لاول مرة اتشجع واكتب مشكلتي بس لاني من جد تعبت وخلاص فاض الكيل
انا متزوجة من خمس سنوات من رجل طيب واخلاقه جدا عالية والكل يمدح فيه وانا احبه واموت فيه بس للاسف اني من غبائي مااكتشفت عيوبه الا الان انه انسان اناني ومايحب ان احد ينصحه وماياخد بنصيحة احد وروتيني ممل ورامي كل مسؤلية الاولاد عليا من تمشية من مشتروات من كله وكل هذا غير الضيقة المادية اللي من يوم ماتزوجته

حبايبي الله يسعدكم بس انا الموضوع لسه ماكملته صار عندي عطل وماكمل الموضوع بس تسلموا على تفاعلكم معايا مشكلتي مع زوجي انه انسان روتيني ممل مايحب الطلعة ولاالتغيير لو يعيش مليون سنة بنفس الروتين عادي هذا شي والشي التاني ماهو حابب يتحمل مسؤلية اولاده باي شي لاتماشي لامشتروات ولاحاجة كله انا المفروض اعمله وماعندي مانع بس حلوة المشاركة وبعدين انا ماعندي الااتنين يعني مهم عشرة نفسي يوم ياخدهم ملاهي او يطلعهم البحر مافي الا بمزاجه ولو صار ورحنا يدوبك ربع ساعة وخلاص طفش طيب انابمشيهم مع اهلي طيب وانا فيني من هذا كله يكفي اني افلمت نفسي على اشياء كثيرة وبالعافية كل هذا علشان المفروض اني اصبر واتحمل اقلمت نفسي على ان العلاقة بيني وبينه بمزاجه لو هو حابب لو موحابب انسى ان اطلب لاني طلبت كثير وكنت اقابل بالرفض منه وتنكسر نفسي واقول معلش مشي حيلتك يمكن يتغير خلاص انا تغيرت وصارت نفسي ماتجي لهذا الموضوع الا فين وفين اقلمت نفسي ان ماتكون لي طلبات والله ياناس يوم مايعطيني فلوس ويقوللي روحي متعي نفسك مااعرف ايش اشتري لاني محتاجة كل شي وماببين له انه مقصر علشان لايتضايق اقلمت نفسي اني مااطالع لحياة اخواتي اللي ماشاء الله موناقصهم شي عمري ماقلتله شوف فلانة لاني مااحب احسسه بالتقصير بس كل هذا صرت حاسة ان من كثر تقديري لظروفه صرت عنده مااسوى شي او انه صار يحس انه مفروض عليا اتقبل اي شيء باعتقاده اني مبسوطة برغم اني مااخبي عليه اي شي يضايقني مااحب اكدس في قلبي دايما اول باول احب ان نتفاهم علشان لاتشيل القلوب من بعض لاني احبه وكم مرة فهمته انا انسانة بموت من الروتين نحاول نغير بابسط الاثمان وبابسط الاماكن والله ياناس مابطلب الغالي دايما الرخيص ومافي فايدة اهلي واخواتي كلهم سافروا وانا مااخبي عليكم صار فيني غصة انا بشر نفسي اسافر زي باقي خلق الله بلاش السفر يطلعني حتى لو المدينة مافي فايدة انا نويت بكرة ان شاء الله اخر فرصة اذا ماحب يفهم انها واصلة معي حدها انا بروح عند اهلي وبفهمه اني حروح علشان يشوف حل انا عارفة انا ماحيستغنى غني لانه يحبني ومتاكدو من هذا الشي ويحب اولاده موت بس لازم يحس انه ممكن يخسرني لو مالقي حل ولا ايش رايكم انا منتظرة ردودكم
والله عارفةان ممكن تكون مشكلتي هينة قدام مشاكل الاخرين بس الله يساعدهم ويحل مشاكلهم يارب بس الانسان لما يكون متضايق يحس مشكلته اكبر هم في الدنيا

الله يفرج همك يكفيك اخلاقه العاليه والطيبه وكله يهون

ما في حدا كامل يا عزيزتي،،
تحملي عيوبه قدر ما تستطيعين و حاولي ايجاد حلول لها،،او حتى لتجنب افعال قد تزعجك فيه
والله يسعدك ويريح بالك يا رب

__________________
استغفر الله لي و للمؤمنين و المومنين ,, الأحياء منهم و الأموات الى يوم الدين

ربنا يفك كربك
ممكن تدخلي احد من العقلاء صديق او قريب
لكن بعد اذنه طبعا وتعرفيه انك حتحكي لفولان

__________________
لا اله الا الله

غاليتي اذا كان زوجك اخلاقه عاليه

انتي بنفسك تخلينه يبعد عن سلبياته

مثلاً روتيني اذا تقدرين تخلينه يتغير يعني طبيعته من النوع اللي يحب تحطين له الغذاء الظهر قولي له والله بكل صراحه اني فكرت اذا جيت من عملك تاخذ لك قيلوله شوي وبعد صلاة العصر ان شاء الله جاهز وفي هذا اليوم تعمدي انك تحطين له الشي اللي يحبه ..

