مثل ماهو مبين يا أخوات في العنوان
أنا باقي لي كم شهر وأولد إن شاء الله بالسلامة وإلى الآن ما شريت ولاجهزت شيء للمولود بس ناوية أشتري شيء بسيط وكم غيار للطفل ليوم الولادة والأيام الأولى لاغير وبعد ما أطلع من المستشفى بخلي
أمي تشتري تجهيزاته لأن الواحد مايدري وش الله كاتب


أيش رأيكم ابغى أعرف تجاربكم بها الأمر...؟!

الله يقومك بالسلامة و الصحة و تقر عينك برؤية مولودك سليم معافى
بفضل الله

عن نفسي توكلت على الله و في كل مرة أحمل , أشتري قبل الولادة
إذا كنتي تحبين التريث , اشتري الأمور الرئيسية التي ترتاحين فيها لذوقك
سرير ,مفرش للنوم عليه , اختاري نوع لأستقبال الضيوف و نوع قطني بارد , لنوم الرضيع مساء
يعني كم غيار , و أن شاء الله ,,الله يكتب اللي فيه خير
..
اكتبي أدوات الصيدلية في ورقة و دعي زوجك يشتريها بعد الولادة
أكيد عندك اطلاع على أغراض الصيدلية , الخاصة (بك) و ب(الرضيع)
هذه خليها بعد الولادة

الملابس , اشتري ما يكفي أسبوعين ,,ثم دعي أحدى أخواتك أم أمك حفظها الله تشتري البقية

يعني الزبدة
اللي يشترى قبل
أغراض رئيسة
غيار لأسبوعين

اللي ممكن تتركيه بعد
أغراض الصيدلية , بس ضرووووري تكتبيها كااااملة
و ما ينقص من غيار

اهتمي بنفسك.دعواتك لنا وقت الولادة , و الله يسهل عليك

__________________

الله يسلم عمرك ويجزاك خير على دعواتك الطيبة
وذكرتيني بأغراض الصيدلية الله يذكرك بالشهادة صايرة بهذا الحمل ذاكرتي صفر ومالي نفس أطلع أسواق وأحس بكسل وثقل
بس فكرت فقط أجهز أغراض أساسيه للمولود وبكتب قائمة الصيدلية كما أوصيتيني

ومعليش تحمليني شوي بالنسبة لأكل النفاس هل تعانون مثلي من بعض الأكلات إلي لها روائح وتمتنعوا عنها..؟؟
لأن أمي تصر علي ببعض الأدوية الشعبية وأنا أرفضها جملة وتفصيلا فهل فيه بدائل لها أخف وطئة وماتقرف لأن
فترة النفاس شيء لايطاق وإلي يزيدها تعب محاولة إرغامك على بعض الطعام بحجة انه ضروري وبدونه ماينفع

وإن شاء الله لن أنساكم من دعواتي جزاكم الله عنا ألف خير

تصدقي , أني لا أخذ أعشاب أو ادوية شعبية

يعني غذائي فقط صحي , حليب ساخن , تمر , فرااخ (دجاج) بس يكون من مزارع و صغير , فاكهة ,
و أستمر على المرهم و الغسول بوصفة الطبيبة , لموضع الخياطة
و أشوف أني أخلص النفاس و أموري طيبة


أن شاء الله يفيدوكي الأعضاء ,, ببعض النصائح عن الأعشاب و فائدها
فاعذريني ليس لدي معلومات أو تجربة عنها


موفقة

__________________

يعطيك العافية وأنا قررت لا أعشاب نهائياً بنفاسي إلا شيء غير مقزز

شوفي اولا انشالله تولديه بالصحة..ثانيا انصحك اشتري الاغراض الاساسية مثل اللفافات و القماط و الحفاظ و البودر وو..الرضاعة و الثياب الداخلي.دعك من الاغراض الثقيلة..يكبر و تشريله

__________________
أنا نسمة قوية تهد الجبال..أنا نسيم الربيع يدغدغ وجهك الآن..أنا رفات حركتها قدرة الله..فانظر حولك علك تجد أثرا لي في التراب

آمين يارب
وتسلمين لي يا أخت كنوز وفعلاً هذا إلي قررته أني أشتري أساسيات وأخلي الباقي بعد ما أقوم بالسلامة

