زوجي يضربني ويخونني مع أختي - منتدى عالم الأسرة والمجتمع

01-06-2009, 12:57 AM

آه يادنيا غداره

عضو جديد

تاريخ التسجيل: Jun 2009

المشاركات: 28

زوجي يضربني ويخونني مع أختي

السلام عليكم ورحمة الله وبركاته
مرحبا اخواتي واخواني..
اقرأوا قصتي ولاتنسوني من دعاكم تراني بحاجه لدعاكم ادعوا لي ربي يفرج همي وينصرني...
انا متزوجه من سنتين انا الحين عمري 19سنه وعندي ولد عمره سنه وللحين بعدي ماادري كيف الدنيا ولاادري كيف الازواج يعاملوا زوجاتهم بس زوجي دايم يقولوا الرجال ازفت منه وانه مافي احد مثله يعاملني بس انا اشوفه قاسي معاي ولايفهمني ودايما يجرحني بكلام زي السم حتى احس نفسيتي تعبانه واجد يجرحني بكلام ماينسى يعني حتى كلام يمس شرفي ودايم يقول لي انتي غبيه وماتفهمي ودايم يقول انتي حيوانه على اقل شي واوقات يضربني ضرب مايرحمني به ينتفخ جسمي وحتى تبقى آثره على جسمي اكثر من اسبوع وقبل كم شهر لقيت عنده جوال يكلم فيه بنات حوالي اكثر من50رقم بنت ومن ضمنهم رقم وحده من خواتي عنده علاقه معاها وانا مااعرف هذا الرقم طبعا حاولت اتفهمه وقلت له ماراح ازعل منك الأنسان بطبعه خطاء والله يغفر الاخطاء واني مسامحتك بس اترجاك لاتعيدها وبعدها بكم تقريبا ب3شهور سافر لأخته شهر وشوي امريكا وتركني مع ولدي وحافظت عليه بكل شي حتى ماطلعت من باب البيت الا لبيت اهله ورحت مره بيت اهلي ويمكن مرتين لأختي وطلعت للمستشفى كنت تعبانه ومره رحت عشان تطيعمة ولدي بس وحتى في هذي الفتره الي كان مسافر فيها كانت معاملة امه لي مره سيئه واني ولامره اذكر ضريتها بشي بس كانت تبغاه لبنت اختها حتى غلطت علي وسبتني وقالت لي انتي بنت شوارع وسبت امي والله يعلم ان مافي احد من الي يعرفوني يقدر يقول عني هالكلام لأني اخاف ربي بس ولدها هو الي عطاها مجال تغلط علي ووالله العظيم مانطقت عليها بولا كلمه خليتها تسبني بكيفها بس قلت لها ليش تقولي عني كذا عذرها الي تعذرت به انها كانت معصبه لأني اختي كل كم يوم تجيني بدون ماتروح لها اول وتسلم عليها بعدين تجيني مع انه انا جارتها مو معاها ببيت واحد عشان اختي تدخل من نفس الباب بدون ماتسلم عليها يعني بابين بالبيت باب لمدخل شقتي وباب ثاني بيت اهل زوجي وسبت اختي وحتى طردتها من شقتي مع انه اختي هذي مقربه لي ولانطقت لها بولا كلمه وبعدين زوجي لما رجع من السفر قعد يتكلم معاها وجاني يقول انتي الغلطانه ومشيت الموضوع عشان اعيش وبعد مارجع بسبوع لقيت عنده جوال ثاني يكلم بنات فيه وتكلمت ومشيت السالفه قلت يمكن يجيه يوم يقدر الي اسويه وبعدها بكم يوم نسى اميله مفتوح وانا قعدت على النت وشفت رساله راسلها لبنت لما كان في امريكا كاتب فيها وحشتيني بجد وانا احبك واجد ومستعد اضحي بعمري عشانك ولاتنسي دواك ومن اول ماتشوفي الرساله دقي علي المهم حاولت اتكلم معاه واتفهمه بس علطول يصارخ ولايعطيني فرصه للكلام ويقول انا ماأحبها ولاشي احبك انتي قلت له طيب خلاص اتركها قال خلاص بتركها وصدقته وقبل فتره شفت محادثه معاها قلت له خلاص اتركها اذا تحبني وتبغاني وعلطول يعصب ويصارخ اذا تكلمت وهالفتره شفت رسايل راسلها لها ودايم ينكر ويقول انا مااكلمها وقلت له ليش تكذب علي خليك صريح معاي قام عصب وقعد يغلط علي بكلام بجد جرحني وطردني من الشقه وقال خلاص عورتي رآسي وانا ماابغاك وانا مستحيل اخلص لك وراح اطلقك وحتى هذيك الليله مانام بالبيت ويوم ثاني طردني من البيت وجابني بيت اهلي مع اني ماكنت راضيه وعارف اني اكره اني اكره اني اجلس بالبيت فتره طويله من سبب اختي الي كانت على علاقه معاه ومع هذا هو متمسك بالطلاق وحتى اوقات اسأله وش عيوبي يذكر اشيء تافهه جدا ومن زمان صارت واوقات مايعرف يجاوبني يقول العيب فيني وحتى لما سألته امي عن المشكله الي خلته يجيبني البيت قعد يكذب علي ولاذكر عيوبه وفيه عيوب مااقدر اذكرها لأحد حتى لو ماتعرفوني ومع هذا تحملته والحين هو يقول انه بيطلقني وبيخطب وحده راضيه به وموافقه عليه مع انه قايل لها انه بيخونها وبيسافر وبيلعب ومدري ايش ووافقت عليه بس بشرط مايتزوج غيرها احسه يكذب عليه عشان اخضع ليه بس وارضى واترجاه يرجعني واتحمل عيوب زياده وحتى اليوم كلمته قلت له اوعدك اني اريحك وماافتح لك ولامواضيع من قبل ولااضايقك مقابل تخلص لي قال لي مستحيل اقدر اخلص لك يعني يبغاني اخضع ليه يبغى يسافر ويزني ويكلم بنات بس مااتكلم له واريحه او يطلقني مع اني مو مقصره معاه دايما كاشخه له وجميله ودايم احاول الشقه تكون نظيفه ومرتبه عشانه واطبخ له في اي وقت يبغى حتى لو له ولأهله وحتى لو له ولأصحابه يعني عادي اطبخ له كميات مايقول لي سوي شي واقوله لا وحتى كل الي يشوفوني يقولوا لي انك حبوبه وطيبه وجميله ماعدا امه وخواته دايما متباعدين عني ومايحبوني وشايفين حالهم كثير علي لأنهم كانوا يبغوه يآخذ بنت خالته وللحين مو متقبليني ودايما يحط الغلط علي مع اني حاولت اتقرب منهم وحتى عنده اختين من ام ثانيه يحبوني وعنده زوجات اخوه وعيالهم كلهم يحبوني ويمدحوني له بس دايما الغلط علي قولوا لي وش اسوي انا الحين ببيت اهلي من اسبوع وهو اليوم سافر لأخته ولاأدري متى بيرجع وش اسوي الافضل اخضع واتحمل ذله واهانته لي ولا الطلاق افضل؟