على عدم تحمله لمسؤوليه اطفاله عوديه على شوي شوي حطي عنده طفله الصغير وقولي انا ابغى آخذ لي دش والله يعافيك طفلك عندك اهتم به هو راح يقول انتي امه لازم تخلينه معاك قولي لك وانت ابوه حبيبي وبعدين متى طفلك راح يتعود عليك انا شوي وراجعه ما راح اتاخر وروحي بسرعه للحمام لاتنتظرين منه كلام ...

اشيااااااااء كثير انتي تقدرين تتفاهمين معاه بالصبر وطولة البال

اذا سوى شي انتي مو عاجبك لاتعصبين طالعيه بنظرات تأنيب...

وترى فيه مثل مصري يقول اللإبن على ماتربيه والزوج على ماتعوديه ..

__________________
أنا مدام المختار<<منعاً للإحراااج

__________________
لا إله إلا الله محمد رسول الله

اشكركم على ردودكم والله يوفقكم يارب انا والله اني تعبت من كثر ماحاولت مافي فايدة انا من يوم ماتزوجته وهوعلى هذا الاسلوب والكل يقوللي حاولي تتاقلمي كيف اتاقلم على اني اموت نفسي مدفونة بالحياة يعني حابة تطلعي اطلعي مع اهلك حابة تشتري روحي مع اهلك حابة تمشي الاولاد روحي مع اهلك وهو وين مشغول ماادري بايش يخترع اشياء مالها داعي علشان يحسسني انه مشغول ولما اطلع واتصل عليه انت وين علشان اطمن عليه يقوللي في البيت احس بغصة بس امشي الموضوع لا والمشكله انه عارف ان روحتي لبيت اهلي تتعبني نفسيا بسبب مشاكل سابقة ماحاخوض فيها وبرمضان تراسلت مع طبيب نفسي وفهمته مشكلتي مع اهلي فطلب مني ان لازم ابعد عنهم ولو لفترة وفهمته هذا الكلام مع اني ماحاولت انه افهمه ايش هي المشكلة ومستحيل اعرفه لانها صعبة ومعقدة وماابي تتغير صورتهم امامه وفهمته ان الدكتور يقول لازم تغيري من روتين حياتك وتطلعي من اللي انتي فيه مافي فايدة كاني اتكلم في الهوى كل اللي عليه قال شفتي حتى الدكتور من راي ان لازم تخففي من روحة بيت اهلك كيف اخفف وهما المنفذ الوحيد لي ومافي بديل شافني برمضان ان نفسيتي كانت معدومة ان حاول يغير شي ابدا كل اللي يقوله شوفيلك احد تطلعي معاه كاني متزوجة الناس موهووالناس موفاضية لي حتى اخواتي ياجماعة والله انا مااحب المشاكل ولا النكد وراضية بكل شي الله قسمه لي في حياتي كل اللي طالباه التجديد في حياتي وهو مومهتم من ناحية الكلام اقسم بالله اني تعبت من كثر ماتكلمت وعن نفسي مااعرف اتكلم بصراخ او بقسوة دايما كلامي بنبرة ضعف وهذي طبيعتي حاسة اني خلاص كل حياتي غلط لما اجي افكر في حياتي احط اللوم على نفسي اني سلبية ولاني مااعمله مشاكل ونكد تعود على السلبية وتعود اني قانعة بكل شي من زود حبي ليه صرت افكر فيه قبل نفسي مااحب اتعبه واشيل هم تعبه هل انا غلطانة بطريقة تعاملي معاه انا متاكده اني غلط بس كيف اغير طريقتي مااعرف يعني انا وهو لينا يومين مانتكلم وعارف من ايش زعلانة لا ويزعل هو كمان كنا عند اهله واخواته طلبوه نتطلع نتعشى كلنا في مول قريب منهم وطلبوه انهم ياخدوني معاهم رفض انا زعلت قلتله ليش ماتسالني اذا حابة اروح ولا لأ يقولي بمزح انا فين مااروح تروحي معايا لاتبعدي عني وخلاص سكت واكلتها في قلبي ورجعنا البيت وعارف اني ماتغديت كويس ومافي شي في البيت لانه متضايق شوي حتى ماكلف نفسه يسالني حابة تاكلي شي لو هو جوعان كان احسن مطعم وراح جاب اكل وببساطة رجعنا البيت ودخل نام ولاكانه في اي شي انا من يومها وانا مابتكلم معاه انا حاسة اني في منطقة الصفر وموعارفة كيف او من وين ابدا من جديد فكرت بموضوع الذهاب لبيت اهلي بس خفت لانهم مسافرين ومافي الا اخويا ومابيجلس في البيت ايش ذنبهم الاطفال يتهجولوا معايا لغيت الفكرة وقلت لااجلس في بيتي بس اطنشه وطالبة حلولكم كيف اتصرف معاه وياريت لاتتاخروا عليا منتظرة حلولكم بفارغ الصبر وياكثره عندي

