مساؤكم جميل
الحمدلله جاتني شغالة ووكويسه ارتحت لها المشكلة في زوجي فهمته مايسولف معاها ما ابغاه يتواجد معاها في نفس المكان وقت ما اكون غايبه او نايمه مره تزاعلنا عشان هالنقطة على قولته بتقيدني حركتني عشانها
المشكلة انا ارجع من دوامي بعده يكون هو والعيال والشغالة في البيت واجي الاقيه هو والشغالة يسوون غدا لمحت له مافي فايدة اليوم لم جيت حسيت ضغطي اتش بنفجر وماقلت ولا كلمه وحسيت كلهم لاحظوا وحاول يلطف الجو ويسولف عادي تعوذت ومشيتها له بس اليوم بالليل بقولها له صراحه لا عاد الاقيك انت والشغالة في المطبخ يا تطبخ هي يا تجهز وتطلع وادخل بعدها انا ما ابغى كل مره اكلم الشغالة لاني كلمتها قبل كذا وانا محتاجتها وهي ماتخالف كلامي بس هو وش اسوي المفروض من نفسه يعرف ان هذا الشيء غلط ويتلافاه
اعتبروها فضفضه على استشاره واعطوني رأيكم والرجال لا يقولوا استغني عنها لاني ما اقدر

لا حول ولا قوة ألا بالله

أنتبهي لا تبينين لخادمتك أنك تتضايقين من هذا الوضع

أمسكي نفسك وبيني لها أنك واثقه من زوجك


لا تسكتين له تفاهمي معه قولي له لا تدخل عندها في المطبخ

هذا عملها وهو يجلس مع الأطفال لما ترجعين من دوامك


والله ما وراهم ألا الغثا

تكلمين الخدامة في شو؟ .. هي مالها علاقة.


للأسف ما في حل ما دام زوجج شايف إن ما في مشكلة.

__________________


اللهم طِيبَ الأثر .. وحُسْنَ الرحيل.

احسني الظن
وين تبغينه يروح ؟
وش رأيك يطلع برى البيت ؟

وليش الشغالة تطبخ ؟؟ الطبخ مو شغل الشغالات ابد.. الشغالة تساعد في غسل المواعين والتنظيف..

وبعدين تقولي زوجك كان يصلح الغداء.. اجل خلاص خليه هو يصلح الغداء وبعد ما يخلص الشغالة تدخل المطبخ ..

اشوف انو غيرتك زاااايدة عن حدها
كمان لمن كل شويه تنبهيه وتكلميه بخصوصها
كانك تفتحي عينه على شي هو اصلاً غافل عنه

نصيحتي استودعيه عند الله وخلاص
او انك تخرجيها واخدمي بنفسك بيتك

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

هذي النقطة الي كنت بتكلم عنها ..

يانرجسية إنتي الي تنبهين زوجك عالخادمة وإن كان ينظر لها نظرة عادية
بسبب تنبيهاتك ممكن تحلى بعينة !

من رأيي لاتكلمينة بأي شي وإستودعيه الله وياليت تشوفين حل بموضوع دخولة للمطبخ إن إنتي موحابة يدخل المطبخ مو بسبب الخدامة لان شغل المطبخ تخصص الزوجة مو تخصصة يعني استخدمي هالحجة وبس

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

والله حاله !

يااختي الدنيا ماتجي ع الكيف !

تبين شغاله وتقولين لاأحد يقول استغني عنها !


وتبين زوجك مايدخل المطبخ وتغارين عليه !


مافيه حل الا تتأقلمين مع وضع وطبع زوجك بالتعامل مع الخادمه وهذا فيه مآخذ شرعيه اهم من غيرتك عليه !


او وابقولها لو زعلت هههههه

ا س ت غ ن ي عن الشغاله

وقومي بخدمة بيتك وأهل بيتك وريحي دماغك

او

اتركي وظيفتك

مثل ماقالت مهره دام زوجك ماحس ان فيه مشكله فهذه بحد ذاتها مشكله ههههه

سبحان الله
تبين شغاله ووظيفه ورجل ع طوعك لايرى ولايسمع ولاحتى يتنفس الا بشورك
لكل شيء ضرررررريبه فتحملي مايجيك
ومن بغى الدح ماقال آح ...

ودمتي سالمه غانمه 🌺

هل دخوله للمطبخ ضروري؟!!

من حقها الزوجة تغار، ﻷن الشغالة مهما كانت أنثى والشيطان يستشرف الأنثى والرجل قد يتعود عليها شيئاً فشيئا إلى أن يصير شئ طبيعي بالنسبة لهنا وبعدها يحصل أمر ما هو طيب، أما احسان الظن فأمر مطلوب ولكن حركات الشخص وأسلوبه تضعه في دائرة سوء الظن. لكن لا اقصد أنك تسيئ الظن بزوجك، لكن حاولي تقنعيه بهدوء وتجيبي له حل إذا كان هو لازم يدخل المطبخ مع الشغالة، كأن يترك الشغالة تخلص وبعدها يدخل أو العكس. والرسول صلى الله عليه وسلم ما خلا رجل بامرأة إلا كان الشيطان ثالثهما، أو كما قال صلى الله عليه وسلم -.

قولي لاتدخل المطبخ ولاتطبخ
وجهزي أمور الغداء كلها بالليل يصير تجين يادوب تطقطقين بالقدر وانت مخلصه
يعني مثلا تسوين صينية وتجهزينها يصير بس تنحط بالفرن خليها الين تجين او الشغاله تحطها
بتطبخين مثلا كبسه سوي اللحمه وكل شيء يصير باقي الرز تحطيه لاجيتي وقدك مقطعه السلطه
وهكذا
او تعلمين الشغاله الطبخ وتطبخ ، بس كثير رجال مايعجبهم وضع الشغاله تطبخ شوفي زوجك اذا عادي كمان حل لك ..

المهم زوجك لايدخل المطبخ
واذا مرا يحب الطبخ ومتعود يطبخ ، يخليه عشاء
تكونين معاه ، يمكن محتاج مساعده وقت الطبخ فيناديها ..

__________________