تم تعديل العنوان/الاشراف

التعديل الأخير تم بواسطة فيافي نجد ; 01-06-2009 الساعة 12:47 PM

01-06-2009, 12:59 AM

آه يادنيا غداره

عضو جديد

تاريخ التسجيل: Jun 2009

المشاركات: 28

وهذي قصته مع اختي قبل9 شهور
انا مشكلتي بجد صعبه وغريبه واتمنى ان مااحد منكم يصيبه مثلي ولااتمناه لأي زوجه مؤمنه بالله..
في العيد الفطر قبل الي فات طلعنا رحله مع بيت اهلي امي واخواتي ومنها بدأت حياتي تتغير صار زوجي يضربني يهيني يذلني يسبني وكنت وقتها عمري 17 سنه وفي بداية حملي وتصرفات كل يوم بعد يوم تصير ازفت واسوأ من اليوم الي قبله وتعبت نفسيتي كثير وهو كل يوم يقول يلا قومي نروح بيت اهلك وبعدها نروح بيت اهلي ونطلع مع امي واختي وكل يوم على هالحاله ولايوم ولايوم ولايوم نطلع لوحدنا طلبت منه نطلع لوحدنا قال لي مايحتاج تطلبي مني هالشي اذا شفت الوقت مناسب راح نطلع لوحدنا قلت له طيب مر يوم مر اسبوع مر شهر واحنا كل يوم مع امي واختي كل يوم بدون استثناء انا تضايقت مليت زهقت والمشكله يصارخ علي قدامهم واسكت بس اتضايق داخلي ومع هذا اضحك وعادي بعدها فكرت اني اقول لأهلي اذا قال لكم زوجي يلا نطلع قولوا له لا مابنطلع معاكم اليوم اطلع انت وزوجتك وقلت لأمي طبعا زعلت علي ولما قال لها قالت لامابنطلع معاكم مانبغى نضايقكم سألها ليش زوجتي قالت لك شي تقول لا ويقول لها لازم تطلعي معانا ولازم ومااطلع الا بك وكالعاده يطلعوا معانا ويهاوشني قدامهم يصارخ علي طبعا حتى لو خفيت ضيقي راح يبين علي واتحمل واصبر واذا رجعنا البيت زوجي يقول لي يلا انزلي وشوي وجاي ولما يدخل البيت يكون منقلب علي فوق تحت وموعاطيني وجه واذا سألته يقول مافيني شي وارجع اسأله مافيني شي اقول له حياتي حبيبي قول لي وش سويت وزعلت تراني ماسويت شي يقول اي صحيح بس قلتي لأمك كذا وكذا وبعدها ماسويتي شي ويضربني مو اي ضرب وانا كنت حامل وقتها ويسبني اسكت ولااقول لأحد من اخواتي ولا احد اقوله وكل ليله على هالحال واذا مايضربني لازم يهاوشني بعدين طلعت عاده جديده وش هي صاروا رياضين كل ليله وقالوا بنروح نمشي في الكورنيش طبعا زوجي وامي واختي وانا مااقدر امشي لاني حامل اول ليله قالت امي يلا قومي معانا وهو يأشر لي لا قلت لها لا مابروح تعبانه وقالت امي بقعد معاك انا مابمشي لاني تعبانهو مااروح الا بك المهم قمت ورحت لما رجعنا هاوشني كيف تجي معانا مو قلت لا تجي ماتفهمي غبيه انتي عبيطه المهم ليلة ثاني قالت لي امي قومي قلت لا مستحيل اروح تعبانه حدي وكل ليله على هالحال يطلعوا من الساعه 9 او 10 ولا يرجعوا الى الفجر الساعه 3 او 4 او 5 واوقات لحتى الصبح يروحوا يمشوا وبعدها يتمشوا واوقات الساعه 3 يتصل علي وبدون نفس يقول لي بنمر عليك عشان نتمشى وكل مااروح معاهم