كل سنه وانتم طيبين ,,,,,,,,,,,
شوفو المقدمات مانيب احبها ابد ,,,
بدخل بالموضوع على طول
وقسم ياليوم اني احتقررررررت نفسي
وحسيت اني ولا شي ولا شي عند هالانسانه الطيبه اللي معدنها ذهب
والله انها زارتني وبكل نفس راضيه
’’’ونزلت من عندي وانا افكر بحالي واقول صدق اني ولا شي عند هالنوعيه
أأأأأأأأأأأأأخ بس ,,,,,,,,عيوني دمعت اليوم من الموقف اللي صار لي
كنت اقول ابعدي عنها احسن لك ,,,وعيشي حياتك وتجاهلي هالانسانه
وعطيت الشيطان مساحه انه يلعب بيننا ويخلق المشاكل التافهه واكُبرها واخليها مصيبه بنظري
مع ان الحمدلله الامور بيننا تمام ولا عمرها اذتني بشي وانا كذالك والله على مااقول شهيد
تخيلو اكثر من سبع شهور وانا اتجنبها ولا ابي اي مقابله او احتكاك معها
واليوم تتصل وتعايد وتقول باجي ازورك وجاتني والابتسامه ماتفارق وجها وتسولف وتضحك معي
وانا العبرة خانقتني وكنت ودي بس اقوم لغرفتي واصيح من سخافتي واحتقاري لها
صدق ان ماعندي احساس
كيف ناس قلوبهم بيضا ومليانه طيبه نتجاهلهم
المفروض نكسبهم واذا ماحبيناهم نحترمهم اقل شي
يأأأأأأأأأاة ياناس وش اقول وش اخلي ,,
وربي كلام كثير ودي اقوله واكتبه بحق هالانسانه
اللي ظلمتها بتجاهلي وليس بافعالي لاني لم اضرها بشي ابد
مااقول الا (( اللهم لاتجعل في قلوبنا غلا للذين امنو))
هالكلام موجه الى(( ضرتي ))
وياليتي اتعلم الطيبه منها بس ياليت
آآآآآآآآآآخ بس آآآآآآآآآخ


الاشراف / عفوا تم التعديل على العنوان ليكون بالفصحى

أختي هوني على نفسك
مشاعر الغيرة جبلت عليها المرأة
فكيف اذا كانت ضرتك
لكن المشكلة التي لا زال الجميع يعاني منها
مفهوم التعدد والزواج الثاني
كون الضرة سبب مشاكل..وهذا موجود فعلا..
اذا لم تراعي احداهن حقوق الله وتحب لنفسها ما تحب لغيرها
لكن ماشاء الله
كما تقولي طيبة ورائعة
أنسيت كيف كن يتعاملن نساء رسولنا الكريم؟
وهن امهات المؤمنين
وكانت بينهن غيرة..لكن الاحترام موجود

اجعليها بداية صفحة جديدة للاحترام والحب بينك وبينها
لم لا ؟؟
وهي أن انجبت اولاد سيكون اخوات لاولادك ايضا
دائما ما نكبر موضوع التعدد والضرة ونترك للشيطان مكان لا بأس فيه
هذا واقع مجتمعنا
لكن ايضا لا تتمادي كثيرا في المحبة
حتى لا تفتحي بابا للمشاكل انتي وهي في غنى عنه
فالأخوات في نفس البيت الا وما تحدث بينهم مشادات
يعني تعاملي معها لوجهه الكريم
وطمعا في رضاه
وأيضا لست انت راعية مشاكل ويبدو ان هي أيضا مثلك
وايجابية أكثر
ولا تلتفتي كثيرا لكلام الناس
فهم على كل الاحوال لا يرضيهم شيء
ان وجدوكي متفقه انتي وضرتك لن يعجبهم
وان اختلفتم وتمشكلتم لن يعجبهم وربما يفرحو أيضا

عسى الله أن يسعدكن
وييسر امركم لما فيه الخير


تنبيه ..

يرجى سرعة تغيير الصورة الرمزية كونها مخالفة ..

وفقك الله ..

__________________

اكيد الغيرة موجودة بكل مرأة لكن لازم نتحكم فيها عشان ماتدمرنا
مشكور ة على المشاركه ويعطيك الف عافيه

ربي يديم المحبة بينكم

اختي مشاعرك هذه اللي كنت تشعرين فيها طبيعية

ولكن بما انك لم تضريها ..ربي عطاك على نيتك

تحياتي

الله يسمع منك يارب وشكرا لك

الحمد لله انك غيرتي رايك فيها


الله يديم المحبه بينكم


ما قلتي لنا

مين الاوله انتي ولا اهي

__________________

امين يارب
هي الاولى وانا الثانيه

ههههه إذاً أنتي ضرتها

اجل ياحنان شجعتيني على التعدد

اقول مالي دخل لاتنشبنا !!!

والحريم مو مثل بعض كل وحدة تختلف عن الثانية

يا حبيلك يا حنان

وربي موضوعك برد قلبي من ألي يعادون التعدد

و تصرفاتك السابقه طبيعيه منك كإمرأة

و الحمد لله شكلكم كلكم فيكم دين و خلوقات و طيبات و زوجك عادل بينكم


الله يوفقك و يسعدك ويديمها عليكم و يرزقك الذرية الصالحة الباره فيك