السلام عليكم ورحمة الله وبركاته
مدري من وين ابداء
انا قد كتبت لي مشكله سابقه هنا المهم ماعلينا
انا تقدم لي شخص عمره 35 سنه كان متزوج وطلق زوجته وعنده منها ثلاث اطفال
بنتين وولد البنتين يعيشون معه والولد مع امه اللي عرفت انها ماتحملت تعيش معه بقريه وماتبغاه وراحت للجده
عند اهلها وطلبت منه الطلاق وتركت بناته معه وراحت وخلته وانها انخطبت وهي على ذمته ورفض يطلقها لين هيه ماطلبت الخلع
بس البنتين يعيشون مع امه وخواته بنفس العماره يعني كل واحد معه شقه من اخوانه
تزوج وحده ثانيه جاب منها ولد وراحت عنه نفس الشي والسبب انها مو حقة مسؤليه ومو متقبله بناته ممرا
حتى اذا ابوهم مو موجود خالاتهم مايخلونهم ينزلون لمرة ابوهم وهو مو موجود
راحت عند اهلها حاول يرجعها بس هيه رافضه سوت له بلوك بالواتساب على حسب كلام اخته لي
وانها مو حقة مسؤوليه ابد
هو مؤذن بمسجد وموظف مدني وله شقه ملك .. ماعنده الا هالثنتين هالبنات بس
لكنهم عايشين مع امه وابوه يعني بنفس العماره اللي هم فيها
زوجته الثانيه هو رافض يطلقها الا اذا طلبت خلع لان عنده طفل منها على حسب كلام اخته
طبعاً اكيد ماراح اخذ بكلام اخته يمكن تخبي عن اخوها شي لازم نسأل عنه
انا استخرت ومرتاحه له تمام الراحه ولأهله ولأخواته وكل شي !!
بس امي وخواتي رافضين اخذه بحكم ان عمري 23 سنه واني باقي صغيره وبتسكنين بعيد عننا
وبمنطقه ثانيه بس ذي مافكرت فيها لا كان فيه توافق نفسي وانسجام بين الطرفين
اخته قالت لي عادي ينقل من المكان اللي هو فيه بس يقعد سنه لأنه مايقدر يفتح بيت بمدن
يعني الرجال على قد حاله وبرضو على المهر تقول 40 بس !! احنا يا 50 او 60 مهورنا من غير الذهب والصاله والعشاء
انا احترت جد !! خواتي رفضوا هالفكرا وامي برضوا
خطبوني مرتين بس امي رفضت الفكرا وكلهم وحتى اخوي ماقالوا له اني انخطبت صرفوهم على ان اخوي رافض
انا ارتحت له
بس مو يقولون الأستخاره اذا استخرتي تتييسر امورك ؟ ولاكيف ؟
انا خايفه اصر عليه وبعدين يكون مصيري مثل اللي تطلقوا ؟
بناته بشيلهم بعيوني واربيهم ومابقصرعليهم والله لايجعلني اظلمهم بيوم
وبحترم امه وابوه !! ولأن ماعندي اب بعتبر ابوه ابوي الله يرحمه
بس افكر كثير اخاف اجازف وماني عارفه وش اسوي وش القرار الصح البنت واهلها مرتاحين لي كثيير !!
وانا ممرا مستحيه اني اتناقش مع امي بالموضوع ذا لأنها رافضه الفكرا وبنفس الوقت البنت عندها امل انهم يوافقون بيوم !!
تقول عادي نخطبك اكثر من ممرا اش المشكله
مممرا محتاره ااقول للبنت خلاص لاتحاولون ؟ مو عارفه
وامي رفضت هالخاطب من الأساس الا لأني مخطوبه من قبل بس خطيبي فصخ خطوبته مني
وممرا متحطممممه بس مو معناته اي احد يخطبني اوافق مستحيل لازم بعقلانيه افكر
بس جد جد محتتتتتتتتتتتتتاره مممرا مرتاحه للشخص ذا وحبيت بناته من كل قلبي امنيتي اربي بنات كذا
وفي نفس الوقت افكر اني حرام اني اقهر زوجته واتزوج !!
اشياء ببالي متلخبطه ماني عارفه كيف اسوي

كل المعطيات ماتشجع !

وهم صادقين أمك وخواتك ليش ترمين نفسك هالرمية ؟! وش ناقصك عن البنات تاخذين واحد إنتي أول فرحة في حياته ! هذا بدال المرة جرب ثنتين ياحظي وعيل منهم ! أوك مو مشكلة العزابية تاخذ مطلق بس على الأقل بدون أطفال وإن وجد واحد فقط وهذا برضوا في أضيق الحدود ..