تصير لي مشكله معاه وامي الي يهديها من النوع الي ماتسكت ابد ولاتخلي صغيره ولاكبيره بالبيت الي قالتها له انا تعبت نفسيتي بقوه من هالوضع كل ليله ببيت اهلي لحد الفج قاعده زي الطوفه ماعندي شير زهقت مليت ياناس واوقات اقول لا مابروح على الاقل الشقه بتصرف براحتي وهو يطلع ومايرجع الا الفجر او الصبح واني صابره واوقات يتمشوا تقول امي خلنا نمر على بنتي الا هي انا ويقول لها تعبانه نايمه وكل يوم يكذب علي بدون مايقول لي واوقات يقول لا ماتبغى تطلع معاكم وطبعا يقول لأمي كلام مو فيني وامي تصدقه وماتدافع عني وفي يوم من الأيام قعد الصباح على انه بيروح الدوام المهم اتصلت على اختي المقربه لي قالت لي مو نايمه قلت لها لا قالت ليش ما جيتيي مع زوجك قلت لها كيف قالت سألناه عنك قال نايمه قالت يعني هو عندكم قالت اي جا مر لأن بيروح مع اختك الكبيره (الي دايم تطلع معاهم) قلت لها والله ماقال لي راحت معاهم امي قالت امك تعبانه وقالت له خلاص خله يوم ثاني قال لها لا قومي معانا عمه قالت مااقدر المهم كلمت امي كيف تخليها تروح معاه لو حدهم وليش مارحتي معاهم قال لاني تعبانه لأن امي معاها الضغط والسكري ومرض القلب الله يشفيها قالت لي هو قال لي انا زي ولدك وهي مثل اختي وامي طبعا واثقه فيها وانا بعد واثقه فيها بس تضايقت لان حتى ماقال لي اتصلت عليه وسألته هالكلام صحيح قال اي قلت له ليش ماقلت قال خايف عليك تتعبي وحنا بنروح كذا مكان انا تضايقت وزعلت قال لي ليش يعني ماتوثقي في اختك قلت له طبعا اوثق قال يعني ماتوثقي فيني قلت له بالعكس المهم عدت وهم كل يوم يمشوا وبعدها يتمشوا ويتصلي علي تتمشي معانا اقوله اي وبعدها يهاوشني لحد ماصرت اكره الطلعه المهم عدت ثمانيه شهور والدكتوره قالت خلاص امشي المهم صرت اطلع معاهم وامشي لوحدي مااحد يمشي معاي واشوف تصرفات من اختي وزوجي غريبه اقول داخلي لا يتهيأ لي وكل يوم اشوف شي واقول لا يتهيأ لي لانهم تعودوا على بعض وعادي في ناس كثير يمزحوا مع ازواج اخواتهم وامي ماتلاحظ من ثقتها الزايده بها بس احط بخاطري وازعل المهم بعدها ولدت ولما تنومت في المستشفى مومهتم ابدا المهم اول يوم جاني واليوم الي بعده قال انا تعبان ومابقدر اجيك قلت له طيب بعده تعبت وجاني الطلق اتصلت عليه مارد دخلت غرفة الولاده وتألمت وعانيت لوحدي بعد ولادتي اتصل علي وقلت ولدت ماصدقني حلفت له وصدق بعدها يوم ثاني جاني هو مع اهلي ومع امه المهم بعدها طلعت يوم ثاني وهو مو عاطيني وجه ويصارخ علي قلت وش صاير وش المستوي المهم لما رحت بيت اهلي عرفت ان اخوي كلمه عشان طلعاته مع اهلي وانا ماتكلمي لاحد وهو تاهمني اني الي قايله لاخوي يكمله المهم في الفتره الي جالسه فيها ببيت اهلي مع معاملته الزفت لاحظت تصرفات غريبه