أختي الكريمة
أقرأي ماضيه وأعرفي سبب تغيره
طبيعة الإنسان أنه إجتماعي ومعطاء ، ولكن ممكن هناك موقف أو سبب أثر في زوجك لدرجة التبلد وعدم الإحساس والإنطواء
ماضيه كيف كان ؟ وهل في بداية زواجكم كان كذا؟ وهل يعاني من مشاكل صحية ونفسية؟ هل طبع إخوته وأخواته مثله؟
أنت ما قصرت ومعذورة وسويتي اللي عليك ، لكن إذا عرفت سبب تغيره راح يسهل علاجه
والله يوفقك

__________________
لا إله إلا الله محمد رسول الله

اخي عبد العزيز زوجي بطبيعته من زمان بيتوتي ومن يوم ماتزوجنا وانا احاول ان اعمل تغيير في حياتي يعني انا دايما اطلب منه ايش رايك نتغدى في المكان الفلاني يرضى لما تكون المادية مرتاحة شوي مايرفض بس موحلو اني دايما انا اخترع الجديد غالبا الانسان يحتاج للتغيير المفاجئ لكنه كل حياته عادية واهله عكسه تماما اجتماعيييييييييين لاقصى درجة ويحبوا الناس والعشرة وحاولت اني اتدخل فيهم يعني من باب التغيير مالقيت عندهم قابلية برغم انهم يحبوني واحبهم كتير ومافي اي مشاكل بينا وهذا لاني انسانة سلمية مااحب المشاكل بس بعدها بطلت منهم اطلب منهم ان اطلع معاهم في اي مكان يروحوه اما عن اذا كان في ماضيه شي الله اعلم بس بحد علمي ان نفس طبيعته ماتغير صحته عال العال الحمد لله ونفسيته مرتبطة بالمادية برغم اني مريحاه من هذي الناحية ودايما افهمه ان انبساطي معاه اهم من المادة وان حياتي معاه بتكون بقمة السعادة لما احس بحبه موبفلوسه ومافي فايدة كل ماتكلمنا يقوللي ان شاء الله بس تصير معايا فلوس راح اعملك واعملك طيب هذي ارزاق من عند الله فرضا انت قسمتك من هذي الدنيا من الناحية المادية قليله يعني نموت تخيل من قمة روتينه انه لو اهملت نفسي بالبيت ومالبست وكان شكلي منعكش وعملتها كم مرة حابة اشوف ردة الفعل عادي لي شهور انام بالبيجامة ولا مرة قاللي ليش او ولامتى عادي ولما اتكلم معاه يقولي انا بسيبك براحتك طيب حلو لما الرجال يطلب من زوجته تتجهزله وتلبسله مافي هذا وانا غيرت فيه امور كثيرة من يوم زواجنا بس تعبت اللي يكسر خاطري انه يحبني والوحدة تحس بزوجها اذا يحبها اولا بس صرت حاسة اني صرت اخر اهتماماته من جد اخر اهتماماته دلوني كيف ارجع اولعه فيني انا خايفة على زواجي ومااحب يزعل مني وكرهت كثر الكلام لاني صرت احس انه طفش وانا كمان طفشت والحل ؟؟؟؟؟؟؟؟؟؟

الحل أنك تجلسي معاه جلسة مصارحة ، وقولي له كل شئ
يا إما يعدل من حاله ، أو يتدخل أحد الوالدين في الموضوع إن لزم الأمر ، أو يعالج نفسه عند مختص
لأنه واضح عليه أنه فارغ وما عنده شئ يشغل وقت فراغه فيه

__________________
لا إله إلا الله محمد رسول الله