غيير إنه مايطلق كل ما وحدة عافت العيشة معه قالها أخلعي ! لأنه نذل .. عارفة إش يعني خلع، يعني ( ادفعي ) ..! معقولة الثنتين معيوبات وهو الكامل المكمل ! سبحان الله

بناته يابناته؛ اسمعيها منـي أي وحدة تتزوج أبو بنات الله يعينها بيصيروا لك مثل الطباين .. والله لو أمهم موجودة ماتسوي سواتهم .. وش لك بالضيم يابنية توك بـ 23 ... عز الشباب .

والسؤال عنه أحس هاليومين ماعاد ينفع مرة يعني ماتثقي بالناس، قايمين يستهبلون وكلن يعطيك من المدايح .. على قولة المثل مين يشهد للعروسة قال أمها وعمتها وعشرة من حارتها .

والقرار لك، بالأخير هاذي حياتك .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

حبيبتي فرح ماشاء كلامك عين العقل ، الا بجزء ،،ان الي تتزوج واحد عنده بنات يجلسون له زي الطباين
انا توفت امي وتزوج ابوي وهي الي جلست لنا لين كرهتنا حياتنا ، طلقها وتزوج غيرها وكانت معاملتها مره حلوه ، ولاان احنا جربنا الي قبلها ضرب وتعذيب واهانه ، كانت الثانيه رحمه وملاك من ربي ، بالعكس كنا نحبها ونخدمها ونسمع كلامها ونقوم بااطفالها معاها ولاعمرنا زعلانها،، والحين متزوجات اولادنا يقولون لها ياجده ، ونروح نعيد عليها كانها امنا ونذكرها بالخير ،

ام سالفة انه يخلع مايطلق ،، صراحه شي يخوف ، انتبهي حبيبتي

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

ﻻﻻﻻﻻ ترمي نفسك هالرميه حرام عليك انتي توك صغيره ليه تاخذي واحد متزوج مرتين ومخلف منهم كمان ويطلب الخلع منهم زي ماقالت فرح تايه يعني ادفعي ووالله مافي وحده تخلع زوجها وترجع مهرها له اﻻ ان العيشه معه ماتنطاااااق واكيد اخته بتزين اخوها ف عينك ﻻتصدقي كلامها وبعدين ليش مايخطب مطلقه مثله ليه يخطب صغيره وبنت باقي حرااام والله تظلمي نفسك كذا والله مااشوف شي يستاهل انك تتمسكي فيه وفكري بعقل ﻻتخلي قلبك يمشيك والله بتندميييين فكري بعقل .
انقهرت مرره عليك يمكن ﻻنك بعمري وماكنت برضاها لنفسي والله.

اضم صوتي مع عائلتش

كيف حكمتي ان هناك انسجام وتوافق ؟؟؟؟؟؟؟

قعدتي معاه وشاورتيه ولا مجرد حدس وخلاص

الزواج مش محتاج فقط الشعور بالارتياح

مسؤليه كبيره ، وكل المعطيات الي امامي لا تشجع

__________________
وهل من مصير اخر ؟

لا ترمي نفسسسسسسك

و لا تصدقي اخته ..
كل اللي قلتيه ما يشجع أبدا

كذابين .. واضح جدا انهم يكذبوا ..
لا تصدقي مدحهم لآخوهم و ذمهم لطليقاته السابقات

انتي ماحبيتيه ولاشيئ أخته مدحته لك ورفعته للسماء ودخل في قلبك شيئً من الاعجاب فيه خلاك ترمي كل مساوئه ....

اذا حابه تجربي ياتصيب ياتخيب الله يعينك

لكن تذكري ممكن تحملي طفل بين ايديك

وفي نفس الوقت رح تتحسفي ع بكارتك المهمه في مجتمعنا إنك سلمتيها لرجل مايستاهل

أخته قاطعيها لانها هي المحرك لك ايش الي نخطبك كل شوي انتبهي لا تكوني آداه يقهرون فيها حريم أخوهم وبكره تهربي ويجربو آداه آخرى لقهرك ....

وتذكري أصعب شعور لما البنت تتشجد رجل يطلقها وتفدي نفسها عشان تنفك من العيشه معاه هذي حطيها في بالك

وانتي تعرفي طلاق المرأه يختلف عن طلاق الرجل ...شوفيه خطيبك مطلق ومخلف اربع اطفال ويبحث عن البكر الصغيره تتوقعي لو تطلقتي لاقدر الله الفرص بتكون متاحه لك زي مانتي لسى بكر ؟؟؟؟

يكفي انه رجل تركوه زوجتين ولازال يبحث عن البكر الصغيره هذا بحد ذاته شي يخوف انه همه أستمتع والله يغفر له لكن احط في بالك كل الاحتمالات عشان لمارتتخذي القرار تكوني فكرتي في كل شي ....