هذاك اليوم كان معي ولما طلع قالت امي لخواتي تغطوا بيطلع لقيت اختي الكبيره مطفيه نور غرفتها وواقفه عند الباب وهو داير لها المهم سألتها ليش مطفيه النور وماتغطيتي قالت ماابين دخلت الغرفه انا وبكيت لحد مااختنقت بعدها بكم يوم رجعت شقتي ودايم يهاوشني على اقل كلمه وافكر مع نفسي مااشوف اني سويت غلط و المصيبه في ليله لقيت مناديل مكتوب فيهم تواريخ وفيه وحده مكتوب فيها بعد اللمس وشعر المهم سألته حق مين هذا قال هذا المناديل اجمعهم اذا رميتهم وهذا شعرك شميت ريحتهم مو ريحتي طالعت الشعر مو شعريء قلت لا هذا موحقي قال تشكي فيني ضربني ضرب قوي وطردني رحت البيت بعدها بيومين اعتذرت له ورجعت شقتي وهو زعلان مني وراضيته بعدها في رمضان الي فات لقيت رقم بنت عنده ولما سألته صارت نفس السالفه المهم بعدها بفتره لقيت عنده جوال ثاني فتحته لقيت يمكن 50 رقم بنت والمصيبه اختي من ضمنهم ورسايل ومكالمات بنصف ساعه والساعه المهم لمارجع سألته عن الجوال بدون مااقول له اني فتحته وشفت الي فيه قام وشبعني ضرب وطردني بس مارضيت اطلع انا كلمت اختي قبلها بس انكرت وقعدت تبكي وصدقتها حتى مانمت هذيك الليله لأني حسيت ظلمتها بس تفاجأت منها مااهتميت ابد للبنات الباقي المهم كلمت طبعا امي بس ماصدقتني وطلعتني غلطانه واختي مظلومه واعتذرت لزوجي لحد ماسامحني وبعدها بفتره سألته قال انا صحيح ظلمتك وكلمت غيرك بس انا اسف ومراح اعيدها صدقته وبعدها بفتره انصدمت مره ثانيه بجوال ثاني وكلمته وبكى لي وسامحته وحاولت احسن من تعاملي معاه وحسسته اني صديقته بس مازال يكذب علي حتى اني عزمته على سفر 3ليالي كلها من عندي ولا نفع وعدني انه مايخوني وصدقته ولقيت راسل لبنات رسايل على الايميل قبل اسبوع قال لي هذول الرسايل قديمه وسويت له ليله رومانسيه وعدني انه مستحيل يخوني بس مو مصدقته لانه وعدني قبل وحلف لي وحاولت الاقي سبب عشان يطالع اختي مالقيت شي انا اجمل منها واصغر وحتى اسلوبي افضل منها وفكرت في عذر ليها مالقيت لاني ماضريتها ابدا بشي وحتى اذا رحت لبيت اهلي تزعل وتطالعني بنظرات وتحاول تقهرني وامي مصدقتها في كل شي والي انصدمت فيه اكثر اني لقيت رساله منها تبغاه يتركني عشانها انا نفسيتي انهارت ولاعدت ادخل بيت اهلي الا نادر وامي ماتتصل لي ابد ولاتسأل عني وحتى اذا وحده من خواتي تكلمني تضايق منهم وش اسوي اني ضايعه وزوجي دايما يصارخ علي ويهيني ويضربني ضرب يبقى اثره اسبوع فيني وينتفخ جسمي ولماقلت لأخوي يكلمه قال كلام مو فيني وحتى كذا مره سألته وش عيوبي يقول لي مافيك عيب قلت مستحيل مافيني عيب الانسان بطبعه خطاء قال لي العيب فيني انا لوانتوا مكاني وش بتسوا راح تكملوا معاه عطوني حل اترجاكم تراني اتعذب موووووووت كل يوم بالنهار والليل..

