السلام عليكم

أنا متزوجه وزوجي مطلق واله من زوجته الاولى ولدين وبنتين .. مع اني صغيره واستعجلت على نفسي خذيته وعمري 24 ... وهو عمره 33

اممم انا كنت شارطه بحياتنا تكون مستقله يعني بالاصح بدون عياله ...

بس زوجي كل بين شهرين يفتح لي مواضيع يبي ياخذ عياله بس انا رافضه بحكم الشرط ... قبل فتره ماشفته الا قالي تصدقي كنت افكر ارجع للأولى بس غيرت رايي ...
وتصدقوا من ذيك اللحضه الى هليوم حبي له قل بكثييييييير وصارت ماحب اشوفه ..

بس اهو صار لما هي تتصل عشان امور الجهال يرد عليها يقول هلا بيش وانا لما كلمته ليش ترحب فيها قالي ام عيالي وبنت عمي وكيفي

وانا خلاص النفس بدت تعووووف ... ماعاد القلب يهوى ولا العين توله
الى درجة اني ماشتهي اكشخ اله ...


وش اسوي



الاشراف/ تم تعديل العنوان لـ يتناسب مع المضمون .

تم نقله الى قسم المتزوجين , مكانه الانسب .بالتوفيق.

__________________

المفروض انها اجنبية عنه حتى وان كانت بنت عمه وإذا العيال يبو شي يتصلوا على ابوهم ما فيه داعي تتصل عليه واذا العيال صغار جدا يتصل احد من اهلها امها ابوها اخوها تشوفلها صرفة


لانه اجنبي عليها

طالما انتي اشترطي عليه من البداية وكنتي واضحة معاه ما تسمحي له بالتمادي أكثر

بس لا تقصري معاه في شي ترا مو في صالحك

البسي واكشخي اكثر من قبل وصدي بدلع مو تهاوشين وتسببي مشاكل ويطفش منك ساعتها بتكوني قدمتيه لها على طبق من ذهب


خليك شاطرة واستخدمي ذكاء الانثى ووضحيله انه لازم يحترم مشاعرك وبينيله انه اللي قاعد يسويه فوق انه حرام شرعا قاعد بينقص من مقدار رصيد حبك له واحترامك له لانه تعدى حدود الله مع هذه المرأة

ما تنسي الدعاء له انه الله يبعده عن الحرام انا ما نصحك ابدا انك توافقي انه ياخد عياله بس اذا قرر يرجعها اختي لا تطلبي الطلاق واحتسبي الاجر وشوفي مصلحة هالعيال

ادري انها صعبة بس اختي كان لازم تتوقعي انه ممكن يرجعها في يوم من الايام وخصوصا انها بنت عمه يعني اخبارهم ما انقطعت عن بعض والا ما تصير مناسبة ويتلاقون فيها ولو من بعيد

الله يكون في عونك يفرج عليك و يسعدك دنيا وآخرة

__________________

والله من رأيي تعاملينهم مثل عيالك ما تدرين يمكن هم اللي بينفعونك في الدنيا

اختي هل لديكي اولاد ؟ اقصد هل انجبتي ام انكم متزوجين جدد ؟

اي العيال شنو ذبهم
بس لازم تشوفين لج طريققة ما يسكت عنة الموضوع ذى

انا لي ثلاث سنوات متزوجه

زعندي ولد وبنت ورى بعض على طول جبتهم

ومشكلت زوجي مايحب اتكلم معاه بمواضيع
تخيلوا لو اي حاجه بقلبي اكتبها برساله لأن مايرضى يسمعني

فعشان كذا ماعرف اتصرف

اول مرة اسمع عن ازواج ممنوع الكلام بينهم وعايشين بالمراسلة!!!

بس ما علينا اذا هذه هي الطريقة اللي عايشين بيها


خوديلك فنجان قهوة وعدلي راسك وجيبي ورقة وقلم واكتبي رسالة وضحي فيها كل النقاط التي تريدين ان توصليها له بأسلوب واضح جدا
اشرحي له مشاعرك
ما يزعجك
خطورة تصرفاته على علاقتكما وتأثيرها على ابنائكم
خوفيه بالله وفهميه انك ما تتحملي تشوفيه بيتعدى حدود الله في علاقته معها وانك خايفة عليه
ذكريه باتفاقكما واخبريه ان نقض العهود ليس من شيم الرجال
وانتي ادرى بالاسلوب اللي يتماشى مع زوجك
الله ييسرلك امورك

__________________