قدري نفسك الناس بتقدرك
بنظري مافي توافق
اولها هو مطلق
ثانيها لديه اطفال

انتي لا انتي مطلقة( ولاتعتبرين فسخ الخطوبة طلاق)
ولافي شيء يبرر اقبالك على الموافقة في الزواج منه !!!
شوفي ياحبي في الخطوبة بتلاقين بعض الرجال يطق 4000 بيت وهو مؤمن في قرارات نفسه
ان البنت تستحق أفضل منه بس في خاطرة ان خابت مالحقني ضرر وان صابت هذا العيد


ايضا لو تزوجتي منه لاقدر الله وحصل طلاق ، النتائج ستكون وخيمة عليك ، والاولى في كل الامور السلامة
الله يسخر لك يارب

بسم الله الرحمن الرحيم

اختي ان كنتي قد ارتحتي للرجال استخيري اكثر من مرة واطيلي فترة الملكة على الاقل 6 شهور حتى تزيدي من الاستخارة في المواقف التي تواجهك منه في هذة الفترة واذا كان لا سمح الله فاسق مع دعائك واستخارتك سيكشفه الله عز وجل في هذة الفترة .

ودعي عندكي السؤال ليس بمعني ان لا يسال اهلك عنه يجب عليهم تمحيصه سؤال لكن القصد ان لا تعتمدي على السؤال ولا تعتمدي ايضا على الاراء كلن يرى الموضوع بوجهة نظره ونحن لا نعلم ظروفك وظروفه كل ما سردته لا يثير في القضية شك واضح ومبين ليس الا احتمالات نسجت على تجارب قد حصلت . لن يفيدك يا اختي الا الاستخارة ثم الاستخارة ثم الاستخارة ثم ان تطولي فترة الملكة باكبر قدر ممكن حتى يظهر لكي الله عز وجل معدنه .

بالنسبة للمهر يا اختي هذا من الخطاء ان يكون غالي ومحدد فانتم تشترون رجل ام اموال وهذا هوا من اهم اسباب عدم استطاعة الشباب على الزواج حاولي بان تقنعي اهلك اذا تميتي واستخرتي بحل اوسط لا يغضبهم ولا يعجزه .

من ناحية الخلع يا اختي حاولي بان تفهمي منه ما سببه وانا اربط بحسن نية ان سببه العجز المادي ولا ما كان الرجال صد شوي عن مهوركم كان دفع .

اما بالنسبة للسيئات الي بتواجهيها اولا فارق العمر له ايجابيات وسلبيات من ايجابياته انه سيكون في رزانة العمر قد لن يتوفر فيه طيش الشباب اما السلبيات هي بانه في هذا العمر يكون الشخص مائل للادخار وذو نظرة مستقبلية واعدة فقد تواجهين صعوبة في التعايش مع شخص يمسك بزمام الامور اكثر منكي حبتين لانه كبير بالعمر وفي نظره مفهموم اخر للماديات .

وارجع واكرر عليكي اختي الاستخارة اهم شئ في الحياة

واسال الله ان يكتب لكي الخير في كل الاحوال

هذا دعاء الاستخارة
اللهم إني أستخيرك بعلمك ، و أستقدرك بقدرتك ، و أسألك باسمك العظيم، فإنك تقدر و لا أقدر ، و تعلم و لا أعلم و أنت علام الغيوب ، اللهم إن كنت تعلم أن زواجي من (فلانة بنت فلان أو فلان بن فلان ) خيرا لي في ديني و معاشي و عاقبة

أمري فاقدره لي و يسره لي، و إن كنت تعلم أن زواجي من (فلانة بنت فلان أو فلان بن فلان ) شرا لي في ديني و معاشي و عاقبة أمري فاصرفه عني و اصرفني عنه و اقدر لي الخير حيث كان ثم رضني به

الطلاق لن يكلفه الا نفقة عياله ال هي مستمرة سواء تم الانفصال اولا
الا اذا كانوا الثنتين كاتبين مؤخر صداق كبير
لم افهم مدام عنده زوجة غير مسؤولة ..لما ينتظرها تخلع عوضا عن ان يطلق
لا يسمى من تقدم لك مطلق بل مخلوع

__________________