نسيت ماقلت لكم الشعر والمناديل لأختي لاني شميت ريحتها فيهم والشعر كان شعرها

التعديل الأخير تم بواسطة فيافي نجد ; 01-06-2009 الساعة 12:48 PM

01-06-2009, 02:44 AM

انتظر الامومه

عضو نشيط جدا

تاريخ التسجيل: Mar 2009

المشاركات: 321

والله ياأختي ماأدري شقوول قصتك غريبه كيف اختك ترضى لنفسها هذا الشئ .. وانتي ليش ماتقوولين لامك وتفهمينها اللي تسوويه اختك ... سكووتك على ضرب زوجك وتماديه عليك بالخيانه والكلام الجارح هو اللي مخليه ماخذ راحته حبيبتي انتي زووجك يسووي المصايب وتعتذرين له مع احترامي ماعندك كرامه انتي
ووين ابووك واخوانك ليش ماتشتكين لهم ... سكووتك وخووفك من زوجك واختك مخليهم مو مهتمين لك ولا حاطين لك اي اعتبار امسكي دليل على اختك ولوو انها قوويه شووي بس عشان تتعدل ودليل على زوجك وقوولي لااهلك كل شئ هذا رايي والله يهدي الجميع يارب

01-06-2009, 02:49 AM

الغالب

عضو نشيط جدا

تاريخ التسجيل: Sep 2007

المشاركات: 279

مشكلتك ألخصها في الآتي
أولا ضرب زوجك لك
ثانيا خيانته لك ومع أختك وأنتي تصفقين له
ثالثا سكوتك عن كل هذا

أسمحي لي أنتي أنسانة مريضة هانت عليك نفسك فأهانك أقرب الناس لك

مع أني أشك أن هناك شي أخفيتيه في قصتك وإلا فلا توجد أم في الدنيا عاقلة ترضى ماترضاه أمك لك
أين والدك وأخوفانك

__________________
سبحان الله وبحمده سبحان الله العظيم

التعديل الأخير تم بواسطة الغالب ; 01-06-2009 الساعة 02:53 AM

01-06-2009, 03:12 AM

آه يادنيا غداره

عضو جديد

تاريخ التسجيل: Jun 2009

المشاركات: 28

اختي انتظر الامومه تسلمي على ردك وامي قلت لها وحتى تكلمت مع اخوي الكبير وكلمه بس للأسف ماجاب نتيجه بس طبعا من اجيب له سيرة اختي يشب نار ومايعطيني حتى فرصة اتكلم ويقعد يصارخ ويضرب وحتى ماقلت لأحد يكلمه على موضوعه مع اختي لو يكلمه احد يمكن يقتلني من الضرب ومايرحمني وفعلا اني ماخليت لي كرامه معاه...

01-06-2009, 03:22 AM

آه يادنيا غداره

عضو جديد

تاريخ التسجيل: Jun 2009

المشاركات: 28

تسلم اخوي الغالب اول شي اني مو انسانه مريضه بالعكس انا انسانه طيبه ومااتوقعت من اختي الي ماضريتها طول عمري تضرني وراح اعيد نفس الكلام لو احد يكلمه ولو اني افاتحه في الموضوع راح يشبع جسمي من ضربه العنيف

01-06-2009, 03:29 AM

om abdlah

عضو المنتدى الفخري

تاريخ التسجيل: Jan 2009

المشاركات: 5,189

ياالله أيش البلاوي ألي قاعده تصير الأيام هذي حسبي الله ونعم الوكيل
ياأختي أنتي أيش ألي مصبرك على الوضع هذا؟
سكوتك وضعفك هو ألي مخليهم يتمادون ؟
وفوق هذا كله يضربك (شين وقوي عين ) حسبي الله ونعم الوكيل
زوجك لو عارف أن وراك أحد ماكان تمادى كذا
واختك اتوقع أنها حاقده عليك لأنك تزوجتي قبلها الله لايكثر من أمثالها
بصراحه مليت من قسم المتزوجين من كثر المشاكل والخيانات صار يجيني أكتئاب لما أدخل هالقسم

01-06-2009, 03:35 AM

آه يادنيا غداره

عضو جديد

تاريخ التسجيل: Jun 2009

المشاركات: 28

تسلمي اختي احب زوجي تسلمي على ردك ومشكوره لأنك قريتي قصتي وياربي مايجيك اكتئاب بس اخذي حيطه لكل شي عشان لا تنخدعي مثلي والي مصبرني عليه هو اول شي ولدي وبعدين اقول يمكن يجيه يوم يعرف غلطه ويحس ويعرف اني قد وش تحملته وآخر شي كنت احبه بس الحين ماعاد له حب داخل قلبي ابدا من كثر الي شفته منه وخايفه اني اتخذ قرار الانفصال واضر ولدي وخايفه ابقى وينضر ولدي

01-06-2009, 03:46 AM

om abdlah

عضو المنتدى الفخري

تاريخ التسجيل: Jan 2009

المشاركات: 5,189

اقتباس:

المشاركة الأصلية كتبت بواسطة آه يادنيا غداره

أسأل الله رب العرش العظيم أن يفرج همك ويحفظلك ولدك
زوجك يسوي كذا لأنه عارف أنك ماراح تقدري تسوي شي واكبر دليل يوم قالك أنه بيتزوج واحده عارفه أنه بيخونها ويسافر وموافقه على هذا كله ؟؟؟
والله العظيم موضوعك نرفزني سكوتك عن حقك وكرامتك واهانتك وضربك وخيانتك مادامه يسوي الاشياء هذي كلها وانتي قاعده معاه عمره ماراح يتعدل لأنه لو كان حس أنه بيخسرك لو أستمر على هالحال ماكان تمادى للدرجه هذي!!
واهلك أذا عارفين ألي قاعد يصير لك ليش ساكتين له ؟
وبعدين ماعندك دليل على خيانته لك مع أختك لازم تلقين لك دليل عشان يساعدك ؟
وانصحك من كل قلبي أنتبهي على نفسك قبل لايجيب لك أمراض ووقتها ماينفع الندم

01-06-2009, 03:52 AM

#10

آه يادنيا غداره

عضو جديد

تاريخ التسجيل: Jun 2009

المشاركات: 28

مشكوره اختي احب زوجي على نصايحك تسلمي صحيح حتى انا احسه خلاص ماراح يعتدل لأن كل ماجاه يصير اسوأ من قبل مع انه في البدايه حط على وجهه مليون قناع لحد ماخلاني اتعلق فيه وحتى مااتوقعت ابدا منه هالأشياء الي يسويها بس الحمدلله ربي كشفه..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه