرا البلد
واخرتها معلقه فوق 100 يوم ببيت اهلي


انا عقلي اختار الرجعه
بس قلبي متشكك

عرفتك
الحمدالله ان الصلح تم
والحمدالله انك توظفتي
تمسكي في وضيفتك ولايحبطك كلامه
الوظيفه امان مستقبلي و برضو تنشغلين فيها عن مشاكلكم
بالنسبه للمصروف دامك ماطلبتي تعويض من البدايه فما احس حلوه الحين تغيرين كلامك
بس بطريقتك مستقبلا اخذي منه مصروف حلوو يكفيك انتي واولادك

فعلا الوظيفة اشغلتني كثير الفترة الماضية
لدرجة وقفت شكوى ومتابعة لمشكلتي
لحد ما انحلت بأعجوبة

زوجي خصص لي مصروف شهري مجزي
يعني من بداية الشهر الجاي
وكنت راضية بموافقته
بس بعدين فكرت بالشهور الماضية
وحسيت انه المفروض يعوضني عنها
لاني شبه فلست بسبب المصاريف

دامك ما طلبتي يوم حطيتوا الشروط ماله داعي تطلبين الحين
وثانيا احنا ما نعرف مشكلتك
وصعب احكم لان ماشوف الا اندفاعيتك فقط
ثالثا تصدقين يا اختاه بعد حالة الملل الغريبة اللي جاتني صرت اشوف مشاكلكم هذه لا شيء😬
والله يصلح حالنا و حالكم و حال جميع المسلمين

امين

كم لكم من طلاقك

__________________
اللهم احفظ لي بنتي فهي فرحة عمري وضحكة سنيني ..