اخواني واخواتي

باذن الله سوف اعقد قراني نهاية هذا الأسبوع

اولا : اسألكم الدعاء لي بالتوفيق في ظهر الغيب

ثانيا : محتار كيف أقدم الشبكة لشريكة الحياة ، لأني بصراحة لا أرغب بتقديمها بالطريقة التقليدية

هل أحد يقدر يفيدني

اسعفووووني خصوصا الاخوات الكريمات

ماهي افضل طريقة لتقديم الشبكة

عن نفسي افكر اروح لمحل يعملي مجسم شجرة ( مثلا ) لها اغصان ، واعلق كل قطعة من الطقم على غصن بطريقة فنية

هذا تفكير مبدئي ( يعني ما اعتمدته

لكن نوروني بأفكاركم واشيروا علي

لأنني أؤمن بأن اتخاذ القرار الفردي هو استخدام عقل واحد للتفكير ، بينما المشورة تتيح لك الاستفادة من عقول جمة

بانتظاركم

مبروك اخوي الله يوفقك ويسعدك ويهنيك

والله قبل مادخل موضوعك.. بمجرد اني قريت عنوانك خطرت على بالي نفس فكرتك!!

اممممممم وبعد انا اخوي بيتملك قريب ونفسي بأفكار حلوة.

لكن فكرتك حلوة وراقية وفخمة جدااا

صديقة لي يوم ملكتها تقول جو عمال قبل مايجي المعرس وركبو الغصن وكان فيه زراعة بسيطة وفي أعلاه

مجسم صغير مررررة لعروس وعريسها وبين الأغصان عقود كريستال نعومة وعليها عصفور يمين وعصفور يسار

بشكل مرتب وراقي

والاشياء هذي تسويها بمحل تغليف هدايا واذا كنت من الرياض اقولك عن محل يجننننننننن

واذا تذكرت اي فكرة برجع واقولها لك

اتمنى تعجبك الفكرة هذي

__________________
اللهم لك الحمد والشكر
"ولئن شكرتم لأزيدنكم"

ممكن صندوق شوي كبير ويكون من تحت فية قصاصات الورق اللي تنحط بالهدايا وفوقها قماش ستان أو أورقنزا وكل قطعة بلحالها توزعها داخل الصندوق وممكن تحط معاها بعض الشوكلت لتزيين المنظر
و محلات الهدايا والورود يعطوك أفكار جديدة
ويشوفوا ذوقك وأفكارك ويساعدوك
أتمنى اكون افدتك

اشكركم اخواتي الكريمات على " حماسكم " في الردود

والله حمستوني من جد

من زود الحماس بغيت اروح اتملك الحين


عموما شاكر لكم


بالنسبة للمحل اختي شوبارد اسعفيني باسمه انا في الرياض لو برسالة خاصة اذا كانت قوانين المنتدى ماتسمح

اروح له واشوف ، يمكن يفيدوني بأفكار حلوة

والله لايحرمك الأجر ، وينولك مرادك ويجعلك من أهل السعادة في الدارين



وبالنسبة لفكرة الشوكليت اختي اميرة جديدة ، واوعدك اني افكر فيها بجدية

وتسلمون على اقتراحاتكم

الف مبروك
والله يتمم بينكم على خير

__________________

السلام عليكم ورحمة الله وبركاته
مبروك أخي مقدماً
ونسأل الله تعالى لك التوفيق

أملكت قبل فترة بسيطة
يوجد أشكال متعددة كرستالية بألوان وأشكال متعددة مثلاً سفينة قلب وما إلى ذلك
مصممة بطريقة تستطيع أن تضع فيها الشبكة
مع تزيينها بورود وأغصان

تحياتي

__________________

الف مبروك اخوي انا عندي فكره بس غريبه شوي ليه ماتسويها ستايل قديم شوي يعني تجيب صناديق الخشبيه المذهبه(الي يستخدمونها جدودنا بالاول) وتاخذها لمحل تغليف هدايا وتشتري اطياب قديمه يعني دهن عود وعو وبخور واطياب عربيه وتخلي كل صندوق فيه شي يعني صندوق فيه الشبكه وصندوق اطياب وصندوق عطور وتكون الصناديق مثبته على استاند بس لازم تاخذه لمحل تغليف ويسويه لك طراز قديم وربي روووووعه اتوقع بتطلع شي مميز ومحد سواها من قبل وربي يوفقك :14:

يعطيكم العافية جميعا

والله كل الافكار اللي ذكرتوها رائعة

ولكن بانتظار المزيد ، وش اسوي من حق اللي مثلي يطمع بكرمكم



مابقى وقت ( استعجلوا ) ترى ابي أهون

امممممممم

صندوق ماسكة عصفورين يمين ويسار وجواته وردود طبيعية متفتتة وعليها الطقم.

اذا تبغى افكار أكثر

سو لك لفة على محلات هدايا واطرح لهم الفكرة وبيعطونك حركات كثيرة لأن هذا شغلهم

__________________
اللهم لك الحمد والشكر
"ولئن شكرتم لأزيدنكم"