بصراحه مدري منين ابدى مشكلتي
انا شاب ولله الحمد ميسور الحال وقدرت اكون نفسي بنفسي ولااحد ساعدني بعد الله وقدرت احقق ولو شي يسير من احلامي . الان اللي باقي بس الزواج وانا متخوووف ! ليس من الزواج ولكن من كلام بعض اصدقائي او حتى الناس حولي من شكلي ( انا مؤمن بالله والااعتراض ) ولكن هل يكون هذا سبب في انا لا اتقدم للزواج وانا والحمد لله ماناقصني شي وشخص متعلم واقرا كثير ومتفهم للحياة الزوجيه ومتطلباتها والله الحمد . بس احيانا ودي اعرف من النا س اللي بخطب منهم هل البنت فعلا موافقه ولا اهلها اجبروها توافق ؟ انا الحين محتاااااااار وخصوصا ان الوالد جابرني اتزوج بنت قريبه لي وهي جميله جدااا والحمد لله ؟ بس انا مودي اظلم البنت معي او تكون مجامله لي ابغى اعيش حياتي بستقرار والجمااااااااال بالنسبه في البنت مو شرط بس انا خايف من حياة الزواج والمشاكل اللي بتصير اذا شافت نفسها علي !!!!!!

ادع الله ان يرزقك الانسانه الملتزمه التي تخشى الله وتخافه فيك وان شاء الله ماراح تشوف نفسها عليك واترك عنك الافكار هذي والله يوفقك وبرزقك ببنت الحلال الي تسعدك

أخي الفاضل الحيران..

أريد بك أن ترجع إلى عصر النبي محمد صلى الله عليه وسلم وتسأل نفسك هل لو كنت اعيش في ذاك العصر

وتقدمت لأحد الفتيات هل سترى جمالي أم ديني وخلقي؟

وهنا ستجد الإجابة أن طلب الشكل الفاتن شيء دخيل على الزواج..وإن كانت تطلبه بعض الفتيات فلا يطلبه الجميع..

وتأكد أن ماتبحث عنه المرأة لدى الرجل في المقام الأول الجوهر لا المظهر..

توكل على الله وتقدم لمن تشاء من النساء الخلوقات وذوات الدين..فمن رفضك فليرفض لعيب فيك لا لخلقة الله جملك

بها والله لايخلق إلا كل ماهو جميل..

والله يسعدك..

أختك

حائزة الأمل

__________________

انا صراحه اخوي مستغربه من كلمتك تشوف نفسها علي لان اخوي البنت اهي الي يطلب فيها الجمال اما الرجل فبخلقه واني بهذا الكلام لااقصد ان البنت مو مهم خلقها ولكن ايضا يكون مهم للرجل انها تكون مقبوله على الاقل واقولك انه بخلقك وطيبتك وتعاملك مع زوجة المستقبل ان شاء الله راح تكون في نظرها اجمل رجل على وجه الارض واخيرا اقول توكل على وخطب البنيه الي ترتاح لها من غير ما تفكر بهذا الامر والله يسعدك ويوفقك

برأيي الشخصي لايعيب الرجل شكله لكن تعيبه اشياء ثانيه وأهمها الأخلاق

وبعدين ياخوي شو هالكلام تشوف نفسها عليك
والله يا أخي محد جبرها تاخذك عشان تشوف نفسها عليك
وبعدين تحمد الله اللي بتاخذك شكلك من كلامك طيب ومرهف الاحساس وهذا يكفي


يعني انا مثلاُ جميله والحمد لله لكن زوجي اقل مني بكثير من ناحية الجمال وأحبه وأموت فيه
وأحاول أرضيه
لا وفوق كل هذا هو اللي شايف نفسه علي
الله يسامحه




والله يهديك ياخوي

__________________

لو الصبر مايفيد
ماصبر أيوب صبره

سبحان الله وبحمده
سبحان الله وبحمده
سبحان الله وبحمده

أخي الحيران ،،

دعك من هذا الهراء ! أخلاقك ونفسيتك هي الأهم فلا تتطلع لمن ينعتك بعدم الوسامة. ومن ترفض الرجل لأنه غير وسيم فهي تستحق أن تبقى عانسا !!!!

أخي الحيران ...

سلام عليك من الله وبركاته ...

أخي الفاضل,, نصيحة لك لا تجعل هذا الامر يشغل ذهنك ,, فالمرأة بطبيعتها ميالة للعاطفة وإذا أحبت زوجها بتعامله فهو أغلى ما لديها ,,
وهذا الامر حقيقة قد يفتقد في الرجل


اسأل الله لك التوفيق ...

إذا كان اختيارك هو الانسانه الملتزمه التي تخشى الله وتخافه فيك ان شاء الله ماراح تشوف نفسها عليك واترك عنك الافكار هذي والله يوفقك وبرزقك ببنت الحلال الي تسعدك وتهنيك

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما

الرجل لايعيبة شيء وإذا كنت إنسان ملتزم وخلوق وحالتك المادية جيدة وقادر على الزواج فلا تفكر في أمور كهذه لأن هذا ما تتمناه كل فتاة توكل على الله

__________________

اهم شيء اخلاقه والشكل ماهو مهم صدقني اللي قالك مثل هالحكي يمكن صادق بس البنات اللي ماتبي تتزوج تحط شرط انه يكووون وسيم حتى تتاخر بالزواج ولاتشيل هم
البنت اذا شافت زوجها طيب معها ويعاملها معامله حلوووة
راح تحبه وتحطه بقلبها توكل على الله وربي يوووفقك ان شاء الله ولاتشيل هم ولاتضيق صدرك
وبالتوفيق

__________________