أكرر شكري لك

جومانة ربي يقومك بالسلامة يارب
بالنسبة للتجهيزات .. حطيت موضوع عن احتياجات المولود تلاقيه بركن الطفل مثبت ان شاء الله يفيدك
واعتقد انه يتضمن الاساسيات ..
اهم شي ماتكثري من الثياب لانه ماشاء الله بسرعة يكبر المولود

الشي الثاني انا مع شراء اغراض البيبي من قبل .. لانها متعة بصراحة

اخيرا موضوع النفاس .. ولدت مرتين .. و بالمرتين رفضت شرب ايييي اعشاب
ومالي بخرابيط النسوان لا بخور و لا شرب اشياء
بس احافظ على شرب الحليب و الماء (عشان الرضاعة ) و اكل الجبن
والسلطة .. يعني احاول يكون اكل صحي بقدر المستطاع
والحمدلله جرح الخياطة التئم بسرعة و الحليب ماشاء الله موجود و ارضع عيالي لما بعد السنة
و مافيني الا العافية ..

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هلا يانواره
تعرفي أيش المشكلة أنا صايرة بهذا الحمل كسلانه مرة وحاسه بثقل فضيع رغم أني لسى باقي أسبوعين وأخلص السادس وإلي يشوفني يقول هذي بآخر شهر من التعب إلي أحس فيه ونفسيتي مررره مو حلوة
وبالليل ما أنام زي الناس بس أتقلب وأحياناً تمسك معي بكاء وزهق ومجننه زوجي معايه مو عارف أيش يسوي لي
وخايفه من الولادة وبس أفكر بأبرة الظهر هل أخذها وإلا لا
وأغراض البيبي كلمت أمي أمس بالليل وقلت لها تشتريها صاير السوق يسبب لي قلق وتوتر وأطلع بسرعة من المحل قبل أخلص أغراضي

هالحالة إلي أنا فيها طبيعية وإلا لا...؟!!

وشكراً على ردك وأعذريني جلست أفضفض

فضفضي حبيبتي ..

ان شاء الله حالتك طبيعية .. صح مامرت عليا ..
بس اكيد انها هرمونات الحمل عاملة عمايلها معاك دربي يعنيك و يقومك بالسلامة يااارب ..
طيب دامك لسه باخر السادس الله يتمم لك على خير ياارب.. استني شوي يمكن هالحالة بتروح لحالها

استني لنص السابع مثلا و اذا مافي تحسن ارسلي الوالدة الله يطول بعمرها
ومن الحين ريحي نفسك و خذي لك يومين ببيت اهلك يمكن مع اللمة تنسي تعب الحمل شوي
مسالة الثقل المبكر جربتها ببنتي .. اووف كنت احس شي ثقيل اسفل البطن ماقدر حتى اجلس زي العالم
منه .. بس لاحظت انه الجلسة كانت بتزوده و اذا قمت اتحركت و مشيت كان يخف

كنت اذا جلست ماقدرت اقوم و اذا قمت اشتغل ماودي اجلس ..
هانت حبيبتي فات الكثير .. باقي شوي و تخلصي باذن الله
ولا تقلقي من الولادة
والله بابكري تعذذذبت وتقطعت و شفت شي الله لا يوريك و خفت من الثاني
والحمدلله ربك سهلها و مادريت كيف طلعت
فسبحان الله كل ولادة مختلفة و ان شاء الله ربي يكتب لك ساعة و لادة سههلة
بالنسبة لابرة الظهر.. انا ما اخذتها بسبب امي الله يطول بعمرها كانت معاي
وبس تصيح لا تعطوها و انا اصيح اعطوني .. براسها انه الابرة تسبب الشلل بعيد عنك
للاسف زوجي ماكان موجود .. ولا كان خلاني اسويها
الحين يقولي بالولادة الثالثة (يفكر بالثالث وتو الثانية ماتمت سنة )) لاازم تاخذيها .. ليش تعذبي عمرك و الحل موجود

صلي استخارة و حطيها ببالك و اذا احتجتيها اطلبيها
وياارب ماتحتاجيها و تتسهل ولااادتك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله